Icelandair vissi ekki af mislingasmiti
Setja bókamerki
„Við höfum ekki fengið neinar upplýsingar um málið,“ segir Guðjón Arngrímsson, upplýsingafulltrúi Icelandair.
Heilbrigðisyfirvöld í Toronto hafa gefið út viðvörun til flugfarþega, samkvæmt frétt CBS í Kanada, eftir að farþegi, sem flaug frá Kænugarði til Toronto með viðkomu á Íslandi, greindist með mislinga. Af þremur flugferðum voru tvær með Icelandair.
„Við förum eftir leiðbeiningum frá sóttvarnalækni um hver okkar viðbrögð eigi að vera,“ bætir Guðjón við.
Kanadísk yfirvöld höfðu í morgun ekki haft samband við sóttvarnalækni vegna smitsins, sem er sagt hafa átt sér stað í síðustu viku.
Sóttvarnalæknir ætlar að vera í sambandi við Kanadamenn til að fá staðfest að um mislingasmit hafi verið að ræða.
Ef það reynist rétt ætlar embættið í framhaldinu að ræða við Icelandair um viðbrögð. Láta þurfi farþegana sem voru um borð í vélunum vita af smitinu, sérstaklega Íslendingana.
Mislingar er veirusjúkdómur sem er mjög smitandi og einkennist af hita og útbrotum um allan líkamann. Hann getur verið hættulegur og jafnvel valdið dauða.
„Hvílir mikil leynd yfir þessu öllu“
Verðbólgan komin niður í 6%
Veiting hvalveiðileyfis ekki brot á EES-samningi
Árshátíð ríkislögreglustjóra haldin í Tékklandi
„Okkur miðar í rétta átt“
Skiptir miklu meira máli en fólk grunar
Æskuvinur Íslendings myrtur í Noregi
Tveir í bílnum sem lenti utan vegar