Alger sprenging hefur orðið hvað varðar fjölgun fanga í gæsluvarðhaldi á Íslandi síðustu misserin og eru þeir nú rúmlega 100% fleiri en meðaltal síðustu þriggja ára, eða 41 talsins.
Þetta kemur fram á Facebook-síðu Fangelsismálastofnunar.
„Ljóst er að aukin vinna lögreglu er strax farin að skila sér í auknum verkefnum Fangelsismálastofnunar í formi fleiri gæsluvarðhaldsfanga. Það var fyrirsjáanlegt,“ segir á síðunni.
Þar kemur fram að aukið fjármagn til lögreglu, ákæruvalds og dómstóla skili sér í auknum verkefnum fullnustukerfisins. Þessari tölur sýni það með afgerandi hætti og þannig hafi álag á fangelsiskerfið aukist enn meira.