Fyrirtöku í meiðyrðamáli Benedikts Bogasonar Hæstaréttardómara gegn Jóni Steinari Gunnlaugsson, fyrrverandi Hæstaréttardómara, sem átti að fara fram í Héraðsdómi Reykjavíkur morgun var frestað til 12. apríl næstkomandi. Málið var þingfest í nóvember síðastliðnum, en aðalmeðferð mun fara fram í byrjun júní.
Benedikt höfðaði málið vegna ummæla Jóns Steinars í nýútkominni bók hans „Með lognið í fangið – Um afglöp Hæstaréttar eftir hrun“. Taldi Benedikt ummæli Jón Steinars um dómsmorð dómara við réttinn í máli ákæruvaldsins gegn Baldri Guðlaugssyni, fyrrverandi ráðuneytisstjóra, vera ærumeiðandi. Samtals fer hann fram á að fimm ummæli í bókinni verði dæmd dauð og ómerk.
Lögmaður Benedikts í málinu er Vilhjálmur Vilhjálmsson og verjandi Jón Steinars er Gestur Jónsson.