Horft á heimanám með öðruvísi gleraugum

Þegar Guðmundur Engilbertsson, lektor við kennaradeild Háskólans á Akureyri, var lítill þótti honum ótrúlega gaman að læra heima. Eins og hinir krakkarnir í sveitinni fór hann framan af bara annan hvern dag í skólann. Um langan veg var að fara og annað var ekki í boði fyrir sveitadreng á Vatnsnesi í V-Húnavatnssýslu í byrjun skólagöngunnar við upphaf áttunda áratugarins.

„Heimanámið var góð tilbreyting í fásinninu, þar sem oft var lítið annað um að vera en að hugsa um skepnurnar og heimakverið,“ segir Guðmundur brosandi og bætir við að öfugt við hann hafi synir hans ekki verið ánægðir með heimanám á sinni skólagöngu. Sama segir hann upp á teningnum hjá mörgum börnum og unglingum – sérstaklega strákum, foreldrum og jafnvel kennurum. Uppi séu mjög skiptar skoðanir um gildi heimanáms og sjálfur hafi hann ekki alveg afdráttarlausa skoðun hvað það varðar. Í mörg horn sé að líta og skoða þurfi ýmsa möguleika.

Sjá umfjöllun um þetta efni og viðtal við Guðmund í heild í Morgunblaðinu í dag.