Mikil vinna fer fram í ráðuneytunum við að undirbúa svör við fyrir-spurnum frá alþingismönnum.
„Það mætti gróflega ætla að algengt geti verið að það taki 10-40 vinnustundir að undirbúa svar við fyrirspurn og í augnablikinu er staðan þannig að verið er að vinna svör við 26 fyrirspurnum,“ segir Guðmundur Árnason, ráðuneytisstjóri í fjármálaráðuneytinu.
Alls hafa verið lagðar fram 283 fyrirspurnir til ráðherra á yfirstandandi þingi og er þeim flestum ósvarað. Á þremur síðustu þingum hafa verið lagðar fram 749 fyrirspurnir, að því er fram kemur í umfjöllun um mál þetta í Morgunblaðinu í dag.