„Skipulögð árás á ísraelskt landsvæði“

Raphael Schutz, sendiherra Ísraels gagnvart Noregi og Íslandi.
Raphael Schutz, sendiherra Ísraels gagnvart Noregi og Íslandi. mbl.is/Árni Sæberg

„Umfjöllun fjölmiðla virðist einhliða," var á meðal þess sem Raphael Schutz, sendiherra Ísraels gagnvart Noregi og Íslandi, sagði á blaðamannafundi í Reykjavík í dag, en hann er í sérstakri heimsókn á Íslandi þar sem hann ræddi um nýleg átök Ísraels og Palestínu og umræður um þau hér á landi. Meðal annars um að sniðganga Eurovision í Ísrael á næsta ári.

„Nýliðnir atburðir á Gaza-svæðinu og opnun bandaríska sendiráðsins í Jerúsalem virðast ekki hafa skilað sér í fjölmiðla á nægilega óhlutdrægan hátt. Ég er hingað kominn til að reyna að útskýra hlið Ísraelsmanna,“ sagði Schutz, með þeim fyrirvara þó að verið gæti að hann hafi ekki fengið fulla yfirsýn yfir umfjöllunina hérlendis. Hann kvaðst einnig hafa orðið fyrir vonbrigðum vegna áhrifafólks sem tjái sig um málin án þess að horfa á staðreyndir eða með því að enduróma skoðanir sem séu jafnvel ekki þeirra eigin.

„Almennt séð í íslenskum fréttum, virðist sem Ísraelsmenn séu blóðþyrstir og hafi með ásetningi ráðist á saklausa og friðsama mótmælendur í átökunum á landamærum Ísraels og Gaza-svæðisins 14. maí síðastliðinn,“ sagði Schutz. „Það er fjarstæða sem á ekkert skylt við sannleikann.“

Íbúar Gaza lúta stjórn hryðjuverkasamtaka

Landamæri Gaza-svæðisins og Ísraels séu alþjóðlega viðurkennd landamæri síðan Ísraelsher yfirgaf svæðið árið 2005. Ekki sé því um hersetu ísraelska hersins að ræða á Gaza-svæðinu. Hamas-samtökin, sem stjórna Gaza-svæðinu, séu skilgreind sem hryðjuverkasamtök af Ísrael, Bandaríkjunum, Evrópusambandinu og öðrum ríkjum. Almenningur á Gaza-svæðinu lúti stjórn þessara hryðjuverkasamtaka.

„Nýliðnir atburðir voru skipulagðir af Hamas-samtökunum í þeim tilgangi að ryðjast yfir landamærin og myrða ísraelska borgara, en heimili þeirra eru í 300-400 metra fjarlægð innan landamæragirðingarinnar,“ að sögn Schutz.

Nægilegar og haldbærar sannanir séu fyrir því að hin svokölluðu friðsamlegu mótmæli hafi hvorki verið sjálfsprottin né friðsamleg. Talsmaður Hamas-samtakanna hafi þegar viðurkennt opinberlega að 15 af þeim 60 sem fórust í átökunum hafi verið Hamas-liðar. „Þetta var skipulögð árás á ísraelskt landsvæði.“

Schutz sagðist vilja tala tæpitungulaust er hann sagði átökin vera tvennskonar. Annars vegar sé um að ræða vopnuð átök en hins vegar sé stríðið um almenningsálitið. „Hver einasti fallinn Palestínumaður er sigur fyrir Hamas-samtökin í stríðinu um almenningsálitið og eftir því sem talan hækkar gengur Hamas-samtökunum betur á þeim vígstöðvum. Við Ísraelsmenn viljum á hinn bóginn heldur tapa almenningsálitinu en missa einn einasta ísraelskan borgara sem hefði mátt vernda,“ segir Schutz og tók fram að átökin hafi byggst á sjálfsvörn Ísraels.

Hamas ætti frekar að hlúa að innviðum Gaza

Hann gagnrýndi einnig Hamas-samtökin, sem stjórna Gaza-svæðinu, fyrir að eyða peningum í að grafa göng yfir til Ísraels eða vopnakaup til árása í stað þess að hlúa að innviðum landsins. Erfitt sé að veita Gaza-svæðinu fjárhagslegan stuðning, sem það hafi þó fengið gnótt af, af þessum sökum. Landið hafi fengið tækifæri til uppbyggingar eftir að hersetu Ísraelsmanna lauk, en Hamas-samtökin hafi heldur kosið niðurrif og átök.

Daginn eftir, 15. maí sl. var sendiráð Bandaríkjanna opnað í Jerúsalem. Schutz lýsti yfir ánægju Ísraelsmanna með það. Eðlilegt sé að gera ráð fyrir sendiráðum í höfuðborgum, þar sem þingið og önnur stjórnsýsla hefur aðsetur, þegar embættismenn og áhrifafólk kemur í heimsókn. Hann segist ekki sammála gagnrýninni um áhrif þess á friðarumleitanir, nú þegar hafi það ferli tekið aldarfjórðung. Palestínumenn hafi ákveðið, í stað þess að eiga í beinum viðræðum við Ísrael, að taka sín sjónarmið út á alþjóðavettvang til að reyna að beita þrýstingi úr ýmsum áttum.

Að lokum virtist Schutz sem sigur Ísraels í Eurovision hafa valdið einhverjum titringi í umræðunni hérlendis. „Keppnin að ári verður haldin í Jerúsalem eða einhverri annarri borg í Ísrael. Ég sé ekki hversvegna hún skyldi ekki haldin í Jerúsalem, hún hefur verið haldin þar tvisvar áður. Seinast árið 1999 þegar Ísland varð í 2. sæti með Selmu. Við vonumst auðvitað til að Ísland komi og taki þátt á næsta ári og bæti sig um eitt sæti frá því síðast.“

mbl.is

Innlent »

Húsvísku sjóböðin á lista Time

Í gær, 23:35 Sjóböðin á Húsavík (GeoSea) hafa ratað á árlegan lista tímaritsins Time Magazine sem einn af 100 áhugaverðustu stöðum í heiminum til að heimsækja á árinu 2019. Meira »

Lýkur hringferðinni við Laugardalshöll

Í gær, 23:07 Ein­ar Hans­berg Árna­son, lýkur á morgun 500.000 metra langri hringferð sinni um landið. Frá því síðasta föstudag hefur Einar stoppað í 36 sveit­ar­fé­lög­um og róið, skíðað eða hjólað í sér­stök­um þrek­tækj­um 13.000 metra á hverj­um stað, einn metra fyr­ir hvert barn sem brotið er á. Meira »

Bólusetning kæmi í veg fyrir krabbamein

Í gær, 22:50 Hægt yrði að koma í veg fyrir um 92% af krabbameins tilvikum af völdum HPV-veirunnar með bólusetningu. Talið er að um 34.800 slík tilvik hafi greinst á árunum 2012-2016, samkvæmt nýrri rannsókn. Meira »

Hleypur sitt 250. maraþon

Í gær, 21:30 Fáir komast með tærnar þar sem Bryndís Svavarsdóttir er með hælana þegar kemur að fjölda maraþonhlaupa. Á laugardaginn hyggst hún hlaupa sitt 250. maraþon. Þetta verður 23. Reykjavíkurmaraþon hennar í röð og 12. maraþonið á þessu ári sem hún hleypur. Meira »

Keyrsla á Söndru Rún

Í gær, 21:15 Kennsla á haustönn í Borgarholtsskóla byrjaði í vikubyrjun og Sandra Rún Ágústsdóttir heldur áfram í bílamálun og bifvélavirkjun þar sem frá var horfið í vor. Í sumar keyrði hún 18 hjóla trukk frá morgni til kvölds og hefur hug á að halda áfram á þeirri braut í vetur með náminu. Meira »

Hafa safnað 10% hærri upphæð en í fyrra

Í gær, 20:55 5.300 hlaupa til góðs í Reykjavíkurmaraþoninu í ár fyrir 190 góðgerðafélög og hafa aldrei verið fleiri. Áheitasöfnunin á hlaupastyrkur.is gengur mjög vel og er búið að safna 10% hærri upphæð nú en á sama tíma í fyrra. Reykjavíkurmaraþonið fer fram í 36. sinn í ár. Meira »

Útskýrðu starfsumhverfi lögreglu

Í gær, 20:40 „Við fórum yfir verklag á borgarhátíðum og útskýrðum okkar starfsumhverfi,“ sagði Sigríður Björk Guðjónsdóttir, lögreglustjóri LRH. Sigríður Björk mætti í dag á fund mann­rétt­indaráðs Reykja­vík­ur­borg­ar, þar sem verklag lög­reglu á hátíðum á veg­um borg­ar­inn­ar var til umræðu. Meira »

Stúdentar hætta að selja vatn

Í gær, 20:25 Tekin hefur verið ákvörðun um að hætta að selja vatn í plastflöskum í mötuneyti Félagsstofnunar stúdenta, Hámu. Sömuleiðis hefur úrval vegan-matar í Hámu tekið stakkaskiptum og standa nú tveir heitir vegan-réttir stúdentum til boða í hádeginu. Meira »

„Flæði af lyfseðilskyldum lyfjum“

Í gær, 19:56 „Það sem gerðist í fyrra var að við vorum allt í einu með þetta flæði af lyfseðilskyldum lyfjum sem krakkarnir voru allt í einu komin á fullt í,“ svarar Guðmundur Fylkisson, aðalvarðstjóri hjá lögreglunni á höfuðborgarsvæðinu, spurður um fækkun leitarbeiðna vegna týndra barna og ungmenna. Meira »

Drengnum ekki vikið úr FÁ

Í gær, 19:10 „Honum hefur ekki verið vikið úr skólanum. Það er ekki rétt. Við megum ekki víkja nemendum úr skóla sem ekki eru orðnir 18 ára gamlir,“ segir skólameistari FÁ spurður um mál fatlaðs drengs sem greint var frá að hefði verið vikið úr sérdeild skólans eftir tveggja daga skólavist. Meira »

„Sókn og vörn íslenskunnar í fortíð, nútíð og framtíð“

Í gær, 18:48 „Við erum að efla rannsóknir á ritmenningu okkar sér í lagi frá miðöldum. Ég legg mikla áherslu á sókn og vörn íslenskunnar, í fortíð, nútíð og framtíð. Að kunna góð skil á bókmenntaarfinum hjálpar okkur að horfa til framtíðar,“ segir Lilja Dögg Alfreðsdóttir menntamálaráðherra. Meira »

Stöðvuðu kannabisrækt í Kópavogi

Í gær, 18:33 Vinnueftirlitið óskaði eftir aðstoð lögreglu í Grafarholti um ellefuleytið í morgun vegna erlendra verkamanna sem voru þar í vinnu án allra réttinda. Þá stöðvaði lögregla kannabisræktun í Kópavogi. Meira »

Fatlaður drengur rekinn eftir tvo daga

Í gær, 18:08 Freyr Vilmundarson er fatlaður drengur sem var rekinn úr sérdeild Fjölbrautaskólanum í Ármúla fyrir fötluð börn eftir aðeins tvo daga í námi. Fyrri daginn var hann með fylgdarmann með sér en sagt að hann þyrfti hann ekki með seinni daginn. Meira »

„Ekki margar konur úr að velja“

Í gær, 17:59 „Hann hefur sagst ætla að gera tillögu innan þingflokksins, en ómögulegt a segja hver hún verður,“ svarar Ólafur Þ. Harðarson, prófessor í stjórnmálafræði við Háskóla Íslands, er blaðamaður spyr hvort hægt sé að spá fyrir hver tillaga Bjarna Benediktssonar verður um skipun nýs dómsmálaráðherra. Meira »

Opna netverslun fyrir íslenskan fisk

Í gær, 17:21 Captain's Box hyggst selja hágæða sjávarafurðir í áskrift og senda vítt og breitt um Bandaríkin í umhverfisvænum umbúðum sem halda fiskinum köldum. Meira »

Ólík tíðni banaslysa í umferðinni

Í gær, 17:07 Sviðsljós Tíðni banaslysa í umferðinni í Evrópu er afar misjöfn eftir löndum samkvæmt nýjum samanburði Eurostat, Hagstofu Evrópusambandsins á fjölda þeirra sem létust í umferðinni í 32 Evrópulöndum á árinu 2017. Meira »

Hlé gert á formlegri leit að sinni

Í gær, 16:47 Lögreglan á Suðurlandi hefur ákveðið að gera hlé á formlegri leit að belgíska ferðamanninum sem talinn er hafa fallið í Þingvallavatn 10. ágúst. Áfram verður fylgst með vatninu, en komi ekkert nýtt upp verða bakkar þess gengnir að þremur til fjórum vikum liðnum. Meira »

Skora á Katrínu að lýsa yfir neyðarástandi

Í gær, 16:39 Píratahreyfingin tekur undir áskorun helstu náttúruverndarsamtaka landsins og skorar á Katrínu Jakobsdóttur forsætisráðherra að lýsa yfir neyðarástandi í loftslagsmálum. Meira »

Hvetur Breta til EES-aðildar

Í gær, 16:34 „Ég efast ekki um að Bretlandi mun farna vel eftir útgöngu úr Evrópusambandinu, hvort sem það er með samningi eða ekki,“ segir Sigmundur Davíð Gunnlaugsson, formaður Miðflokksins, og leggur til að Bretland gangi tímabundið í EES í aðsendri grein sem birt hefur verið á vef Spectator í Bretlandi. Meira »
Sultukrukkur, minibarflöskur...
Til sölu ..Ca 100 gler krukkur til sölu..Frekar litlar... Einnig ca 200 smáflös...
Skúffa á traktorinn
Vönduð og sterkbyggð skúffa á þrítengið sem einnig er hægt að nota sem skóflu. ...
Stofuskápur úr furu
Skápur í sumarbúðstaðinn til sölu, hæð 2 m, breidd 0,71 m, dýpt 0,35 m. Kr: 10,...
Eldhússtólar
Til sölu 6 stk eldhússtólar,hvítir á stálfótum Vel útlítandi..Verð kr 2500 stk....