Nota krabbakló til að rífa þakið
Setja bókamerki
Slökkviliðið á höfuðborgarsvæðinu hefur leigt vörubíl með svokallaðri krabbakló af málmendurvinnslunni Furu vegna eldsvoðans í Miðhrauni. Bíllinn er nýkominn á vettvang og ætlar slökkviliðið að nota tækið til að rífa þá hluta af þakinu sem eru við það að hrynja niður, þannig að auðveldara sé fyrir slökkviliðismenn að athafna sig.
Þetta segir Lárus Pedersen, aðstoðarvarðstjóri hjá slökkviliðinu á höfuðborgarsvæðinu en aðgerðastjórn hefur verið virkjuð í Skógarhlíð vegna eldsvoðans.
Vaktaskipti í hádeginu
Að sögn Lárusar voru vaktaskipti hjá slökkviliðsmönnum núna í hádeginu. Fyrsti hópurinn sem glímdi við eldinn er kominn inn á slökkvistöðina í Hafnarfirði og hvílir sig á meðan aðrir taka við. Reiknað er að með að fyrsti hópurinn snúi aftur til starfa eftir um tvær klukkustundir.
75 frá slökkviliðinu á höfuðborgarsvæðinu
Um 75 manns eru að störfum frá slökkviliðinu á höfuðborgarsvæðinu vegna eldsvoðans. Auk þess eru slökkviliðsmenn á staðnum frá brunavörnum Árnessýslu, brunavörnum Suðurnesja og frá slökkviliði Keflavíkurflugvallar.
Slysavarnarfélagið Landsbjörg útvegaði slökkviliðinu stjórnstöðvarbíl sem það notar til að stjórna aðgerðum á vettvangi. Engir frá félaginu eru þó á vettvangi.
Tveir starfsmenn Rauða kross Íslands eru einnig hluti af aðgerðastjórninni og eru til taks ef þörf er á.
Æskuvinur Íslendings myrtur í Noregi
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Skiptir miklu meira máli en fólk grunar
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
Veiting hvalveiðileyfis ekki brot á EES-samningi
„Umsátursástand“