Vara við vatnsveðri og snörpum hviðum

Gul viðvörun er í gildi á Suðurlandi, Suðausturlandi og Austfjörðum.
Gul viðvörun er í gildi á Suðurlandi, Suðausturlandi og Austfjörðum. Skjáskot/Veðurstofa Íslands

Veðurstofan segir að búast megi við snörpum vindhviðum við Öræfajökul og syðst á landinu fram eftir morgni. Einnig er spáð talsverðri rigningu suðaustanlands og á Austfjörðum í dag og varað við auknu rennsli í ám og lækjum. Gul viðvörun er í gildi á Suðurlandi, Austfjörðum og Suðausturlandi.

Veðurvefur mbl.is

Í hugleiðingum veðurfræðings Veðurstofunnar segir að í dag verði austlæg átt á landinu, hvassviðri eða stormur allra syðst til að byrja með en svo muni draga úr vindi þar þegar líður á morguninn. Hins vegar verði víða 10-18 m/s vindhraði í dag. Útlit er fyrir talsverða rigningu suðaustanlands og á Austfjörðum fram eftir degi og jafnvel á Ströndum líka, en aðrir landshlutar munu einnig finna fyrir einhverri vætu þótt minni sé. 

Á morgun snýst í stífa suðlægari átt og áfram rigning sunnanlands, en úrkomulítið fyrir norðan. Það hlýnar nú um norðanvert landið og líkur á tveggja stafa hitatölum þar yfir hádaginn. 

Á sumardaginn fyrsta (fimmtudaginn) er útlit fyrir sæmilegasta veður, að mati veðurfræðings Veðurstofunnar. Búist er við hægum vindi og einhverri vætu í formi skúra sunnan- og vestanlands, „en fyrir norðan og austan gæti sólin jafnvel staldrað við og gert daginn sumarlegan. Hitatölur líklega upp undir 10 stigum í flestum landshlutum.“

Veðurviðvaranir í dag

Á Suðurlandi er varað við austanhvassviðri eða -stormi til klukkan 8. Spáin er þessi: Austan 15-23 m/s, hvassast syðst. Búast má við vindhviðum við fjöll yfir 30 m/s.

Á Austfjörðum er varað við mikilli rigningu og afrennsli þar til síðdegis í dag. Spáin er þessi: Gert er ráð fyrir mikilli rigningu á Austfjörðum, einkum sunnan til. Mikil snjóbráð eykur á vatnsrennsli. Eftir að gildistíma viðvörunar lýkur verður áfram vætusamt, en mun minni úrkoma.

Á Suðausturlandi er sömu sögu að segja. Spár gera ráð fyrir mikilli rigningu og er viðvörun vegna veðurs í gildi til klukkan 18. Í viðvörunarorðum Veðurstofunnar segir að snjóbráðnun auki á vatnsrennsli. Í kjölfarið má búast við auknu rennsli í ám og lækjum á svæðinu. Eftir að gildistíma viðvörunar lýkur verður áfram verður vætusamt, en mun minni úrkoma.

mbl.is

Innlent »

1.300 tonn fylgja Guns N' Roses

Í gær, 22:20 Margvíslegur búnaður verður fluttur til landsins vegna tónleika Guns N' Roses, sem fram fara á Laugardalsvelli 24. júlí. Vegur búnaðurinn alls um 1.300 tonn, en 65 metra breitt svið verður smíðað á þjóðarleikvanginum og sérstakt gólf lagt yfir grasið. Meira »

Fullt hús á fundi ljósmæðra

Í gær, 22:03 Katrín Sif Sigurgeirsdóttir, formaður samninganefndar ljósmæðra, segir mikinn samhug ríkja meðal ljósmæðra en þær funduðu í kvöld í húsnæði BHM. Hún fullyrðir í samtali við mbl.is að kröfur ljósmæðra muni ekki koma til með að hafa launaskrið í för með sér. Meira »

Lögreglan varar við svikapóstum

Í gær, 21:48 Lögreglan á höfuborgarsvæðinu varar við svikapóstum, sem sendir hafa verið til fólks að undanförnu. Í svikapóstunum segir að móttakandi tölvupóstsins hafi verið á klámsíðum og að sendandi póstsins hafi sýkt tölvuna af tölvuvírus, vefmyndavél tölvunnar verið virkjuð og myndband tekið af viðkomandi. Meira »

Rannsaka á hvaða dýpi kvikan er

Í gær, 21:00 Kvikuinnskot eru líklegasta skýring þeirrar aflögunar sem orðið hefur á Öræfajökli sl. tvö ár að mati Michelle Parks, eldfjallasérfræðings hjá Veðurstofu Íslands. Rannsóknir eru þó enn á frumstigi en vísindamenn vinna nú að því að komast að því á hvaða dýpi kvikan er. Meira »

Telja ákvæði um salerni úrelt

Í gær, 20:35 Dóra Björt Guðjónsdóttir segir reglugerð um húsnæði vinnustaða komna til ára sinna en nýsamþykkt tillaga mannréttinda- og lýðræðisráðs Reykjavíkurborgar um ókyngreind salerni í húsnæði borgarinnar, brýtur í bága við 22. gr. reglugerðarinnar. Meira »

Áhrif hvalveiða verði tekin út

Í gær, 20:15 Fara verður í mat á umhverfisáhrifum og dýraverndunarsjónarmiðum, en einnig samfélagslegum áhrifum og áhrifum á íslenskt efnahagslíf áður en leyfi til hvalveiða verður úthlutað að nýju. Þetta segir Katrín Jakobsdóttir forsætisráðherra. Meira »

„Þetta mun sjást í áratugi“

Í gær, 19:30 „Þetta mun sjást í áratugi,“ segir Páll Gíslason, framkvæmdastjóri Fannborgar ehf. sem rekur ferðaþjónustuna í Kerlingarfjöllum, um náttúruspjöllin sem urðu til vegna utanvegaaksturs tveggja franskra ferðamanna, í samtali við mbl.is. Meira »

Norskur framleiðandi sýnir Íslandi áhuga

Í gær, 18:30 Halldór Gíslason, landbúnaðarstjóri sveitarfélagsins Hå, segir í samtali við mbl.is fóðurskortinn í Noregi alvarlegan og „Norðmenn kaupa allt það hey sem þeir komast yfir.“ Maren Bjorland, hjá Fiskå Mølle staðfestir við blaðamann að fyrirtækið er að skoða innflutning frá Íslandi. Meira »

Hjólhýsi valt út af Vesturlandsvegi

Í gær, 18:21 Bíll með hjólhýsi í afturdragi fauk út af Vesturlandsvegi á Kjalarnesi á sjötta tímanum í kvöld. Enginn slasaðist en hjólhýsið er illa farið, brotið að framan og dót fokið úr því. Ökumaður og kona hans voru á leið út úr bænum þegar snörp vindhviða feykti bílnum yfir á öfugan vegarhelming og þaðan út í vegkant. Meira »

Þyrla flutti slasaðan hestamann

Í gær, 18:19 Kona féll af hestbaki í reiðtúr við Löngufjörur á sunnanverðu Snæfellsnesi og hlaut áverka. Þyrla Landhelgisgæslunnar var kölluð til ásamt björgunarsveitum af öllu Vesturlandi. Konan var flutt með þyrlu á Landspítala til skoðunar. Meira »

Ríkisstjórnin ekki rætt lög á ljósmæður

Í gær, 18:00 Ekki hefur komið til tals að setja lög á yfirvinnubann ljósmæðra, sem tekur gildi á miðnætti aðfaranótt miðvikudags. Þetta segja bæði Svandís Svavarsdóttir heilbrigðisráðherra og Katrín Jakobsdóttir forsætisráðherra í samtali við mbl.is. Meira »

Þjónustukort Byggðastofnunar kynnt

Í gær, 17:41 Vefsjáin thjonustukort.is var opnuð í dag og er það fyrsti áfangi í þróun þjónustukortsins sem nær yfir þjónustu á sviði löggæslu-, fræðslu- og heilbrigðismála. Ríkisstjórnin hefur samþykkt að tryggja frekari öflun gagna og samræmingu til þess að haldið verður áfram með verkefnið. Meira »

Ártúnsbrekka malbikuð

Í gær, 17:22 Malbikunarframkvæmdir hefjast í Ártúnsbrekku í kvöld, í aksturstefnu í átt að miðborg Reykjavíkur. Tvær akreinar verða malbikaðar í kvöld og nótt og ein til viðbótar á morgun. Vegarendur eru beðnir um að sýna aðgát. Meira »

Fjölgi nýbyggingum með niðurgreiðslum

Í gær, 16:45 Íbúðalánasjóður mun leita að þremur sveitarfélögum í tilraunaverkefni til að auka húsnæðisuppbyggingu á landsbyggðinni. Ásmundur Einar Daðason, félags- og jafnréttismálaráðherra, segir verkefnið að norskri fyrirmynd. Meira »

Kjaradeila ljósmæðra „mikið áhyggjuefni“

Í gær, 16:03 Landlæknir, Alma D. Möller, lýsir alvarlegum áhyggjum vegna stöðunnar í kjaradeilu ljósmæðra og ríkisins í tilkynningu til fjölmiðla. Embættið segir stjórnendur Landspítala telja sig geta tryggt öryggi sjúklinga með herkjum þar sem óljóst er hvenær næsta álagstímabil starfsfólks verði. Meira »

Verið á óvissustigi frá því í haust

Í gær, 15:21 Rýmingaráætlun fyrir sveitirnar í nágrenni Öræfajökuls er tiltölulega ný af nálinni og á að ná vel til bæði heimamanna og ferðamanna á svæðinu. Þetta segir Sveinn Kristján Rúnarsson, yfirlögregluþjónn á Suðurlandi, í samtali við mbl.is. Meira »

Forsetinn mætti í afmæli Karólínu

Í gær, 14:55 Karólína Björk Steinþórsdóttir varð sjö ára gömul á laugardaginn og var haldin afmælisveisla af því tilefni. Karólína útbjó myndarlegan gestalista og ákvað að bjóða forseta Íslands í afmælisveisluna. Henni til mikillar undrunar mætti forsetinn með fjölskyldu sína í veisluna. Meira »

Greiddu sektina og báðust afsökunar

Í gær, 13:53 Er­lendu ferðamennirnir sem gerðust sekir um ólöglegan utanvegaakstur í gærkvöldi mættu á lögreglustöðina á Selfossi nú fyrir stuttu og greiddu sekt sem þeim var gerð vegna þeirra náttúruspjalla sem aksturinn olli. Hvor ökumaður þurfti að greiða 200 þúsund krónur. Meira »

Samfylkingin leitar að framkvæmdastjóra

Í gær, 13:07 Samfylkingin – jafnaðarmannaflokkur Íslands, hefur auglýst eftir umsækjendum um starf framkvæmdastjóra flokksins. Í auglýsingunni kemur fram að framkvæmdastjórinn beri ábyrgð á daglegum rekstri flokksins og fjárreiðum auk þess að efla aðildarfélög og grasrót félagsins. Meira »