Farið var með konuna á bráðamóttöku þar sem gert var að áverkum hennar en samkvæmt bráðabirgðalæknisvottorði réttarmeinafræðings eru áverkar hennar í samræmi við frásögn hennar og meiðsl hennar beri með sér að hún hafi verið beitt kyrkingartaki með miklu afli sem hugsanlega hefði valdið tímabundnu meðvitundarleysi. Þá komi fram í vottorðinu að slík árás sé í það minnsta lífshættuleg.
Fljótlega eftir að konan kom á lögreglustöðina fór lögregla í íbúðina sem konan hefði tilgreint og þar hafi þau sem réðust á hana verið auk húsráðanda og fjórðu manneskjunni. Þau voru öll handtekin en sérsveit lögreglunnar tók meðal annars þátt í aðgerðunum.