Jón Steinar segir skautað yfir málsástæður

Jón Steinar Gunnlaugsson segist ekki njóta réttaröryggis við íslenska dómstóla ...
Jón Steinar Gunnlaugsson segist ekki njóta réttaröryggis við íslenska dómstóla til jafns við aðra. mbl.is/Hari

„Það er nú eiginlega eins og ég njóti ekki réttaröryggis við íslenska dómstóla á borð við aðra. Mér finnst þessi dómur sanna það, í raun og veru,“ segir Jón Steinar Gunnlaugsson í samtali við mbl.is um dóm í máli hans sem féll í Héraðsdómi Reykjavíkur í dag. Þar var Lögmannafélag Íslands sýknað af kröfu Jóns Steinars um að úrskurður úrskurðarnefndar lögmanna yrði ógiltur.

Úrskurðarnefndin komst að þeirri niðurstöðu í lok maí í fyrra að Jón Steinar hefði gerst brotlegur við siðareglur lögmanna með tölvupóstsendingum til þáverandi dómstjóra Héraðsdóms Reykjavíkur, Ingimundar Einarssonar. Lögmannafélagið áminnti Jón Steinar vegna málsins og sú áminning stendur eftir dóm Héraðsdóms.

Jón Steinar gerir ráð fyrir því að áfrýja málinu til Landsréttar, en að ákvörðun hans muni snúast um það hvort hann treysti dómurum Landsréttar til að veita máli sínu hlutlausa afgreiðslu.

„Ég held ég geri það og þá mun ég áfrýja,“ segir Jón Steinar.

„Dómarinn fer þarna í eitthvað ferðalag“

Hann segir að í dómi Héraðsdóms sé með „mjög langsóttum hætti“ sléttað yfir málsástæður sínar, sem eru að hans mati mjög sterkar. „Þær eru margar og menn geta bara lesið dóminn og metið það sjálfir. Dómarinn fer þarna bara í eitthvað ferðalag finnst mér til að skauta yfir mínar málsástæður, þannig að það er öllu hafnað,“ segir Jón Steinar.

„Það er talið að stjórn Lögmannafélagsins geti haft sóknaraðild fyrir þessari úrskurðarnefnd þó að það sé hvergi heimilað í lögum og það er líka þannig að þessi úrskurðarnefnd er bara kostuð af öðrum málsaðilanum, þ.e.a.s. Lögmannafélaginu, og það er ekkert gert með það. Þar að auki er verið að skerða málfrelsi mitt, ég var bara að tala við þennan mann í tölvupóstum til hans, það var ekki neinn annar sem sá það og það var hann sem gerði það svo opinbert,“ segir Jón Steinar.

„Hverjum hefði ekki misboðið þetta?“

Málið snýst þó aðallega að sögn Jóns Steinars um það að afgreiðsla dómstjórans á flýtimeðferðarbeiðni hans í einkamáli árið 2016 hafi verið framkvæmd á „mjög ótækum forsendum“.

„Þetta var ósk um flýtimeðferð á máli út af fiskeldi, þar sem var verið að krefjast ógildingar á starfsleyfi fyrir eldið. Ég sendi honum beiðni um útgáfu stefnu eins og gert er í flýtimeðferðarmálum og það fylgdi mikið af gögnum með,“ segir Jón, sem ákvað að hlífa dómstjóranum við öllu því gagnaflóði sem málinu fylgdi og lét hann vita af því í bréfi að dómstjóri gæti óskað eftir öllum þeim gögnum sem hann vantaði.

„Ég lét fylgja með skjalalista og bað hann um þetta, allt bara „bona fide“ með þetta,“ en í niðurlagi bréfs sem Jón Steinar sendi á dómstjóra er hann óskaði eftir flýtimeðferðinni segir:

„Með stefnunni fylgir listi yfir þau skjöl sem til stendur að leggja fram við þingfestingu málsins. Þau eru mikil að vöxtum. Ef þér óskið eftir því að fá einhver þeirra til athugunar, áður en afstaða verður tekin til beiðninnar um útgáfu stefnunnar, verða þau send yður.“

„Og hvað gerir hann blessaður, hann afgreiðir bara málið og synjar beiðni um flýtimeðferð og á hvaða forsendu? Jú þeirri að ég hafi ekki sent gögn með. Auðvitað misbauð hann mér með þessu og ég spyr nú, hverjum hefði ekki misboðið þetta? Hann hafnar beiðninni á þeirri forsendu að gögn hafi ekki fylgt með þrátt fyrir að ég hafi tekið það skýrt fram í bréfi til hans að honum verði bara send þau gögn sem hann vilji fá. Af hverju tók hann ekki upp símann og sagði mér bara hvaða gögn hann vildi fá?“ segir Jón Steinar.

Jón Steinar segir að einhvers misskilnings hafi gætt í umfjöllun um þetta mál og að sá misskilningur felist í því að hann hafi persónulega verið vonsvikinn yfir því að flýtimeðferðarbeiðninni hafi verið hafnað. Svo mun ekki vera.

„Ég var að sækja um þessa flýtimeðferð fyrst og fremst vegna þess að ég vildi sýna það táknrænt að mínir umbjóðendur væru ekki í þessum málsóknum til að reyna að tefja þessa aðila við atvinnurekstur sinn. Ég vildi bara að það kæmi alveg skýrt fram, ég átti alltaf von á því að hann myndi synja beiðninni við útgáfu á stefnunni,“ segir Jón Steinar.

Framsetning Jóns Steinars „óverjandi“

Í dómi héraðsdóms kemur fram að niðurstaða úrskurðarnefndarinnar hafi verið forsvaranleg, með hliðsjón af efni siðareglna lögmanna og þeim gögnum sem fyrir liggja um samskipti Jóns Steinars við þáverandi dómstjóra.

Ekki er deilt á það mat nefndarinnar að framgangan hafi varðað lögmannastéttina í heild.

Niðurstaða héraðsdóms er einnig sú að ýmis þau ummæli sem Jón Steinar viðhafði í samskiptum sínum við dómstjórann hafi verið „alls kostar óviðeigandi og óþörf í því skyni að vinna sem best að hagsmunum umbjóðenda hans“. 

Dómurinn telur að í þessu máli sé ekki deilt um inntak málefnalegrar gagnrýni á störf dómstjórans, heldur einungis um „óverjandi“ framsetningu og orðaval stefnanda í garð dómstjórans.

Dómur Héraðsdóms Reykjavíkur í málinu.

mbl.is

Innlent »

Lögreglan leitar að þremur stúlkum

00:47 Lögreglan á Suðurlandi lýsir eftir þremur stúlkum sem allar eru á 16. aldursári, en þær fóru frá heimilum sínum á Selfossi í gærkvöldi. Heita þær Ísabella Máney Grétarsdóttir, Andrea Ósk Waagfjörð og Hrafnhildur Malen Lýðsdóttir. Meira »

„Markmiðið að engin kveiki í geitinni“

Í gær, 21:50 „Aðallega þykir okkur vænt um jólageitina og þetta er náttúrulega dýr búnaður, jólaseríur og fleira,“ segir Gunnlaugur Fannar Jónsson, öryggisstjóri IKEA, í við fyrirspurn mbl.is um nauðsyn sólarhringsvöktunar við hina margfrægu jólageit IKEA við Kauptún í Garðabæ. Meira »

Japönsk kvikmynd þótti of dónaleg

Í gær, 20:37 Það er margt sem saga kláms á Íslandi á sameiginlegt með sögu kláms annars staðar í heiminum, en af því var minna framleitt hér á landi en víða annars staðar. Þetta segir Kristín Svava Tómasdóttir, höfundur sagnfræðiritsins Stund klámsins. Meira »

Stefnir í tvöfaldan lottópott

Í gær, 19:51 Eng­inn var með fyrsta vinn­ing í Lottó í kvöld og stefn­ir því í tvö­fald­an pott í næstu viku. Tveir deildu hins vegar með sér öðrum vinningi og hljóta þeir 158 þúsund krónur hvor. Annar miðinn var í áskrift en hinn var keyptur í verslun 10-11 á Laugaveginum. Meira »

Harðkjarnarokk fær nýjan samastað

Í gær, 19:45 Aðdáendur þungarokks á Íslandi geta bráðlega ekki lengur svalað þorsta sínum í málm- og harðkjarnarokk á Rás 2. Ríkisútvarpið hefur ákveðið að taka eina þungarokksþátt landsins, Dordingul, úr loftinu og færa hann alfarið á veraldarvefinn. Meira »

Í varðhaldi vegna vinnumansals

Í gær, 19:21 Erlendur maður hefur verið í gæsluvarðhaldi í hálfan mánuð vegna gruns um að hann hafi stundað vinnumansal, að því er fram kom í fréttum RÚV í kvöld. Er maðurinn, sem er pakistanskur, talinn hafa flutt tugi manna til Íslands yfir um tveggja ára skeið og suma þeirra á fölsuðum skilríkjum. Meira »

Skeytingarleysi er ekki valkostur

Í gær, 18:40 „Virðing og skilningur þarf alltaf að vera leiðarljós í aðstoð við fólk sem stendur höllum fæti,“ segir segir formaður Félagsráðgjafafélags Íslands. Félagsráðgjafar lásu sögur skjólstæðinga sinna og vilja að stjórnvöld og aðrir styðji fátækt fólk með félagslegum umbótum. Meira »

„Töluvert mikið álag á spítalanum“

Í gær, 18:25 Það er viðvarandi hátt álag á Landspítalanum sem veldur því að eðlilegar sveiflur í komum á spítalann geta leitt til erfiðleika á bráðamóttöku eins og varð í gær, að því er Jón Magnús Kristjánsson, yfirlæknir bráðamóttöku Landspítalans í Fossvogi, segir í samtali við mbl.is. Meira »

Stjórn­völd í herferð gegn tekjulágum

Í gær, 17:58 Aukinn ójöfnuður, skattbyrði láglaunahópa og tækifæri til úrbóta í skattkerfinu var á meðal þess sem kom fram á opnum fundi Eflingar og Öryrkjabandalags Íslands í dag. Fundurinn bar yfirskriftina Skattbyrði og skerðingar og afkoma lágtekjufólks á Íslandi var einkum til umræðu. Meira »

„Vel haldið utan um okkur“

Í gær, 17:08 „Það er mjög vel haldið utan um okkur,“ segir Þórdís Ósk Sigtryggsdóttir, ein þeirra um 160 farþega sem voru um borð í flugvél Icelandair sem skyndilega þurfti að lenda á Saguenay Bagotville-flugvellinum í Kanada, vegna sprungu í rúðu í flugstjórnarklefa vélarinnar. Meira »

Mótmæltu með blómum og skiltum

Í gær, 16:11 Hernaðarandstæðingar stóðu fyrir mótmælum og sögugöngu í Þjórsárdal í dag, en þar fór fram seinni dagur heræfingar bandarískra hermanna. Tilgangur æfingarinnar er að undirbúa hermenn til veru í slæmu veðri og kanna þolmörk þeirra í göngu með þungan búnað. 400 hermenn áttu að taka þátt í æfingunni. Meira »

Gjaldskýlin urðu gröfunum að bráð

Í gær, 16:05 Starfsmenn verktakafyrirtækisins Þróttar ehf. unnu við það í vikunni að fjarlægja tvö af þremur gjaldskýlum Hvalfjarðarganga með stórvirkum gröfum. Meira »

Margt á 10 ára afmæli UNICEF og Te & Kaffi

Í gær, 15:52 Margt var um manninn þegar UNICEF á Íslandi og Te & Kaffi blésu til afmælisveislu í Smáralindinni í dag til að fagna 10 ára farsælu samstarfi. Tveggja metra afmæliskakka kláraðist og mikill fögnuður braust út þegar tónlistarmaðurinn Páll Óskar steig þar á svið. Meira »

Ólafur: Barátta sem má ekki tapast

Í gær, 14:52 Ólafur Ragnar Grímsson, formaður Hringborðs norðurslóða og fyrrverandi forseti, segir framtíð norðurslóða og orkubyltingu vera sömu hliðina á sama peningnum. Ólafur var gestur í Víglínunni á Stöð 2 hjá Heimi Má Péturssyni. Meira »

Metfjöldi herskipa hér við land

Í gær, 13:33 „Við röðum þessum skipum bara upp eins og kubbum sem þurfa að falla sem best að bryggjunni. Við þá vinnu skiptir lengd skipa mestu máli og hversu djúpt þau rista,“ segir Gísli Gíslason, hafnarstjóri Faxaflóahafna, í samtali við Morgunblaðið í dag og vísar í máli sínu til þess mikla fjölda herskipa Atlantshafsbandalagsins (NATO) sem nú liggur við bryggju á höfuðborgarsvæðinu. Meira »

Taka athugasemdir ASÍ alvarlega

Í gær, 13:08 „Við tökum athugasemdir ASÍ alvarlega. Það er ljóst að ég mun tryggja það að við munum ekki taka að okkur verkefni sem iðnaðarmenn eða aðrir hafa áhuga á,“ segir Páll Winkel, forstjóri Fangelsismálastofnunar um gagnrýni ASÍ á fyrirkomulag sem gilt hefur um störf fanga undan fangelsa . Meira »

„Menn lifa ekki á kostnaðarmötum“

Í gær, 12:21 „Við höfum ekki rætt þetta í samninganefndinni, en við látum eitthvað kostnaðarmat ekki hafa áhrif á það sem við erum að gera. Við teljum okkur vera að ná launum fyrir fólk sem þarf á því að halda og er á lágum launum í dag,“ segir Björn Snæbjörnsson, formaður Starfsgreinasambandsins. Meira »

Yfir 600 á biðlista inn á Vog

Í gær, 12:11 „Það er með algjörum ólíkindum að heilbrigðisyfirvöld skuli ekki bregðast við þessum vanda á einhvern hátt. Starfsfólkið á Vogi vinnur allan sólarhringinn á vöktum, alla daga ársins og ekkert má útaf bregða í rekstrinum, hvorki veikindi né aðrar óvæntar uppákomur,“ segir Arnþór Jónsson, formaður SÁÁ. Meira »

Jón Steinar prófi „sitt eigið meðal“

Í gær, 11:41 „Karlar gera merkilega hluti er mikilvægur og valdeflandi vettvangur en tilvist hans verður hvorki útskýrð eða rökrædd við mann sem skrifar feðraveldi innan gæsalappa og skilur ekki hvað „öruggt svæði“ er,“ segir í yfirlýsingu stjórnenda Facebook-hópsins „Karlar gera merkilega hluti Meira »
HEIMA ER BEZT
Heima er bezt tímarit Þjóðlegt og fróðlegt Tryggðu þér áskrift www.heimaerbezt.n...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...