„Var bara ótrúlega velheppnað verk“

Ljósmynd/Björgunarsveitin Hafliði

Björgunarsveitarmenn og slökkviliðsmenn unnu að því á miðvikudaginn að bjarga línubátnum Digranesi NS sem lent hafði uppi í fjöru í Bakkafirði. Þar festist báturinn í grjóti að sögn Tryggva Steins Sigfússonar, varaformanns Björgunarsveitarinnar Hafliða á Þórshöfn.

Tilkynning barst um klukkan sjö um morguninn og var fljótlega farið í þá vinnu að létta bátinn þegar á staðinn var komið. Meðal annars með aðstoð skurðgröfu. Koma þurfti í land 1,5 tonni af fiski og þá var línan tekin úr bátnum. Skurðgrafan var einnig notuð til þess að rétta bátinn af og ná réttri stefnu út þar sem stýra þurfti honum á milli tveggja klappa.

Ljósmynd/Björgunarsveitin Hafliði

Reynt var að nota skurðgröfuna til þess að taka mesta grjótið í kringum línubátinn en ekki var hægt að krafsa mikið að sögn Tryggva. Fyrst hafi hugmyndin verið að taka í stafnið á bátnum og reyna að snúa honum við en hann hefði sennilega ekki þolað það.

„Við þvinguðum hann aldrei neitt til hliðanna. Við biðum bara eftir flóðinu og þá var grafan tilbúin að toga hann í rétta átt,“ segir hann. Dráttarbáturinn Sveinbjörn Sveinsson frá Vopnafirði dró bátinn síðan smám saman út þegar féll að honum.

Ljósmynd/Björgunarsveitin Hafliði

„Þetta var bara ótrúlega velheppnað og vel unnið verk, heppnaðist alveg ótrúlega vel,“ segir Tryggvi. Aðspurður segir hann tvo hafa verið um borð þegar óhappið hafi orðið. Farið var með dælu um borð til öryggis en ekki þurfi að dæla úr bátnum þegar á reyndi.

Spurður um skemmdir segist Tryggvi halda að þær hafi verið ótrúlega litlar miðað við aðstæður. Stýrið hafi verið kengbogið, skrúfan og hællinn undir bátnum og aðeins brotið úr honum að framan. Erfitt hafi hins vegar verið að meta það nákvæmlega á vettvangi.

Ljósmynd/Björgunarsveitin Hafliði

Fyrir utan dráttarbátinn Sveinbjörn Sveinsson komu tveir björgunarbátar að aðgerðunum. Tryggvi segir aðspurður að 15-20 manns hafi tekið þátt frá Hafliða, þrír frá slökkviliðinu á Þórshöfn og 4-5 björgunarsveitarmenn frá Vopnafirði.

Farið var fyrst með Digranes til hafnar á Bakkafirði eftir að hann komst á flot, sem var á milli klukkan fimm og sex, og síðan var hann dreginn til Vopnafjarðar. Báturinn var kominn þangað um miðnætti og um klukkutíma síðar var hann kominn upp á bryggju.

Ljósmynd/Björgunarsveitin Hafliði
mbl.is

Innlent »

Dópaðir og drukknir undir stýri

06:42 Verkefni lögreglunnar á höfuðborgarsvæðinu í gærkvöldi og nótt tengdust fíkniefnum og áfengisneyslu að mestu. Sex voru teknir ölvaðir eða undir áhrifum fíkniefna við akstur bifreiða og afskipti höfð að fólki með fíkniefni í fórum sínum. Meira »

Umferðaróhapp á Kringlumýrarbraut

Í gær, 22:59 Umferðaróhapp varð á Kringlumýrarbraut við Borgartún rétt fyrir klukkan 23 í kvöld. Slökkvilið höfuðborgarsvæðisins hefur sent bæði sjúkrabíl og dælubíl á vettvang. Meira »

Þungur dagur á Suðurlandi

Í gær, 21:34 Dagurinn hefur verið þungur og annasamur í umdæmi lögreglunnar á Suðurlandi, því auk víðtækrar leitar að manni sem fór í Ölfusá síðustu nótt lentu tveir bandarískir ferðamenn í slysi er þau voru við veiðar í Þingvallavatni. Meira »

Kuldaleg hvítasunna víða

Í gær, 21:00 Staðbundin snjókoma hefur verið á landinu í dag og þessa stundina er hreinlega vetrarlegt um að litast á Hólum í Hjaltadal. Snjóað hefur víðar á láglendi á norðvestanverðu landinu nú síðdegis og fram á kvöld og víðar til fjalla. Meira »

„Glaðir með hvað þetta gekk vel“

Í gær, 19:45 „Ef þeir hefðu farið frá bátnum hefði verið mjög erfitt að finna þá í ölduganginum sem var. Í svona aðstæðum eru það bara stærri skip eða þyrla sem hafa einhverja yfirsýn,“ segir Baldur Ingi Baldursson, formaður Skagfirðingasveitar, sem í gær kom tveimur til bjargar úr sjávarháska í Skagafirði. Meira »

Bílvelta á Þröskuldum

Í gær, 18:21 Veginum um Þröskulda var lokað vegna bílveltu síðdegis, en hann hefur verið opnaður á ný. Lögregla og sjúkralið frá Hólmavík mættu á vettvang slyssins, en minniháttar meiðsl urðu á tveimur farþegum. Meira »

Birtir samskipti oddvita við Vesturverk

Í gær, 18:00 „Þetta er mun verra en ég átti von á,“ segir Pétur Húni Björnsson, stjórnarmaður í Rjúkanda, samtaka um verndun umhverfis, náttúru og menningarminja í Árneshreppi, við mbl.is um samskipti Evu Sigurbjörnsdóttur, oddvita hreppsins, við Vesturverk og HS Orku. Meira »

Leitað við Ölfusá fram á kvöld

Í gær, 17:58 Enn er leitað að manninum sem fór út í Ölfusá laust eftir klukkan þrjú í nótt. Ef maðurinn finnst ekki í kvöld verður leitað áfram á morgun, að sögn Sveins Kristjáns Rúnarssonar yfirlögregluþjóns hjá lögreglunni á Suðurlandi. Meira »

30% Eurovision-áskorana að utan

Í gær, 17:28 „Mér þætti ótrúlegt að það væri meira en 70% af þessu Íslendingar,“ segir Árni Steingrímur Sigurðsson, stofnandi undirskriftarsöfnunar gegn þátttöku Íslands í Eurovision keppninni í Ísrael á næsta ári, í samtali við mbl.is. Meira »

Voru að veiða er slysið varð

Í gær, 17:12 Erlendu ferðamennirnir sem liggja þungt haldnir á Landspítalanum í Fossvogi eftir að hafa lent í Þingvallavatni í dag voru við stangveiðar er slysið átti sér stað. Um er að ræða karl og konu. Sumarbústaðaeigandi við vatnið og þriðji ferðamaðurinn drógu fólkið upp úr vatninu og komu þeim í land. Meira »

Pútin hætti við Rússalán vegna AGS

Í gær, 14:10 Forseti Rússlands, Vladimir Pútín, vildi gjarnan lána Íslendingum í hremmingum bankahrunsins en horfið var frá þeim áformum vegna aðkomu Alþjóðagjaldeyrissjóðsins. Þetta kom fram í máli Davíðs Oddssonar, ritstjóra Morgunblaðsins og mbl.is. Meira »

Báðir mennirnir í lífshættu

Í gær, 13:53 Báðir mennirnir sem náðust upp úr Þingvallavatni í hádeginu í dag eru í lífshættu. Neyðarlínan fékk aðstoðarbeiðni frá hópi erlendra ferðamanna við vatnið. Þar hafði maður fallið ofan í og annar sem talið er að hafi ætlað sér að aðstoða viðkomandi örmagnast á sundi. Meira »

Rúmum og ísskápum stolið úr bílskúr

Í gær, 13:42 Innbrot í bílskúr í Keflavík var nýverið tilkynnt til lögreglunnar á Suðurnesjum. Þaðan hafði verið stolið sjö rúmum, tveimur ísskápum og þremur skápum. Meira »

Næstu skref í leitinni ákveðin í dag

Í gær, 13:27 Björgunarsveitirnar sem leituðu að manni í Ölfusá í nótt og í morgun eru flestar búnar með þau verkefni sem þær fengu úthlutuð fyrir hádegi. Meira »

Mennirnir náðust upp úr vatninu

Í gær, 13:03 Búið er að ná tveimur mönnum upp úr Þingvallavatni en leit hafði staðið yfir að þeim. Mennirnir eru á leiðinni með sjúkrabíl á Landspítalann. Slökkviliðið á höfuðborgarsvæðinu sendi þrjá kafara á staðinn en mennirnir fundust ekki með þeirra hjálp. Meira »

Létu bankana snúast um sjálfa sig

Í gær, 12:41 Davíð Oddsson, ritstjóri Morgunblaðsins og mbl.is, sagði í morgun að hann sæi mest eftir því að hafa ekki sótt fastar, þegar hann var forsætisráðherra, að tryggja dreift eignarhald bankana þegar þeir voru einkavæddir á sínum tíma. Meira »

Leitað að mönnum á Þingvallavatni

Í gær, 12:33 Leit stendur yfir að tveimur einstaklingum sem eru í vanda staddir á Þingvallavatni. Slökkviliðið á höfuðborgarsvæðinu hefur sent þrjá kafara á staðinn. Meira »

Að bjarga heiminum smá

Í gær, 12:11 Ólafur Egill Egilsson segir leiklistina vera hugsjónastarf en hann hefur nú fundið ástríðu fyrir leikstjórn og nýtur sín vel þeim megin á sviðinu. Hann fæst einnig við handritaskrif en mynd hans og Benedikts Erlingssonar, Kona fer í stríð, verður frumsýnd hér á landi á þriðjudaginn. Meira »

Segir tímasetninguna enga tilviljun

Í gær, 12:04 Ármann Kr. Ólafsson, bæjarstjóri Kópavogs, segir að miðað hafi verið við þróun launavísitölu þegar launin hans voru ákvörðuð. Sjálfur hafi hann ekki þegið hækkun kjararáðs á laununum. Meira »
Yfirlæknir á sviði eftirlits
Heilbrigðisþjónusta
Yfirlæknir á sviði e?irlits Embæ? lan...
Starfsmaður í vöruhús veltis að hádegi
Önnur störf
STARFSMAÐUR Í VÖRUHÚS VELTIS AÐ HÁDEG...
Félagsstarf
Staður og stund
Árskógar Smíðar, útskurður, pappamódel m...
Félagsstarf
Staður og stund
Árskógar Smíðar, útskurður, pappamódel m...