Tuttugu ljósmæður höfðu sagt upp störfum sínum á Landspítalanum undir kvöld í fyrradag, samkvæmt upplýsingum spítalans. Þann dag hafði ein uppsögn bæst við, eftir árangurslausan fund samninganefnda ljósmæðra og ríkisins.

Ljósmæðurnar sem sagt hafa upp störfum eru í um 13 stöðugildum, flestar á kvenna- og barnasviði spítalans. Á Landspítalanum eru um 150 ljósmæður í um það bil 100 stöðugildum. Ekki er vitað til þess að ljósmæður hjá öðrum stofnunum hafi sagt störfum sínum lausum.

Katrín Sif Sigurgeirsdóttir, formaður kjaramálaráðs Ljósmæðrafélags Íslands, sagðist í gær ekki hafa yfirlit yfir hversu margar ljósmæður hefðu sagt upp störfum. Vissi hún þó til þess að einhverjar væru með uppsagnarbréf tilbúin í tölvunni og áformuðu að senda þau ef ekkert nýtt gerðist í kjaradeilunni.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir