Samþykkt að endurupptaka mál Jóns Ásgeirs
Setja bókamerki
Endurupptökunefnd hefur samþykkt beiðni Jóns Ásgeirs Jóhannessonar og Tryggva Jónssonar um endurupptöku á máli gegn þeim og Kristínu Jóhannesdóttur í tengslum við skattalagabrot í rekstri Baugs og fjárfestingafélagsins Gaums. Ríkissaksóknari hafði í greinargerð sinni talið sterk rök hníga til þess að endurupptaka yrði samþykkt.
Í úrskurði endurupptökunefndar segir að uppfyllt sé skilyrði um endurupptöku um að verulegir gallar hafi verið á meðferð máls þannig að það hafi áhrif á niðurstöðu málsins
Jón, Tryggvi og Kristín voru dæmd árið 2012 til refsingar og greiðslu sekta og sakarkostnaðar vegna skattalagabrot í rekstri Baugs og Gaums, en áður hafði þeim verið gert að greiða sektir með úrskurði yfirskattanefndar á árinu 2007.
Mannréttindadómstóll Evrópu komst að þeirri niðurstöðu að íslenska ríkið hafi brotið á þeim þegar komi að banni við endurtekinni refsimeðferð, þ.e. að refsað sé oftar en einu sinni fyrir sama brot.
Í kjölfar niðurstöðu Mannréttindadómstólsins sendi Jón Ásgeir erindi til endurupptökunefndar með beiðni um að mál hans frá 2012 yrði endurupptekið.
Í umsögn ríkissaksóknara við beiðninni kom fram að embættið teldi sterk rök hníga í þá átt að heimila bæri endurupptöku dóms Hæstaréttar. Í seinni umsögn ríkissaksóknara til nefndarinnar kom fram það álit embættisins að dómur Hæstaréttar sem fallið hafi eftir dóm Mannréttindadómstóls Evrópu í sambærilegu máli gefi ekki annað til kynna en að Hæstiréttur telji að brotið hafi verið gegn rétti Jóns Ásgeirs árið 2012.
„Menn eru bara búnir að forgangsraða“
Hægagangur og vaxandi ókyrrð
Ofsóttur innan veggja Boeing
Sárt að horfa upp á illa meðferð fjármuna
Kvikan virðist nú skiptast til helminga
Segjast hafa skotið niður langdræga sprengjuvél
Þrjú og hálft ár fyrir skotárás í Úlfarsárdal