Námsmanni gert að yfirgefa landið

Rajeev kom hingað til lands sem sjálfboðaliði árið 2016 og ...
Rajeev kom hingað til lands sem sjálfboðaliði árið 2016 og hóf síðar nám í leiðsögumennsku við Keili. Ljósmynd/Aðsend

Kanadamanninum Rajeev Ayer, nema í leiðsögunámi við Keili, hefur af hálfu Útlendingastofnunar verið gert að yfirgefa landið, en hann segir farir sínar ekki sléttar í samskiptum við stofnunina.

Rajeev, sem hefur frá árinu 2016 dvalist á Íslandi, segir óljósa upplýsingagjöf stofnunarinnar hafa valdið því m.a. að umsókn hans um dvalarleyfi hafi velkst um í stjórnsýslunni í nokkra mánuði og að lokum leitt til þess að hann muni ekki geta lokið námi sínu á tilskildum tíma, í maí nk.

Staða Rajeev í dag er sú að hann þarf að yfirgefa Ísland svo Útlendingastofnun leysi úr umsókn hans um dvalarleyfi.

Til umfjöllunar frá því á síðasta ári

Rajeev kom hingað til lands í desember árið 2016 og sótti um dvalarleyfi vegna sjálfboðastarfa, en hann dvaldi þá hjá Útilífsmiðstöðinni við Úlfljótsvatn.

„Síðar sótti ég um námsvist hjá Keili og þurfti í kjölfarið ljúka nokkrum málum. Ég vildi framlengja dvalarleyfið, sækja um námsleyfi og sækja um atvinnuleyfi einnig. Af því staða mín var að þessu leyti flókin, þá hringdi ég í Útlendingastofnun í maí á síðasta ári og óskaði upplýsinga um hvernig ég ætti að snúa mér í þessu. Ég fékk þau svör að þar sem ég væri á Íslandi þyrfti ég að fylla út umsókn um dvalarleyfi og einnig vinnuleyfi. Á þessum tímapunkti hafði ég fengið atvinnutilboð frá Útilífsmiðstöðinni við Úlfljótsvatn,“ segir Rajeev.

„Á eyðublaðinu voru nokkrir valkostir gefnir og ég hakaði við „endurnýjun dvalarleyfis“. Einnig voru reitir á blaðinu til að sækja um atvinnuleyfi og námsleyfi. Aðeins var hægt að velja um einn þessara reita svo ég hakaði við reitinn um atvinnuleyfi en fyllti þó út allar þær upplýsingar sem beðið var um ef sótt væri um námsleyfi. Síðar fékk ég ábendingu um að ég hefði ekki skilað inn einu eyðublaði í viðbót og skilaði því innan tímamarka,” bætir hann við.

Rajeev segir að Útlendingastofnun hafi leiðbeint honum um að fylla eyðublaðið út með þessum hætti, þ.e. að merkja við reitinn um atvinnuleyfi og fylla einnig út upplýsingar sem vörðuðu námsleyfi.

Umsókninni hafnað

Í október sl. fékk Rajeev tilkynningu frá Vinnumálastofnun um að umsókn hans hefði verið hafnað á grundvelli þess að Útilífsmiðstöðin við Úlfljótsvatn hefði ekki tilkynnt um starfið til stofnunarinnar

„Ástæðan sem gefin var upp var að Úlfljótsvatn hefði boðið mér starfið strax án þess að tilkynna Vinnumálastofnun um það og án þess að bjóða öðrum starfið, sem ég skil fullkomlega, en þetta var mér ekki ljóst fyrr en þarna í október,“ segir Rajeev.

Skömmu síðar bauðst Rajeev annað starf hjá leiðsögumanni við Laugarvatn og hafði samband við Útlendingastofnun.

„Hann hafði farið að fyrirmælum Vinnumálastofnunar og ekki fundið neinn sem stóðst hæfniskröfur fyrir starfið. Vinnumálastofnun samþykkti þetta og hjá Útlendingastofnun fékk ég þær upplýsingar að ég þyrfti að senda inn nýja umsókn af því það væri ekki hægt að veita atvinnuleyfi á grundvelli gamallar umsóknar sem hefði verið hafnað. Á þessum tímapunkti hafði tímabundið dvalarleyfi mitt runnið út en mér var sagt að ef ég sendi inn nýja umsókn innan níutíu daga, þá þyrfti ég ekkert að óttast og þyrfti ekki að yfirgefa landið. Ég gerði það og sendi inn viðeigandi gögn, þ.á.m. samþykki Leiðsögumannafélagsins,“ segir Rajeev.

Fyrri umsókninni ólokið

Í upphafi þessa árs fylgdi Rajeev málinu eftir og fékk nú í byrjun marsmánaðar þær upplýsingar að Vinnumálastofnun hefði aftur hafnað umsókn hans. Upp úr krafsinu kom að Vinnumálastofnun hafði unnið eftir upphaflegri umsókn Rajeev hjá Útlendingastofnun, frá því í maí á síðasta ári. Hafði hann staðið í þeirri trú að unnið væri úr nýrri umsókn hans.

„Starfsmaðurinn útskýrði fyrir mér að ekki væri búið að vinna í nýju umsókninni minni vegna þess að hinni fyrri hefði ekki verið lokið. Vinnumálastofnun hefði lokið við afgreiðslu hennar, en ekki Útlendingastofnun. Ég veit ekki hvers vegna það tók svona marga mánuði, en starfsmaðurinn sagði að fyrri umsóknin yrði kláruð fyrst og síðan yrði hafist handa við þá síðari,“ segir hann og tekur sérstaklega fram að starfsfólk stjórnsýslunnar hafi á öllum stigum verið hjálplegt, vingjarnlegt og kurteist.

„Þess vegna var mjög skrýtið að heyra að fyrri umsókn minni hefði ekki verið sinnt. Síðan var umsóknin unnin og tveimur vikum síðar fékk ég bréf frá Útlendingastofnun um að vinnu við umsóknina hefði verið lokið og vegna þess að Vinnumálastofnun hefði hafnað um atvinnuleyfi myndu þeir hafna umsókn minni um dvalarleyfi líka. Í raun litu þeir fram hjá námsleyfishlutanum og einblíndu á atvinnuleyfið. Í bréfinu stóð að ég þyrfti að yfirgefa landið innan fimmtán daga,“ segir Rajeev sem hefur nú áfrýjað málinu og reynt að útskýra stöðu sína nánar fyrir Útlendingastofnun. Hann kveður forsvarsmenn Keilis einnig hafa hjálpað sér í málinu.

Upplýsingar á skjön hjá Útlendingastofnun

„Þær skýringar sem hafa fengist eru að vegna þess að ég hafði ekki hakað við reitinn um námsleyfi á umsókn minni í maí, sem ég hafði gert samkvæmt fyrirmælum Útlendingastofnunar, þá hefði ég í raun aldrei sótt um leyfi til náms hér á landi. Ég gæti aðeins sótt um vinnuleyfi eða námsleyfi, en þessar upplýsingar voru á skjön við þær leiðbeiningar sem ég hafði fengið í upphafi,“ segir Rajeev.

Samkvæmt upplýsingum Rajeev frá stofnuninni þarf hann nú að yfirgefa landið á grundvelli þess að umsókn hans var hafnað og þá verði umsókn hans tekin til afgreiðslu. Þar sem upphaflegt dvalarleyfi hans hefði verið á grundvelli þess að hann sinnti sjálfboðastörfum og umsókn um endurnýjun byggði á atvinnuleyfi, gæti hann ekki verið hér á landi á meðan umsóknin yrði afgreidd.

„Þessar upplýsingar hafði ég aldrei fengið frá Útlendingastofnun. Hefði ég vitað þetta í maí á síðasta ári, þá hefði ég að sjálfsögðu gert þetta til að vera ekki í þessari stöðu nú, þegar stutt er þar til ég klára námið,“ segir Rajeev sem hefur sett sig í samband við háskóla í Kanada og athugar nú hvort mögulegt sé fyrir hann að ljúka náminu með hjálp skólayfirvalda þar í landi. Að öðrum kosti getur hann lokið náminu hér á landi á næsta ári, fái hann leyfi til þess.

Rajeev kveðst óánægður með meðferð málsins.

„Ég skil ferlið og stefnu stjórnvalda jafnvel þótt ég kunni ekki að vera sammála stjórnvöldum í öllu, sér í lagi því að þurfa að yfirgefa landið til að umsóknin verði tekin fyrir. Ég vildi bara óska þess að ég hefði fengið allar upplýsingarnar til að byrja með. Ástæða þess að ég hafði sérstaklega samband við Útlendingastofnun í upphafi var sú að staða mín var ögn flókin. Ég er óánægður með skortinn á upplýsingum og samskiptaleysið, annað ekki,“ segir hann.

mbl.is

Bloggað um fréttina

Innlent »

Viðbrögðin jafn vitlaus og ummælin

Í gær, 22:18 Helgi Magnús Gunnarsson vararíkissaksóknari segir lítinn hóp vinstri manna virðast telja sig dómara um hvað sé siðferðilega rétt og virðist þar taka undir með pistli sem Sigmundur Davíð Gunnlaugsson, formaður Miðflokksins, birtir á vef sínum í dag. Meira »

„Allt að því vitlaust veður“ á morgun

Í gær, 21:52 „Það hvessir jafnt og þétt eftir því sem líður á morgundaginn. Eftir kl. 17–18 þá verður þetta orðið helvíti slæmt undir Eyjafjöllunum og allra syðst á landinu en þetta gengur nokkuð hratt yfir þannig að um tíu annað kvöld er strax farið að draga stórlega úr þessu allra syðst,“ segir veðurfræðingur. Meira »

Snjóleysi hefur áhrif á sölu jólatrjáa

Í gær, 20:30 Sala á jólatrjám gengur nokkuð vel þrátt fyrir að landsmenn séu margir hverjir ekki enn komnir í jólaskap sökum snjóleysis og almennra leiðinda þegar kemur að veðri. Normannsþinur og íslensk fura í stærðinni 1,5 – 2 metrar eru vinsælustu tegundirnar. Forseti Íslands keypti sér danskt jólatré. Meira »

Gefa geitur, skólastofur og smokka

Í gær, 19:45 Um árabil hefur verið hægt að styrkja góð málefni um hátíðarnar með gjafabréfum. Sífellt bætist í flóruna og verkefnin sem hægt er að styrkja eru mörg. Salan er mikilvæg fjáröflun fyrir samtök og stofnanir á borð við Hjálparstarf kirkjunnar, UNICEF á Íslandi og UNWomen. Meira »

Hálkan lúmsk á Norðurlandi

Í gær, 18:50 „Þetta er ekki að fólk sé illa búið eða glæfraakstur sem veldur. Þetta er aðallega hversu lúmsk hálkan er,“ segir Hilmar Hilmarsson, lögreglumaður á Norðurlandi vestra, í samtali við mbl.is. Fimm umferðaróhöpp hafa átt sér stað í umdæminu um helgina og er aðallega um bílveltur að ræða. Engin alvarleg slys hafa orðið á fólki. Meira »

Eiga rétt á að velja hvar þeir búa

Í gær, 18:30 Það er klárt brot á samningi Sameinuðu þjóðanna um réttindi fatlaðs fólks að þvinga einstakling til búsetu einhvers staðar, segir framkvæmdastjóri Geðhjálpar. RÚV greindi í gær frá karlmanni með alvarlegan geðsjúkdóm sem var komið fyrir á sveitabæ á Austurlandi því ekki voru önnur úrræði í boði. Meira »

„Milljón væri stórsigur“

Í gær, 18:00 Söfnun sjö slökkviliðs- og sjúkraflutningamanna fyrir Frú Ragnheiði sem fer fram með vikulöngum róðri í verslun Under Armour í Kringlunni gengur gríðarlega vel og upphaflega markmiðinu hefur þegar verið náð. Talið er að milli ríflega sex hundrað þúsund krónur hafi safnast nú þegar og mórallinn er góður. Meira »

„Það er tundurdufl – skipið er að sökkva!“

Í gær, 17:02 Þrír hildarleikir á þremur árum eru umfjöllunarefni nýjustu bókar Óttars Sveinssonar. Með góðfúslegu leyfi Óttars er hér stuttlega gripið niður í einn þeirra atburða sem greint er frá. Meira »

Ekki áður í svo stórum verkefnum

Í gær, 16:02 Reykjavíkurborg og íslenska ríkið eru formlega búin að sækja um að fá að halda 33. verðlaunahátíð evrópsku kvikmyndaverðlaunanna árið 2020. Þetta staðfestir Dagur B. Eggertsson, borgarstjóri Reykjavíkur, í samtali við mbl.is. Meira »

VG og Samfylkingin sitja á bar

Í gær, 15:50 Sigmundur Davíð Gunnlaugsson, formaður Miðflokksins, birti í dag pistil á vefsíðu sinni þar sem velt er upp hver viðbrögð af Klausturmálinu hefðu verið ef annar flokkur en Miðflokkurinn ætti í hlut. Segist hann hafa fengið að birta pistilinn og kveðst vona að einhverjum þyki þetta jafn áhugavert og sér. Meira »

Veggjöld samþykkt eftir áramót

Í gær, 14:01 Jón Gunnarsson, þingmaður Sjálfstæðisflokksins og fyrrverandi samgönguráðherra, segir að samgönguáætlun verði afgreidd snemma á nýju ári. Full samstaða er meðal ríkisstjórnarflokkanna um afgreiðslu samgönguáætlunar en samkomulag var gert milli ríkisstjórnarinnar og stjórnarandstöðunnar um að samgönguáætlun verði í forgangi þegar þing kemur saman að nýju eftir jólafrí. Meira »

„Þarna er mikilvægum áfanga náð“

Í gær, 13:23 Guðmundur Ingi Guðbrandsson umhverfisráðherra segir niðurstöðuna á loftslagsráðstefnu Sameinuðu þjóðanna í Katowice í Póllandi í gær vera mikilvægan áfanga þó að enn standi ákveðin atriði út af sem þurfi að klára á ráðstefnunni að ári. Meira »

Brýnt að allir njóti ávaxta uppsveiflu

Í gær, 12:31 Sjálfstæðisflokkurinn leggur mikið upp úr efnahagslegum umsvifum, hagvexti og drift í atvinnulífinu þannig að leggja megi meira til þeirra sem á aðstoð þurfa að halda. Þetta sagði Bjarni Benediktsson, formaður Sjálfstæðisflokksins, í útvarpsþættinum Þingvöllum. Meira »

Birgitta og Emmsjé Gauti í hátíðarskapi

Í gær, 12:00 Þau voru áberandi á árinu sem er að líða, þau Birgitta Haukdal og Emmsjé Gauti.   Meira »

Skaðabótaskylda vegna falls í stiga

Í gær, 10:45 Veitingastaður hefur verið dæmdur skaðabótaskyldur vegna slyss sem kona varð fyrir í stiga þar árið 2015. Féll konan í stiganum, en í málinu var meðal annars tekist á um hvort öryggi hefði verið nægt í stiganum, en þar voru engin handrið þegar slysið átti sér stað. Meira »

Mátti gera fjárnám vegna skattbrots

Í gær, 09:40 Héraðsdómur Reykjavíkur hafnaði í vikunni beiðni karlmanns um að ógilda fjárnám sem sýslumaðurinn á höfuðborgarsvæðinu hafði gert. Fjárnámið var gert vegna skuldar mannsins við sýslumann í kjölfar dóms sem hann hlaut árið 2013 í skattamáli. Hafði hann verið dæmdur til að greiða 64 milljónir vegna vangoldins virðisaukaskatts. Meira »

Bjarni Benediktsson mætir á Þingvelli

Í gær, 08:30 Störfum Alþingis var frestað nú á föstudaginn eftir að hafa lokið afgreiðslu fjölmargra mála nú í desember, meðal annars fjárlaga. Bjarni Benediktsson fjármálaráðherra mætir í þjóðmálaþáttinn Þingvelli í dag. Meira »

Enn ein lægðin gengur yfir á morgun

Í gær, 08:22 Á morgun kemur enn ein lægðin upp að landinu með vaxandi vindi þar sem búast má við 15-23 m/s víða um land og allt að 28 m/s um tíma syðst á landinu auk hvassari hviða. Þetta kemur fram í hugleiðingum veðurfræðings á Veðurstofunni. Meira »

Greiðfært en hálka víða

Í gær, 07:43 Víðast er vel greiðfært á landinu, en hálku og hálkubletti má finna víða. Hellisheiði er til að mynda orðin auð, en hálka er á Mosfellsheiði, Kjósarskarði og hálkublettir í Þrengslum. Þá er hálka á Holtavörðuheiði og hálkublettir á Snæfellsnesi og Bröttubrekku. Meira »
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
Byggingarstjóri
Löggildur byggingarstjóri Sími 659 5648 stebbi_75@hotmail.com ...
INTENSIVE ICELANDIC, ENGLISH, NORWEGIAN & DANISH f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA, DANSKA I, II, III, IV, V, VI: 2019:SPRING/VORÖNN: ...