Fyrsta konan sem verður alþjóðaforseti Lions

Íslenskir Lionsmenn heiðruðu Guðrúnu Björtu Yngvadóttur í Hörpunni í gær í tilefni af því að hún verður kjörin alþjóðaforseti Lionshreyfingarinnar.

Hún verður fyrsta konan til að gegna þessu embætti í 100 ára sögu Lions og fyrsti alþjóðaforsetinn frá Íslandi.

Guðrún tekur við embættinu á alþjóðaþingi sem haldið verður í Las Vegas í Bandaríkjunum eftir rúman mánuð og kynnir markmið sín. Guðrún Björt mun á komandi starfsári verða á ferðinni, á fundum og í heimsóknum um allan heim enda í mörg horn að líta hjá forseta hreyfingar með 1,5 milljónir félaga.