Píratar draga hæfi ráðuneytis í efa

Halldóra Mogensen, þingmaður Pírata, er formaður velferðarnefndar.
Halldóra Mogensen, þingmaður Pírata, er formaður velferðarnefndar. mbl.is/Kristinn Magnússon

Þingflokkur Pírata telur að velferðarráðuneytið sé ekki réttur aðili til þess að rannsaka samskipti Barnaverndarstofu og barnaverndarnefnda á höfuðborgarsvæðinu. Píratar draga í efa hæfi ráðuneytisins. Þetta er meðal þess sem kemur fram í yfirlýsingu sem þingflokkur Pírata sendi frá sér síðdegis í gær.

„Fyrir liggur niðurstaða úttektar á málsmeðferð og efnislegri athugun velferðarráðuneytisins í kjölfar kvartana barnaverndarnefnda í Reykjavík, Hafnarfirði og Kópavogi vegna Barnaverndarstofu og forstjóra hennar. Af henni má draga þá ályktun að velferðarráðuneytið hafi látið hagsmuni barna mæta afgangi og ekki sinnt rannsóknarskyldu sinni, líkt og lög kveða á um, þrátt fyrir ítrekaðar kvartanir frá barnaverndarnefndum á starfsháttum forstjóra Barnaverndarstofu.

Lagst var í umrædda úttektarvinnu með hraði er málið var til umfjöllunar velferðarnefndar Alþingis. Lítill áhugi virtist á málinu þar til það vakti athygli almennings. Þá fyrst tók framkvæmdavaldið við sér. Þingflokkur Pírata þakkar þeim Kjartani Bjarna Björgvinssyni og Kristínu Benediktsdóttur fyrir vel unnin störf. Þingflokkur Pírata sér og kann að meta metnað þeirra til að leysa verkefnið vel af hendi þrátt fyrir að annað verði sagt um vilja framkvæmdavaldsins.

Þingflokkur Pírata fagnar því að velferðarráðuneytið hyggst endurskoða innri verkferla og verklag við rannsóknir sem þessar eins og sjá má á tilkynningu ráðuneytisins frá því í gær [föstudag]. Þingflokkur Pírata telur velferðarráðuneytið þó ekki vera réttan aðila til þess að taka aftur upp rannsókn á samskiptum Barnaverndarstofu og barnaverndarnefnda Reykjavíkur, Kópavogs og Hafnarfjarðar þar sem draga má í efa hæfi ráðuneytisins til að sinna rannsóknarskyldu sinni af kostgæfni. Þar til úrbætur innan ráðuneytisins hafa sannarlega átt sér stað.

Fullyrt var í upphafi að um óháða úttekt væri að ræða sem tæki til málsmeðferðar Barnaverndarstofu, barnaverndarnefnda og ráðuneytisins í tilteknum barnaverndarmálum. Þetta kemur fram í fréttatilkynningu forsætisráðuneytisins 2. maí síðastliðinn. Síðar var það hlutverk þrengt án þess að greint væri frá opinberlega og tekur því úttektin aðeins til stjórnsýslu ráðuneytisins. Í úttektinni má finna útlistun á samskiptum barnaverndarnefnda og Barnaverndarstofu. Úttektin leiðir í ljós að ráðuneytið sinnti ekki skyldum sínum þrátt fyrir ábendingar um að stjórnsýsla barnaverndarmála sé ekki eins á verður kosið.

Þingflokkur Pírata harmar hversu lítinn vilja virðist að finna hjá framkvæmdavaldinu til naflaskoðunar sem leitt gæti til raunverulegra umbóta í málaflokknum en leggja þess í stað allan kraft í að sópa málinu undir teppi. Þar eru pólitískir hagsmunir settir ofar hag barna. Hér hefur samtrygging stjórnmálanna verið sett ofar góðri og heiðarlegri stjórnsýslu.

Fram kemur í úttektinni, og reyndar áður, að forstjóri Barnaverndarstofu hafi um árabil haft bein afskipti af einstaka málum með óformlegum símtölum. Bragi hafi þannig veitt fyrirmæli um einstaka mál án þess að hafa uppfyllt ákvæði barnaverndarlaga þar sem kveðið er á um með hvaða hætti eftirliti Barnaverndarstofu skal háttað. Það vekur furðu að ráðuneytið hafi ekki sinnt eftirliti sínu með faglegri hætti þrátt fyrir þessa vitneskju. Þá er enn ósvarað hvers vegna félags- og jafnréttismálaráðherra valdi að halda þessum þætti málsins frá Alþingi sem hefur eftirlitsskyldu með störfum hans.

Spurningum um réttmæti framboðs forstjóra Barnaverndarstofu til Barnaréttarnefndar Sameinuðu þjóðanna er enn ósvarað. Þingflokkur Pírata furðar sig á yfirlýsingum forsætisráðherra vegna málsins í Stundinni þann 27. apríl síðastliðinn þar sem ráðherra segir: „Engin gögn um efnislegar niðurstöður velferðarráðuneytisins í kvörtunarmálum barnaverndarnefnda gegn Barnaverndarstofu voru lögð fyrir ríkisstjórn Íslands þann 23. febrúar þegar samþykkt var að bjóða Braga Guðbrandsson fram til Barnaréttarnefndar Sameinuðu þjóðanna fyrir Ísland hönd.“ Í niðurstöðu úttektaraðila vegna málsins segir þvert á móti að félags- og jafnréttismálaráðherra hafi ritað „minnisblað til ríkisstjórnar Íslands 13. desember 2017 þar sem farið var yfir kvartanir barnaverndarnefndanna þriggja og upplýst um meðferð málsins.“ Þetta ósamræmi þarfnast skýringa.

Úttektin tekur þannig ekki efnislega afstöðu til starfshátta Braga Guðbrandssonar eins og leiða mátti líkur að þegar úttektin var boðuð á vef forsætisráðuneytisins þann 2. maí heldur snýr einvörðungu að meðhöndlun velferðarráðuneytisins á kvörtunum barnaverndarnefndanna gagnvart Braga Guðbrandssyni.

Niðurstaða úttektaraðila er að ekki sé hægt að slá því föstu að Bragi hafi farið út fyrir verksvið sitt með því að hafa afskipti af einstaka barnaverndarmálum. Ekki er heldur hægt að meta hvort hann hafi brotið gegn þagnarskyldu sinni í samskiptum við föður eins málsaðila. Mat úttektaraðila liggur á þá leið að ráðuneytið hafi ekki upplýst málsatvik nægilega vel til þess að geta tekið ákvörðun um lögmæti embættisfærslna Braga. Ráðuneytið hafi hvorki virt rannsóknarregluna né andmælaregluna við meðferð málsins.

Ljóst er að enn er mörgum spurningum ósvarað. Þingflokkur Pírata mun halda áfram að veita framkvæmdavaldinu virkt aðhald í þessu máli eins og öðrum,“ segir í yfirlýsingu frá þingflokki Pírata.

Úttektin í heild

mbl.is

Innlent »

Verklagi fylgt í máli sykursjúks drengs

18:16 Lögreglan á höfuðborgarsvæðinu segir að embætti héraðssaksóknara hafi í maí síðastliðnum ákveðið að hætta að rannsaka mál sem varðar meint ófagleg vinnubrögð lögreglu eftir að 17 ára piltur var færður á lögreglustöð eftir skóladansleik. Meira »

Skaðabætur eftir að skápur féll á hana

17:47 Héraðsdómur Reykjavíkur hefur dæmt Tryggingamiðstöðina til að greiða konu á fertugsaldri rúmar 18 milljónir króna eftir að hún slasaðist í vinnuslysi árið 2014. Meira »

Reynir Íslandsmeistari í skrafli

17:08 Reynir Hjálmarsson bar sigur úr býtum á Íslandsmótinu í skrafli sem fór fram í sjötta sinn um helgina. Gísli Ásgeirsson varð í öðru sæti og Hildur Lilliendahl Viggósdóttir í því þriðja. Meira »

Farið talsvert nærri stjórnarskránni

16:49 „Sífellt fleirum líður eins og að Evrópusambandið beri ekki þá virðingu fyrir tveggja stoða kerfinu og okkur finnst það eiga að gera. Það eru fleiri mál þar sem gengið hefur verið ansi langt gangvart framsalsheimildum okkar miðað við stjórnarskrá okkar.“ Meira »

Hjón fengu 4 milljóna skaðabætur

16:44 Héraðsdómur Reykjavíkur hefur dæmt íslenska ríkið til að greiða hjónum samtals fjórar milljónir króna í skaðabætur. Þau voru úrskurðuð fyrir tveimur árum í gæsluvarðahald grunuð um aðild að íkveikju á húðflúrsstofunni Immortal Art í Hafnarfirði. Meira »

Kampi fjárfestir í búnaði Skagans 3X

16:30 Rækjuverksmiðjan Kampi ehf. á Ísafirði hefur skrifað undir samning um kaup á karakerfi frá Skaganum 3X. „Reksturinn hjá Kampa ehf. hefur gengið vel undanfarna mánuði og góður stígandi hefur verið í vinnslunni.“ Meira »

Ekki búið að tilkynna fundinn

16:13 Hvorki utanríkisráðuneytinu né embætti ríkislögreglustjóra hefur borist formlegt erindi varðandi fund á líkum íslensku fjallgöngugarpanna, þeirra Kristins Rúnarssonar og Þorsteins Guðjónssonar, sem fundust nýlega á fjallinu Pumori í Nepal. Meira »

Katrín fundar með Merkel í Berlín

15:40 Katrín Jakobsdóttir forsætisráðherra tekur þátt í alþjóðlegri ráðstefnu um efnahagsmál á vegum Süddeutsche Zeitung í Berlín á morgun. Forsætisráðherra mun einnig eiga tvíhliða fund með Angelu Merkel, kanslara Þýskalands í Berlín. Meira »

Utanvegaakstur alvarlegt mál

15:29 Lögreglan á Suðurlandi tekur utanvegaakstur alvarlega og er að reyna að auka eftirlit og sýnileika í samvinnu við landverði og Umhverfisstofnun. Aðalvarðstjóri lögreglunnar á Höfn segir að mál manns sem spændi upp mosa í september sé væntanlegt á borð lögreglu. Meira »

Framlengja farbann í skútumáli

14:29 Héraðsdómur Vestfjarða féllst á kröfu lögreglunnar á Ísafirði um að framlengja farbann yfir manninum sem ákærður hefur verið fyrir að stela skútu úr höfninni á Ísafirði í síðasta mánuði og sigla henni í burtu. Meira »

Íslensk fyrirtæki á stærstu sýningu Asíu

13:01 Sex fyrirtæki frá Íslandi kynntu íslenskar sjávar- og eldisafurðir á sjávarútvegssýningunni í Qingdao í Kína, sem haldin var í lok síðustu viku. „Þetta er í 23. sinn sem sýningin er haldin. Fjöldi sýnenda og gesta hefur meira en tvöfaldast á undanförnum árum og er sýningin stærsta sinnar tegundar í Asíu með yfir 29.000 gesti og um 1.500 sýnendur,“ segir Berglind Steindórsdóttir, sýningarstjóri hjá Íslandsstofu. Meira »

Sæbraut opin fyrir umferð á ný

12:59 Búið er að opna á ný umferð um Sæ­braut í vesturátt frá Kringlu­mýr­ar­braut, að sögn lögreglunnar á höfuðborgarsvæðinu. Götunni var lokað um tíma nú í hádeginu í kjölfar al­var­legs um­ferðarslyss. Meira »

Vinnudagurinn styttri en talið var?

12:51 Miðað við nýbirt gögn frá Efnahags- og framfarastofnuninni (OECD) má draga þá ályktun að Ísland sé í hópi þeirra ríkja heimsins þar sem unninn er hvað stystur vinnudagur en ekki lengstur eins og gjarnan hefur verið gengið út frá hér á landi. Meira »

Förin sjáanleg í marga áratugi

12:49 „Þetta er viðvarandi vandamál,“ segir Andrés Arnalds, verkefnastjóri hjá Landgræðslu ríkisins. Úkraínskur ferðamaður spólaði um og spændi upp mosa á smájeppa sem hann leigði þegar hann var hér á landi í september. Meira »

Alvarlegt slys á Sæbraut

11:59 Búið er að loka Sæbraut í vesturátt frá Kringlumýrarbraut vegna alvarlegs umferðarslyss sem varð um kl. 11:30. Ekið var á gangandi vegfaranda. Meira »

Kvöddumst í íbúðinni okkar í London

11:56 „Þeir voru alveg óskaplega skemmtilegir félagar. Það var gaman að vera með þeim. Það var enginn heragi í kringum þessa menn, en þeir voru líka feikilega góðir fjallamenn,“ segir Magnús Tumi Guðmundsson, jarðeðlisfræðingur í samtali við mbl.is um þá Kristin Rúnarsson og Þorstein Guðjónsson. Meira »

Vill að lögregla breyti verklagsreglum

11:08 „Ég er ekki að eltast við peninga, ég er að eltast við réttlæti,“ segir Bergljót Davíðsdóttir blaðamaður. Hún telur mikilvægt að lögregla breyti verklagsreglum sínum. Fyrir ári síðan var 17 ára dóttursonur hennar handtekinn þegar hann sprautaði sig með insúlíni á skólaballi. Meira »

Banaslys á Borgarfjarðarbraut

11:05 Ökumaður bifreiðar sem valt á Borgarfjarðarbraut í gærkvöldi rétt norðan við Flókadalsá var úrskurðaður látinn skömmu eftir komu á slysadeild. Meira »

Spillivagninn ekur um borgina

11:04 Í síðustu viku byrjaði Spillivagninn að aka um götur borgarinnar og safna raftækjum og spilliefnum. Talið er að um 150 tonnum af spilliefnum og raftækjum hafi verið hent í ruslið með blönduðum úrgangi í fyrra og er verið að bregðast við því. Meira »
Sumarhús við gullna hringinn..
- Gisting fyrir 5-6, leiksvæði og stutt að Geysi, Flúðum og Gullfossi. Velkomin....
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Perlur sem ekki þarf að strauja !!
Nýtt á Íslandi, perlur sem ekki þarf að strauja, einungis sprauta vatni á og þær...
EAE Bilalyftur
Bílalyftur allar gerðir, eigum á lager 4 tonna 2 pósta og 3 t í gólf og 1 metra ...