Lóðir í Úlfarsárdal boðnar út að nýju

Borgarráð samþykkti á fundi sínum á fimtudaginn að halda nýtt útboð á lausum lóðum í Úlfarsárdal innan tveggja mánaða og hafna tilteknum tilboðum sem gerð voru í lóðaútboði í lausar lóðir í Úlfarsárdal sem lauk 4. maí síðastliðinn.

Á útboðsfundi sem haldinn var í kjölfar útboðsins staðfestu bjóðendur tilboð í byggingarrétt fyrir 177 íbúðir af þeim 255 íbúðum sem boðnar voru, eða tæp 70%.

Heildarupphæð staðfestra tilboða í byggingarrétt var 755 milljónir króna fyrir utan gatnagerðargjöld sem áætluð eru um 300 milljónir. Ekki voru staðfest tilboð í byggingarrétt í Úlfarsárdal fyrir 78 íbúðir og munar þar mest um 46 íbúðir í fjölbýli, að því er fram kemur í umfjöllun um mál þetta í Morgublaðinu í dag.