Hópur fólks safnaðist saman á Austurvelli síðdegis á samstöðufundi með Palestínumönnum sem var haldinn af félaginu Ísland-Palestína.
Þau Salmann Tamimi, formaður Félags múslima á Íslandi, Sema Erla Serdar og Ögmundur Jónasson fluttu öll stutt ávörp.
„Palestínumenn á Gaza, Vesturbakkanum, Austur-Jerúsalem og um allan heim safnast saman til að minnast þess að 70 ár eru liðin frá upphafi hörmunganna (Nakba) þegar helmingur palestínsku þjóðarinnar var hrakinn í útlegð,“ segir á viðburðasíðu á Facebook.
Krafa dagsins var réttur flóttafólks til heimkomu.