Gera þurfi meiri kröfur og bæta verklag

Fram kemur meðal annars í nýrri stjórnsýsluúttekt Ríkisendurskoðunar um kísilverksmiðju United Silicon í Helguvík að beiðni Alþingis að bæta þurfi verklag og auka kröfur við gerð ívilnunarsamninga um nýfjárfestingar, mat á umhverfisáhrifum framkvæmda og útgáfu starfsleyfa. Sjö ábendingum er í skýrslunni beint til atvinnuvega- og nýsköpunarráðuneytisins, umhverfis- og auðlindaráðuneytisins, Skipulagsstofnunar, Umhverfisstofnunar og Vinnueftirlits ríkisins.

„Mikilvægt er að stofnanir ríkisins sem koma að útgáfu starfsleyfa og gerð ívilnunarsamninga geti sannreynt getu þeirra sem sækj­ast eftir því að starfrækja meng­andi iðn­að til að uppfylla skilyrði slíks rekstrar og sanngildi þeirra upplýsinga sem þeir leggja fram. Kísilverksmiðja Sameinaðs Sílikons var ekki fullbúin þegar framleiðsla hófst og starfaði aldrei í samræmi við mat á umhverfisáhrifum, starfsleyfi og markmið samnings um ívilnanir. Ríkisendurskoðun telur brýnt að umhverfis- og auðlindaráðuneyti kanni, í sam­starfi við Umhverfisstofnun og önnur stjórn­völd, hvort herða þurfi eða skýra kröf­ur við útgáfu starfsleyfa vegna starf­semi sem getur haft mengun í för með sér,“ segir í fréttatilkynningu.

Fram kemur að ekki hafi verið gert ráð fyrir lyktarmengun við mat á umhverfisáhrifum kísilverksmiðjunnar og sé sú mengun sem fram hafi komið ekki að fullu skýrð fyrir utan að ljósbogaofn verksmiðjunnar hafi verið óstöðugur. „Ríkisendurskoðun telur mikilvægt að Skipulagsstofnun kanni hvort og þá hvernig taka megi á hugsanlegum frávikum í rekstri við mat á umhverfisáhrifum framkvæmda, sérstaklega þegar nálægð við íbúðabyggð er mikil. Þá telur Ríkisendurskoðun að Skipulagstofnun hefði átt að taka fram í áliti sínu að ekki var brugðist við athugasemdum um skort á reykháfum. Ríkisendurskoðun hvetur til þess að kannað verði hvort gera eigi strangari kröfur við mat á umhverfisáhrifum.“

Ennfremur segir að auk lyktarmengunar hafi sjónræn áhrif verið önnur og meiri en gert hefði verið ráð fyrir. Sömuleiðis hafi bygging kísilverksmiðjunnar ekki verið í samræmi við gildandi svæðisskipulag. Telur Ríkisendurskoðun þetta gagnrýnivert og bendir á að ástæða sé til þess að kanna hvort Skipulagsstofnun þurfi á skýrari og beinskeyttari úrræðum að halda þegar framkvæmdir séu ekki samræmi við mat á umhverfisáhrifum.

„Ríkisendurskoðun telur að vanda þurfi betur til greininga sem ákvarðanir um veitingu ívilnana byggja á. Við gerð ívilnunarsamnings við Sameinað Sílikon var alfarið byggt á framlögðum gögnum og upplýsingum umsækjenda. Við afgreiðslu á umsókn um ívilnun lágu ekki fyrir skýrar upplýsingar um eignarhald og stjórnendur.“

mbl.is

Innlent »

Vel gengur að selja íbúðir

07:37 Fjöldi íbúða er í byggingu í nýju íbúðahverfi á Hellu, Ölduhverfi. Andri Leó Egilsson, verktaki hjá Naglafari ehf., segir að vel hafi gengið að selja. Þótt nú sé heldur þyngra yfir sölu sé ekki ástæða til að kvarta. Meira »

Alþingi eftirsótt á þjóðhátíðardegi

07:16 Yfir þrjú þúsund gestir heimsóttu Alþingishúsið í gær á 75 ára afmæli lýðveldisins en í dag verður þingfundi framhaldið og verður meðal annars rætt um úttekt á aðkomu Samgöngustofu og Isavia ohf. að starfsemi og rekstri WOW air. Meira »

Slökktu eld í vinnuvél

06:57 Slökkvilið höfuðborgarsvæðisins aðstoðaði slökkviliðið í álverinu í Straumsvík við að slökkva eld í vinnuvél í álverinu í nótt. Meira »

Snjókomu spáð í dag

06:49 Búast má við slyddu eða snjókomu á norðanverðu hálendinu í dag en einnig á heiðum á norðaustanverðu landinu. Spáin er aftur á móti góð fyrir helgina en þá er spáð bjartara veðri og 10-18 stiga hita, líka á Norður- og Austurlandi. Meira »

Reis upp og gekk á brott

05:51 Nóttin var með rólegra móti hjá lögreglunni á höfuðborgarsvæðinu. Síðdegis í gær var tilkynnt um ofurölvi manneskju liggjandi í götunni í miðbænum síðdegis en þegar lögreglu bar að garði var hún upprisin og gengin á brott. Meira »

Andlát: Dagfinnur Stefánsson

05:30 Dagfinnur Stefánsson, flugstjóri og einn af stofnendum Loftleiða, lést á sunnudag, 93 ára að aldri.   Meira »

Þurfa að leigja 300 tonna krana

05:30 Gert er ráð fyrir að kostnaður við framkvæmdir við Landeyjahöfn í sumar verði um tæpur milljarður, að frátöldum kostnaði við reglubundna dýpkun. Meira »

Uppbygging gæti senn hafist

05:30 Uppbygging baðlóns í Hveradölum á Hellisheiði gæti hafist á næsta ári að loknu umhverfismati að sögn Þóris Garðarssonar, stjórnarformanns Gray Line, en Skipulagsstofnun hefur nú til kynningar tillögu að matsáætlun vegna mats á umhverfisáhrifum framkvæmdarinnar. Meira »

Jákvæðnin var óvæntust

05:30 „Það sem kom mér eiginlega mest á óvart er hvað menn eru þrátt fyrir allt jákvæðir.“ Þetta segir Vífill Karlsson hagfræðingur í samtali við Morgunblaðið um rannsóknarskýrslu sína um fyrirtæki á landsbyggðinni. Meira »

Nefndin fjallar um mál Vigdísar

05:30 Þriggja manna nefnd sem ætlað er að taka afstöðu til kæru Vigdísar Hauksdóttir um lögmæti borgarstjórnarkosninganna í fyrra var skipuð föstudaginn 7. júní síðastliðinn. Meira »

„Við höfum ekki séð annað eins“

05:30 Hjördís Björk Ólafsdóttir, lyfjafræðingur í Apótekaranum á Selfossi segir að aldrei hafi verið jafn mikil eftirspurn á Suðurlandi eftir flugnafælum og lyfjum við bitum og nú. Meira »

„Segir einhver nei við þessu?“

Í gær, 23:01 „Þau voru mjög varfærin í símann og spurðu hvort ég hefði nokkurn áhuga á þessu. Ég velti því fyrir mér hvort það segði einhver nei við þessu boði,“ segir Aldís Amah Hamilton, sem fyrst kvenna af erlendum uppruna brá sér í hlutverk fjallkonunnar í Reykjavík í tilefni þjóðhátíðardagsins. Meira »

„Þetta er búið að vera alveg brjálað“

Í gær, 22:45 Liv Bach Bjarklind gerði sér lítið fyrir og útskrifaðist úr fjögurra ára námi við leiklistarháskólann Pace í New York á þremur árum. Hún var í tvöföldu námi í vetur en framtíðin er óskrifað blað. Meira »

Flaug sigurbílnum sjálfur heim

Í gær, 21:41 Guðmundur Hilmarsson, eigandi bifreiðar af gerðinni Ford Skyliner af árgerð 1957 sem hreppti verðlaun sem áhugaverðasti bíllinn á hátíðarbílasýningu Bíladaga Orkunnar, flaug bílnum sjálfur heim frá Bandaríkjunum árið 1996. Meira »

Hættulegar aðstæður við Vífilsstaðavatn

Í gær, 21:20 Töluverð möl hefur safnast saman á veginum við Vífilsstaðavatn og stefnir hún hjólreiða- og bifhjólamönnum í hættu. Í samtali við mbl.is segist Árni Friðleifsson, hjá lögreglunni á höfuðborgarsvæðinu, hafa fengið ábendingu þess efnis í dag. Meira »

Greynir íslensku í mállegar frumeindir

Í gær, 20:35 Greynir er nýr málgreinir sem fyrirtækið Miðeind vinnur að. Forritið undirgengst djúpmálsþjálfun til að „læra“ íslensku, með það fyrir augum að bjóða upp á einn fullkomnasta villugreinanda sem sést hefur. Meira »

Unga fólkið sinnti þingstörfum 17. júní

Í gær, 20:21 Sjötíu ungmenni á aldrinum 13 til 16 ára tóku þátt í þingfundi á Alþingi í dag í tilefni 75 ára afmælis lýðveldis Íslands. Var markmið fundarins að gefa ungu fólki kost á að kynna sér störf Alþingis og koma málum sínum á framfæri við ráðamenn. Meira »

„Þessi gaur er goðsögn!“

Í gær, 19:42 „Þessi gaur er goðsögn,“ sagði þýski tónlistaráhugamaðurinn Simon um tónlistarspekúlantinn Arnar Eggert Thoroddssen eftir að hafa gengið um bæinn með honum og fræðst um íslenska tónlistarsögu. mbl.is slóst með í för í tónlistarröltið. Meira »

Síminn stærstur á ný

Í gær, 19:29 Síminn hefur mestu markaðshlutdeild símafyrirtækja á farsímamarkaði. Þetta kemur fram í nýrri skýrslu Póst- og fjarskiptastofnunar um stöðuna á markaðnum í árslok 2018. Í árslok voru 34,5% landsmanna með farsíma hjá Símanum, 32,1% hjá Nova og 31,1% hjá Vodafone/Sýn. Meira »
NP þjónusta
NP Þjónusta Annast liðveislu við bókhaldslausnir o.fl. Hafið samband í síma 831-...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Bátakerra .
Tilboð óskast uppl. 8691204....
KERRUR _ KERRUR _ KERRUR
Þessar sterku Þýsku frá ANSSEMS & HULCO, til afgreiðslu strax, sjá myndir m.a. í...