Gagnrýnir skuldasöfnun Reykjavíkurborgar

Kjartan Magnússon, borgarfulltrúi Sjálfstæðisflokksins, gerði verulegar athugasemdir við ársreikning Reykjavíkurborgar sem ræddur var í borgarstjórn í dag. Hann sagði ársreikninginn sýna að meirihlutinn hefur engin tök á fjármálum borgarinnar.

„Þrátt fyrir stórauknar tekjur borgarinnar og hámarksskattheimtu halda skuldir borgarsjóðs áfram að hækka,“ sagði Kjartan og vísaði til þess að á árunum 2016 til ársloka 2017 hækkuðu skuldir borgarinnar um tæplega 15 milljarða króna og nema nú um 99 milljarða.

Enginn skuldsetur sig hins vegar út úr fjárhagsvanda og gildir þá einu hvort um er að ræða heimili, fyrirtæki eða sveitarfélag, að sögn Kjartans. „Þetta er þó engu að síður fjármálastefna vinstri meirihlutans í Reykjavík undir forystu Samfylkingarinnar: að fresta því að takast á við hinn óhjákvæmilega fjárhagsvanda með aukinni skuldsetningu,“ staðhæfði hann.

• 1 blogg um fréttina

Bloggað um fréttina

• Jóhann Elíasson: OG Á EKKI AÐ FJÁRMAGNA "BORGARLÍNUNA" MEÐ LÁNSFÉ LÍKA??????