Í Reykhólasveit eru sennilega verstu vegir landsins, segir Þráinn Hjálmarsson, skólabílstjóri þar í sveit.
Fólk víða á landinu lýsir í Morgunblaðinu í dag slæmu ástandi vega og gagnrýnir að nauðsynlegu viðhaldi á þeim hafi ekki verið sinnt. Slitlag sé að molna niður og undirlag veganna sé brostið.
Sérstaklega eru tilgreindir vegir í Borgarfirði, Langadal og á vinsælum ferðamannaslóðum á Suðurlandi, að því er fram kemur í umfjöllun um mál þetta í Morgunblaðinu í dag.