11 sóttu um starf forstjóra Sjúkratrygginga Íslands

Ellefu sóttu um embætti forstjóra Sjúkratrygginga Íslands sem auglýst var laust til umsóknar 18. maí síðastliðinn. Heilbrigðisráðherra mun skipa í stöðuna frá 1. nóvember 2018 til fimm ára að fenginni tillögu stjórnar Sjúkratrygginga Íslands, líkt og kveðið er á um í lögum, en Steingrímur Ari Arason, núverandi forstjóri, ákvað að sækja ekki um starfið á ný.

Forstjóri skal hafa lokið námi á háskólastigi og búa yfir rekstri af reynslu og stjórnun sem  nýtist í starfi. Forstjóri ræður aðra starfsmenn stofnunarinnar og annast daglegan rekstur hennar. Forstjóri ber ábyrgð á því að sjúkratryggingastofnunin starfi í samræmi við lög, stjórnvaldsfyrirmæli og erindisbréf. Forstjóri ber ábyrgð á starfsemi stofnunarinnar og á því að rekstrarútgjöld og rekstrarafkoma sé í samræmi við fjárlög og að fjármunir séu nýttir á árangursríkan hátt.

Frestur til að sækja um embættið rann út 10. júní. Umsækjendur um embættið eru eftirtaldir:

• Berglind Ólafsdóttir, áfengis- og fíkniefnaráðgjafi
• Guðrún Ingibjörg Gylfadóttir formaður
• Hrannar Björn Arnarsson framkvæmdastjóri
• Huld Magnúsdóttir, framkvæmdastjóri
• Ingunn Björnsdóttir dósent
• María Heimisdóttir framkvæmdastjóri
• Ragnar Magnús Gunnarsson sviðsstjóri
• Sigríður Haraldsdóttir sviðsstjóri
• Sigurbjörg Sigurgeirsdóttir dósent
• Þorvaldur Ingi Jónsson þróunarstjóri
• Þröstur Óskarsson deildarstjóri

• 1 blogg um fréttina

Bloggað um fréttina

• Torfi Kristján Stefánsson: Sigurbjörg er kjörinn í þetta!