Sala bifreiðaumboðanna til bílaleiga hefur dregist saman um 22% það sem af er þessu ári frá því sem var á sama tímabili í fyrra.
Þetta sýna tölur frá Samgöngustofu, sem um er fjallað í Morgunblaðinu í dag.
Egill Jóhannsson, forstjóri Brimborgar, segir sölutölurnar birtingarmynd óvissu í ferðaþjónustu sem einskorðist ekki við bílaleigurnar. Hátt gengi krónunnar og miklar launahækkanir hafi hér áhrif.