„Við fáum aukna starfsemi inn í samfélagið. Reksturinn skapar umsvif og störf,“ segir Valgarður Hilmarsson, sveitarstjóri á Blönduósi.
Í gær var fyrsta skóflustunga tekin að húsi fyrir gagnaver Borealis Data Center (BDC) á sérstöku gagnaverssvæði sem skipulagt hefur verið.
Forsvarsmenn sveitarfélagsins hafa lengi haft áhuga á að fá til sín gagnaver. Sú vinna er að skila árangri nú með samstarfi við BDC sem rekur gagnaver á Ásbrú, að því er fram kemur í umfjöllun um mál þetta í Morgunblaðinu í dag.