„Held að þetta verk verði aldrei til friðs“

Rauð málning var máluð yfir nafn Tyrklands á minnisvarðanum og ...
Rauð málning var máluð yfir nafn Tyrklands á minnisvarðanum og verkið tjargað og fiðrað. Ljósmynd/Aðsend

Hulda Hákon, listakona og höfundur listaverksins Tuttugu loga við Hótel Sögu, kveðst ekki munu kæra skemmdarverk á listaverkinu til lögreglu. Hún segir að ávallt muni standa styr um verkið og að landslagið í stríðstrekstri og alþjóðastjórnmálum hafi breyst frá því árið 2002, þegar verkið var afhjúpað.

Skemmdarverk voru unnin á verkinu í gær og rauð málning máluð yfir greypt nafn Tyrklands. Einnig var verkið tjaðrað og fiðrað og tjörubrúsum komið fyrir á tveimur af tuttugu logum sem tákna eiga NATO-þjóðirnar nítján og Rússland.

Halldór Ásgrímsson, þáverandi utanríkisráðherra, kynnti verkið 15. maí árið 2002, en það var upphaflega gert í tilefni samstarfs Rússlands og NATO. Þá hafði ráðherrann átt fund með Ígor Ívanov, utanríkisráðherra Rússlands hér á landi af þessu tilefni. Utanríkisráðuneytið varð eigandi verksins, en umsjá þess og viðhald féll í skaut Reykjavíkurborgar.

Í tilefni af samstarfi NATO og Rússlands

„Verkið gerði ég af því tilefni að Rússar komu að borðinu hjá NATO, þannig var landslagið á þessum tíma. Á þessum tíma var friðvænlegt í heiminum þannig séð og fólk var ánægt með þessa ákvörðun Rússanna. Síðan þá hefur inntak verksins breyst og við ráðum engu um það,“ segir Hulda, en skemmdarverk hafa áður verið unnin á verki hennar.

Hulda kveðst ekki sár yfir skemmdunum.

„Ég á ekki verkið og þetta mál fer bara sína leið. Þetta er ekki í fyrsta sinn sem þetta gerist, að verkið verði fyrir barðinu á einhverjum sem mótmæla. Þetta snertir mig alls ekkert. Einhvers staðar verður fólk að mótmæla og það hefur valið þennan stað til þess. Ég er hvorki döpur né reið yfir þessu,“ segir hún og bætir við að nú ríki mikil sorg vegna frétta af líklegu andláti Hauks Hilmarssonar sem barðist með hersveitum Kúrda í Sýrlandi.

Hulda segir að nýlega hafi verið gert við verkið og því aftur komið fyrir á flötinni við Hótel Sögu.

„Það er nýbúið að gera við verkið af því það er búið að fara illa með það gegnum tíðina. Það hefur áður verið málað og logarnir verið brotnir af því. Það eru nokkrir mánuðir frá því það var sett aftur niður eftir að það var lagað,“ segir hún.

Skemmdarverkin hafa stigmagnast

Hulda bendir á að brennisteinsmengun í lofti í Reykjavík hafi einnig valdið skemmdum á verkinu.

„Brennisteinninn í loftinu skemmir yfirborðið þannig það er erfitt að halda því góðu, logarnir eru úr bronsi. Það eru tvö önnur svona verk eftir mig í Noregi og Finnlandi, en þau eru stærri og veglegri. Verkið í Finnlandi er líka úr bronsi og þar eru logarnir póleraðir á tveggja ára fresti, þannig þeir eru alltaf gylltir. Ég skilaði verkinu þannig af mér hérna, en mengunin í loftinu sest fljótt á það og það er erfitt að verja það. Verkið í Noregi er svo úr stáli,“ segir hún.

Aðspurð segist hún ætla að mótmælendurnir þekki upphaflegt inntak verksins. Aðstæður hafi þó breyst. „Þau þekkja örugglega uppruna verksins en inntak þess hefur breyst í áranna rás. Þetta er NATO-minnisvarði og heimurinn er síbreytilegur,“ segir Hulda og nefnir að mótmælendurnir hafi gengið lengra en oft áður. Hingað til hafi aðeins rauð málning verið notuð.

„Nú hefur þetta stigmagnast en það truflar mig samt ekki. Það hlýtur að standa styr um þetta og af því verkið er sterk táknmynd NATO, þá er þetta svona. Ég held að þetta verk verði aldrei til friðs,“ segir Hulda.

mbl.is

Innlent »

Vilja auka virkni á hlutabréfamarkaði

22:00 Meðal tillagna sem er að finna í hvítbók um fjármálakerfið sem kynnt var í dag, er að finna hugmyndir um hertar reglur um fjárfestingastarfsemi banka og aukið frjálsræði í fjárfestingum á hlutabréfamarkaði í þeim tilgangi að stuðla að aukinni virkni markaðarins. Meira »

Nokkur útköll vegna vonskuveðurs

21:15 Björgunarsveitir á suðvesturlandi hafa verið kallaðar út í nokkur minni verkefni síðdegis og í kvöld vegna veðurs á Kjalarnesi, Suðurnesjum og í Vestmannaeyjum. Meira »

Gátu ekki sest á þing vegna anna

21:09 Tveir varamenn voru á undan Ellert B. Schram í röðinni eftir að ljóst var að Ágúst Ólafur Ágústsson, þingmaður Samfylkingarinnar, væri farinn í tveggja mánaða leyfi frá þingstörfum. Hvorugur varamannanna sá sér fært að taka sæti á þingi fyrir jól. Meira »

„Ábyrgðarleysi“ gagnvart Parísarsamningnum

20:55 „Þetta ber vott um ákveðið ábyrgðarleysi og það veldur mér vonbrigðum,“ segir Guðmundur Ingi Guðbrandsson, umhverfisráðherra, um viðhorf nokkurra ríkja gagnvart skýrslu vísindanefndar Loftslagssamningsins um áhrif 1,5 gráðu hlýnunar andrúmslofts. Meira »

Sitja fastir í flugvélum vegna veðurs

20:18 Farþegar sitja fastir í sex flugvélum á Keflavíkurflugvelli en ekki er hægt að hleypa þeim inn í flugstöðvarbygginguna vegna ofsaveðurs. Auk þess situr áhöfn föst í sjöundu vélinni. Meira »

„Stórt alþjóðlegt vandamál“

20:10 „Þarna var dregin upp raunsæ mynd af því að plastmengunin er stórt alþjóðlegt vandamál,“ sagði Guðmundur Ingi Guðbrandsson, umhverfis- og auðlindaráðherra eftir að hafa tekið þátt í pallborðsumræðum um plast, samhliða loftlagsráðstefnu Sameinuðu þjóðanna. Meira »

Sendi erindi til Persónuverndar

19:51 Lögmaður fjögurra þingmanna Miðflokksins sem hljóðritaðir voru á Klaustri Bar 20. nóvember sendi Persónuvernd erindi í síðustu viku þar sem þess var krafist að rannsakað yrði hver tók þingmennina upp. Meira »

Leggja til að veggjöld verði tekin upp

19:21 Meirihluti samgöngunefndar Alþingis mun leggja til að veggjöld verði tekin upp um allt landið til að fjármagna vegagerð. Þar með taldar eru allar stofnbrautir inn og út úr höfuðborginni. Meira »

Foster endurgerir Kona fer í stríð

19:18 Jodie Foster mun leikstýra, framleiða og leika í bandarískri endurgerð íslensku kvikmyndarinnar Kona fer í stríð.  Meira »

Vonaði að þeir væru í tjaldinu

18:25 Skoskur fjallgöngumaður, sem var með þeim Kristni Rúnarssyni og Þorsteini Guðjónssyni í för þegar þeir hugðust ganga á Pumori í Nepal, en þurfti frá að hverfa vegna veikinda, segist hafa fengið sálarró þegar lík íslensku félaganna fundust í síðasta mánuði. Meira »

Græðgi, spilling, okur og hrun

17:58 Fjármálakerfið er samfélagslega mikilvægt, en það er útbreitt vandamál hversu mikið vantraust ríkir í garð kerfisins, að því er kom fram í kynningu hvítbókar um fjármálakerfið í dag. Einnig kom fram að yfir helmingur veit ekki hvert á að leita til þess að leysa úr ágreiningi eða kvarta vegna banka. Meira »

„Fer mér ekki að vera í felum“

17:55 Bára Hall­dórs­dótt­ir, sem tók upp sam­ræður sex þing­manna á barn­um Klaustri í miðbæ Reykja­vík­ur í síðasta mánuði, segist hafa fundið fyrir miklum létti eftir að hún steig fram sem uppljóstrarinn Marvin. „Það fer mér ekki að vera í felum,“ segir Bára í samtali við mbl.is. Meira »

Líklega milljarða tjón fyrir þjóðina

17:32 „Íslenska þjóðin situr líklega uppi með milljarða tjón og tilfinning þjóðarinnar getur verið að eignarhald á sjávarauðlindinni sé óljósara en áður.“ Þetta sagði Logi Einarsson, formaður Samfylkingarinnar og þingmaður í óundirbúnum fyrirspurnatíma á Alþingi í dag. Meira »

Spurði ráðherra um hæfi vegna tengsla

17:31 Þorsteinn Víglundsson, þingmaður og varaformaður Viðreisnar, spurði Kristján Þór Júlíusson, sjávarútvegs- og landbúnaðarráðherra, hvort hann teldi viðeigandi að meta hæfi sitt við athugun á gildandi lögum og reglugerðum í kjölfar dóma Hæstaréttar sem féllu á fimmtudag í málum sem vörðuðu úthlutanir aflaheimilda í makríl. Meira »

Ný stjórnarskrá mikilvæg meirihlutanum

17:30 Meirihluta landsmanna, eða 52%, þykir mikilvægt að Íslendingar fái nýja stjórnarskrá á yfirstandandi kjörtímabili. Hlutfall þeirra sem kváðu nýja stjórnarskrá mikilvæga lækkaði um fjögur prósentustig frá könnun MMR sem framkvæmd var í september 2017. Meira »

TR skili búsetuskerðingum

17:05 Velferðarráðuneytið þrýstir á Tryggingastofnun ríkisins að skila búsetuskerðingum og tekur þar með undir álit umboðsmanns Alþingis. Þetta kemur fram í minnisblaði frá velferðarráðuneytinu. Meira »

Lán lífeyrissjóða opin öllum

16:50 Lagt er til í hvítbók um fjármálakerfið að skoðað verði að gera þá kröfu til lífeyrissjóðanna að bein íbúðalán verði opin öllum sem taldir eru lánshæfir óháð því hvort um sé að ræða sjóðsfélaga eða ekki. Meira »

Vandinn leysist ekki í bráð

16:20 Læknaráð Landspítalans segir að því miður séu engin teikn á lofti um að vandi bráðamóttökunnar leysist í bráð. Hinn svokallaði innlagnarvandi sé ekki nýr af nálinni og stafi að stórum hluta af því að skortur sé á úrræðum fyrir eldri borgara sem geti ekki útskrifast beint til síns heima án aðstoðar. Meira »

Leggja til lækkun skatta og sölu banka

16:04 Lækkun skatta á fjármálafyrirtæki, sala Íslandsbanka til erlendra aðila og stofnun gagnagrunns með upplýsingar um skuldir einstaklinga og lögaðila eru meðal helstu tillagna í hvítbók um framtíðarsýn og stefnu fyrir fjármálakerfið. Hvítbókin var kynnt á blaðamannafundi í fjármálaráðuneytinu í dag. Meira »
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Til leigu 150-190 m2 nýtt - góð lofthæð
Glænýtt endabil við Lambhagaveg við Bauhaus, með góðri lofthæð, stórri innkeyrsl...