Rannsóknin ekki hafin yfir gagnrýni

Ásmundur Einar Daðason félagsmálaráðherra mætti á fund hjá velferðarnefnd Alþingis ...
Ásmundur Einar Daðason félagsmálaráðherra mætti á fund hjá velferðarnefnd Alþingis fyrir hádegi. Mynd úr safni. mbl.is/Kristinn Magnússon

„Niðurstaðan var sú að Bragi Guðbrandsson hefði ekki brotið af sér í starfi. Það var niðurstaða ráðuneytisins og sú niðurstaða lá til grundvallar þegar að ákveðið var að hann myndi bjóða sig fram til Barnaréttarnefndar Sameinuðu þjóðanna. Verði breytingar á þessu, þá að sjálfsögðu verða breytingar á framboðinu,“ sagði Ásmundur Einar Daðason félagsmálaráðherra í samtali við mbl.is að loknum opnum fundi velferðarnefndar Alþingis, þar sem hann sat fyrir svörum.

Fram kom á fundinum að Ásmundur Einar hefði farið þess á leit við Katrínu Jakobsdóttur forsætisráðherra að ríkisstjórnin skipi óháðan aðila til að gera úttekt á meintum afskiptum Braga Guðbrandssonar, forstjóra Barnaverndarstofu, af störfum barnaverndarnefnda og rannsókn ráðuneytisins á þeim málum.

Reiknað er með að þessi óháða úttekt, sem ekki hefur verið ákveðið hver framkvæmi, fari fram áður en atkvæðagreiðsla til Barnaréttarnefndar Sameinuðu þjóðanna fer fram í lok júní.

Einnig kom fram í máli ráðherra að unnið sé að heildarendurskoðun barnaverndarmála hér á landi og að ráðgjafafyrirtækið Expectus hafi verið ráðið til þeirra starfa. Þá segir ráðherra að bæta þurfi eftirlitshlutverk ráðuneytisins með barnaverndarmálum og að sérstök eftirlitsstofnun í þeim efnum taki til starfa í vikunni.

Halldóra Mogensen, þingmaður Pírata og formaður velferðarnefndar, boðaði til fundarins til að ræða mál Braga og þá sér í lagi upplýsingagjöf ráðherra til nefndarmanna um rannsókn ráðuneytisins. Hún og fleiri nefndarmenn hafa sagt að þeir telji að Ásmundur Einar hafi ekki veitt velferðarnefnd fullnægjandi upplýsingar um rannsókn ráðuneytisins á fundi 28. febrúar síðastliðinn, þar sem ráðherra kynnti niðurstöðu ráðuneytisins og í raun haldið gögnum frá nefndinni.

Telur sig hafa komið hreint fram

Ásmundur Einar lagði áherslu á það í svörum sínum á fundinum í dag að hann hefði boðið fram allar upplýsingar og öll gögn sem nefndarmenn vildu fá um þetta mál.

„Ég held að ég hafi komið hreint og satt fram við nefndina í öllu sem ég hef komið þarna að,“ segir Ásmundur Einar og vísar til fundarins 28. febrúar. „Í framhaldinu heyri ég ekkert fyrr en það kemur ítarleg gagnabeiðni mánuði seinna. Ég segi bara eins og er að ég hef leitast við að bjóða nefndinni allt það sem að hún vill í þessu máli og ég mun gera það áfram í öðrum málum og þessu máli, hér eftir sem hingað til,“ segir Ásmundur Einar.

„Það hefur verið talsvert mikil gagnrýni á þetta mál í heild sinni og þess vegna held ég að það sé mjög jákvætt að það fari fram óháð athugun á málinu sjálfu og það hefur reyndar verið óskað eftir því af hálfu Braga Guðbrandssonar einnig. Þannig að ég segi bara eins og er, það er mjög jákvætt. Ráðuneytið komst að þessari niðurstöðu, það er ekkert hafið yfir gagnrýni.“

Halldóra Mogensen, formaður velferðarnefndar Alþingis.
Halldóra Mogensen, formaður velferðarnefndar Alþingis. mbl.is/Kristinn Magnússon

Nefndarmenn í velferðarnefnd báðu um að fá ítarleg gögn um rannsókn ráðuneytisins þann 21. mars síðastliðinn. Þau gögn fékk nefndin afhent í lok síðustu viku, um 1.000 blaðsíður í heildina, sem trúnaður ríkir um.

Ekki hafa allir þingmennirnir í nefndinni kosið að kynna sér þessi gögn, en Hanna Katrín Friðriksson, þingmaður Viðreisnar, sagði í umræðuþættinum Sprengisandi á Bylgjunni á sunnudag að hennar mat væri að svör sem fengust frá ráðuneytinu styrktu frásögn Stundarinnar frá því á föstudag, en þar er fjallað um afskipti Braga af barnaverndarmáli í Hafnarfirði.

Enginn vafi megi vera um fulltrúann

Halldóra Mogensen segir að Bragi Guðbrandsson eigi að hennar mati ekki að verða fulltrúi Íslands í Barnaréttarnefnd Sameinuðu þjóðanna.

„Miðað við allar þær upplýsingar sem eru þegar komnar fram, þá finnst mér það í rauninni nóg til þess að draga framboð hans til baka. Út af því, að þegar kemur að því að veita aðila þessa stöðu, þessa stöðuhækkun í raun og veru, í þetta starf til Sameinuðu þjóðanna, þá á ekkert að liggja neinn vafi um þann einstakling og hæfi hans og getu til að sinna starfinu. Þetta á ekki að vera svona umdeildur aðili,“ segir Halldóra

Hún segir jafnframt að hana reki ekki minni til þess eða sjái það á sínum fundarpunktum að félagsmálaráðherra hafi lýst því sérstaklega yfir við nefndarmenn 28. febrúar að hann væri boðinn og búinn til að veita nefndinni öll gögn sem snerta þessi mál.

mbl.is

Bloggað um fréttina

Innlent »

Bílvelta í Öxnadal

21:43 Fólksbíll á leið inn Öxnadal valt eftir að hafa runnið af þjóðveginum vegna hálku rétt fyrir klukkan átta í kvöld. Tveir einstaklingar, sem voru í bílnum, voru fluttir til skoðunar á Sjúkrahúsið á Akureyri með minniháttar meiðsl. Þetta staðfestir lögreglan á Akureyri. Meira »

Komin í húsaskjól eftir skógarvistina

20:34 Nasr Mohammed Rahim og Sobo Answ­ar Has­an og börn þeirra, Leo og Leona, sem flúðu til Frakklands frá Þýskalandi eft­ir að um­sókn þeirra um alþjóðlega vernd hér á landi og áður í Þýskalandi var hafnað, eru nú komin í húsaskjól eftir að hafa hafist við í tjaldi úti skógi. Meira »

Rannsaka leka í Euro Market málinu

20:26 Lögreglan á Vesturlandi er nú með til rannsóknar leka á viðkvæmu trúnaðarskjali frá lögreglu sem rataði til verjanda í svokölluðu Euro Market-máli. Fjallað var um málið í kvöldfréttum RÚV, sem segir trúnaðarskjalið vera minnisblað sem mörg lögregluembætti höfðu aðgang. Meira »

Smíða síðustu bobbingana

19:11 „Við erum bara á síðustu metrunum og ég sé ekki annað en að tæki og tól fari í brotajárn, sem er bara hreinasta hörmung,“ segir Þórarinn Kristjánsson, framkvæmdastjóri Stáldeildarinnar á Akureyri. Meira »

60 þúsund á mánuði fyrir bókaskrif

19:00 Rithöfundur sem selur 1.500 eintök af bók sinni fær í sinn hlut tæpa eina og hálfa milljón króna í verktakalaun. Að baki getur legið tveggja ára vinna. Hvert fara þá allir peningarnir? Meira »

Hlýnun jarðar kallar á aukið samstarf

18:42 Alþjóðlegt vísindasamstarf er forsenda þess að unnt verði að skilja og bregðast við afleiðingum hlýnunar jarðar á umhverfi og samfélög á norðurslóðum. Þetta sagði Lilja Alfreðsdóttir mennta- og menningarmálaráðherra er hún ávarpaði gesti á þingi Hringborði norðursins. Meira »

Æfðu björgun við krefjandi aðstæður

18:30 Slökkviliðsmenn frá Laugarvatni og Reykholti æfðu björgun í virkjunum Landsvirkjunar og Orku náttúrunnar á Nesjavöllum í gær. Æfingunum er ætlað að viðhalda þekkingu viðbragðsaðila þegar eitthvað kemur upp á í þessum tilteknu kringumstæðum. Meira »

Gangi út fyrir sig og aðrar konur

17:59 „Við erum að núna að setja kröfuna á atvinnurekendur og opinberar stofnanir um að það verði raunverulega settir í gang ferlar og verklagsferlar. Eins og hefur komið í ljós væri synd að segja að þetta sé allt saman komið í lag,“ segir Maríanna Clara Lúthersdóttir, verkefnastýra Kvennafrís 2018. Meira »

Eldur í rusli í Varmadal

16:28 Slökkviliðinu á höfuðborgarsvæðinu fór á fimmta tímanum í dag í útkall vegna elds í rusli og smádóti í Varmadal á Kjalarnesi. Samkvæmt upplýsingum frá slökkviliði var í fyrstu talið að um húsbruna væri að ræða. Dregið var úr viðbúnaði eftir að annað kom í ljós. Meira »

Föðursystirin var ekki böðull

16:00 Þegar Burt Reynolds dó uppgötvaði undirrituð að hann var ekki Tom Selleck. Þar til þá hafði ég haldið að þeir væru einn og sami maðurinn. Um daginn hitti ég mann og þurfti að útskýra fyrir honum að Stefán Hilmarsson og Sigmundur Ernir væru ekki hálfbræður. Hann hafði líka haldið það hálfa ævina. Meira »

Aðgerðir vegna aukningar í nýgengi örorku

15:45 Nýgengi örorku og fyrirbyggjandi aðgerðir voru til umræðu á Þingvöllum á K100 í morgun en gestir Páls Magnússonar, þingmanns og þáttastjórnanda, voru þau Ásmundur Einar Daðason, félags- og jafnréttismálaráðherra, Vigdís Jónsdóttir, framkvæmdastjóri Virk starfsendurhæfingarsjóðs, og Þórunn Gunnarsdóttir, iðjuþjálfi frá Virk. Meira »

Vill sjá meiri samvinnu Hafró og útgerða

15:22 „Öðru fremur hefur það verið pólitíkin og þessi pólitíski rétttrúnaður um það að aldrei megi leita að neinu úr smiðju útvegsmanna, sem hefur verið til skaða,“ segir Binni í Vinnslustöðinni. 200 mílur tóku hann tali í vikunni vegna fyrirhugaðrar loðnuleitar, en enginn kvóti hefur verið gefinn út fyrir loðnuvertíðina eftir að ekki fannst nægt magn af loðnu í loðnuleiðangri Hafrannsóknastofnunar. Meira »

Jón fyrirgefur ljót skrif um sig

14:53 Jón Steinar Gunnlaugsson lögmaður hefur ákveðið að fyrirgefa konunum sem létu ljót ummæli falla um hann í lokaða Facebook-hópnum „Karlar að gera merkilega hluti“. Jón Steinar skrifaði grein í Morgunblaðið á föstudaginn þar sem hann sagði frá ummælunum. Meira »

Sóttu mikið slasaðan skipverja

14:48 Þyrla Landhelgisgæslunnar, TF-GNÁ, var kölluð út til þess að sækja mikið slasaðan skipverja filippeysks flutningaskips nú fyrir hádegi. Skipið var statt um 60 sjómílur suðaustan við Vestmannaeyjar þegar þyrlu Landhelgisgæslunnar bar að á ellefta tímanum í dag. Meira »

Ekki eins og rúða í stofuglugganum

14:28 Brot í rúðu flugstjórnarklefa í farþegavél Icelandair sem kom upp í flugi frá Orlando til Reykjavíkur í gær var aðeins í ysta lagi rúðunnar, sem er eitt lag af mörgum. Þetta segir Guðjón Arngrímsson, upplýsingafulltrúi Icelandair í samtali við mbl.is. Meira »

Mál Áslaugar enn til skoðunar

13:13 Mál Áslaugar Thelmu Einarsdóttur, sem var sagt upp störfum sem forstöðumanni einstaklingsmarkaðar Orku náttúrunnar, er enn til skoðunar hjá innri endurskoðun Reykjavíkurborgar og hefur hún ekki fengið skýringar á því hvers vegna henni var sagt upp. Þetta skrifar Einar Bárðarson, eiginmaður Áslaugar Thelmu, á Facebook í dag. Meira »

Mun ekki höfða mál gegn femínistunum

12:37 Jón Steinar Gunnlaugsson lögmaður ætlar ekki að höfða mál gegn femínistunum sem höfðu um hann ljót ummæli á lokaða Facebook-svæðinu „Karlar gera merkilega hluti“. Jón Steinar var gestur Páls Magnússonar í þjóðmálaþættinum Þingvöllum á K100 í morgun. Meira »

Ójöfn lýsing á Reykjanesbraut

10:26 Vegfarendur á Reykjanesbraut hafa gert athugasemdir við nýja ljósastaura sem settir hafa verið upp við veginn. Ljósið sé mjög skært við staurana en algert myrkur sé þess í milli. Svæðisstjóri hjá Vegagerðinni segir að tekin hafi verið meðvituð ákvörðun um að uppfylla ekki lýsingarstaðla. Meira »

Miklar skemmdir á rúðunni

10:24 Flugáhugamaður og ljósmyndari hefur birt mynd af skemmdunum sem urðu á rúðu farþegavélar Icelandair þegar hún var á leið frá Orlando í Flórída til Keflavíkur aðfaranótt laugardags. Meira »