„Mjög gott samtal“ á vinnufundi
Ljósmæður og stuðningsmenn þeirra mótmæla. Næsti vinnufundur verður á miðvikudaginn.
mbl.is/Eggert
Guðrún Erlingsdóttir
Setja bókamerki
„Við áttum mjög gott samtal,“ segir Katrín Sif Sigurgeirsdóttir, formaður kjaranefndar Ljósmæðrafélags Íslands, að loknum vinnufundi með samninganefnd ríkisins í dag.
Annar vinnufundur hefur verið boðaður á miðvikudaginn.
„Það stóð til að boða hefðbundinn samningafund en niðurstaðan var að vinnufundur yrði heppilegri,“ segir Katrín Sif og bætir við að samtalið hafi breyst og það sé orðið lausnamiðaðra.
„Við leyfum okkur að vera bjartsýnar. Auðvitað verður fólk þreytt eftir langa samningalotu en samningana þurfum við að klára.“
Málinu var vísað til ríkissáttasemjara 5. febrúar síðastliðinn og hefur lítið þokast áfram í viðræðum deiluaðila þar til eitthvað virtist hafa rofað til í síðustu viku.
Handteknir eftir myndatöku í Vesturbæjarlaug
Banna mengandi búnað sem leyfður er á Íslandi
Krefjast stöðvunar framkvæmda
Sex hafa greinst með listeríu
Árshátíð ríkislögreglustjóra haldin í Tékklandi
Tveir í bílnum sem lenti utan vegar
Gígbarmurinn hækkað frá því í gær
Shakespeare fannst í skókassa