Tilkynnt var um eld í húsi við Súðarvog upp úr miðnætti en íbúar voru búnir að slökkva eldinn þegar lögregla og slökkvilið kom á vettvangi. Samkvæmt upplýsingum frá lögreglu eru töluverðar skemmdir á húsnæðinu.
Grunur er um að maður eða menn hafi kastað bensínsprengjum inn um glugga og í húsið. Málið er í rannsókn hjá lögreglu en að sögn varðstjóra í slökkviliðinu eru bæði fyrirtæki og íbúðir í húsinu sem um ræðir.
Lögreglan handtók par á gistiheimili við Baldursgötu í gærkvöldi en þar voru þau í óleyfi í leiguherbergi. Þetta mun vera ítrekað brot hjá þessu pari og voru þau vistuð fyrir rannsókn máls í fangageymslu lögreglu, að því er segir í dagbók lögreglunnar á höfuðborgarsvæðinu.