Eldur kom upp í íbúð í fjölbýlishúsi við Kríuhóla í Breiðholti rúmlega tíu í morgun. Slökkviliðsbílar frá öllum stöðvum á höfuðborgarsvæðinu voru sendir af stað en hluta útkallsteymisins fljótlega snúið við. Greiðlega gekk að slökkva eldinn, sem var nokkur.
Mikill reykur var í íbúðinni og er nú unnið að reykræstingu.
Einn var fluttur á slysadeild til aðhlynningar og einhverjar skemmdir eru í íbúð, segir í frétt frá lögreglunni um málið.