Vill breyta kjörum æðstu embættismanna
Setja bókamerki
Frumvarp um breytt fyrirkomulag á kjörum æðstu embættismanna ríkisins verður lagt fram á Alþingi í haust.
Þetta sagði Katrín Jakobsdóttir forsætisráðherra í svari við fyrirspurn Loga Einarssonar, formanns Samfylkingarinnar.
Hún bætti við að frumvarpið verði lagt fram til að tryggja að kjörin verði í takt við almenna launaþróun í landinu.
„Ég vonast til að við getum náð saman um þær breytingar. Þar með værum við að færa þessa þróun í takt við það sem gerist á Norðurlöndunum. Við myndum um leið geta tryggt aukinn jöfnuð þegar kemur að hinu opinbera,“ sagði Katrín.
Í fyrirspurn sinni spurði Logi Katrínu hvort hún ætlaði að beita sér fyrir breytingum á fjármálaáætlun sem stuðlar að meiri jöfnuði og félagslegri sátt.
Katrín bætti við hún hefði sett á dagskrá fundi stjórnvalda með aðilum vinnumarkaðarins í maí til að ræða hvernig tekjudreifing í samfélaginu skuli þróast og hvaða aðferðum þurfi að beita til að tryggja jafna tekjudreifingu.
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
Handtekin eftir að tvö börn fundust látin
„Skýr skilaboð til Seðlabankans“
Verðbólgan komin niður í 6%
„Okkur miðar í rétta átt“