18 mánuðir fyrir stórfellt fíkniefnabrot

mbl.is/Ófeigur

Héraðsdómur Reykjaness dæmdi í dag karlmann frá Venesúela í 18 mánaða fangelsi fyrir stórfellt fíkniefnabrot, með því að hafa staðið að innflutningi á rúmlega kílói af kókaíni ætluðu til söludreifingar hér á landi í ágóðaskyni. Maðurinn flutti fíkniefnin til landsins innvortis í líkama sínum sem farþegi með flugi frá Zurich í Sviss til Íslands þann 8. febrúar síðastliðinn.

Játaði hann brot sitt skýlaust fyrir dómi og samkvæmt framlögðu sakavottorði hafði hann ekki gerst sekur um refsiverðan verknað. Við skýrslutöku hjá lögreglu kvaðst maðurinn ekki vera eigandi fíkniefnanna, en hann hafi tekið að sér að flytja þau til landsins gegn þóknun.

Frásögn mannsins var ekki dregin í efa og tekið var tillit til þess að hann var samstarfsfús við rannsókn málsins. Ekki var hins vegar hægt að líta framhjá því að hann stóð að innflutningi á miklu magni sterkra fíkniefna. Með hliðsjón af því var talið 18 mánaða fangelsisdómur væri hæfileg refsing, en til frádráttar kemur gæsluvarðhald frá 9. febrúar síðastliðnum.

mbl.is

Innlent »

Framúrskarandi námsmenn hlutu styrk

13:52 Landsbankinn úthlutaði námsstyrkjum til fimmtán námsmanna úr Samfélagssjóði bankans þann 14. júní. Styrkirnir voru nú veittir í 29. sinn. Heildarupphæð námsstyrkja nemur sex milljónum króna, sem er hæsta styrkveiting banka af þessu tagi á Íslandi. Alls bárust tæplega 500 umsóknir. Meira »

Notfærði sér bágar aðstæður stúlkunnar

13:40 Landsréttur staðfesti á föstudag eins og hálfs árs fangelsisdóm yfir Ingvari Óskari Sveinssyni fyrir ítrekuð kynferðisbrot gegn stúlku, með því að hafa í 18 skipti á árinu 2015 haft samræði við hana á heimili sínu þegar hún var 16 til 17 ára. Meira »

Láta kanna afskriftir tengdar Guðmundi

13:21 Hluthafar Vinnslustöðvarinnar í Vestmannaeyjum samþykktu á hluthafafundi í morgun að fara fram á rannsókn á skuldaafskriftum Landsbankans gagnvart félögum tengdum Guðmundi Kristjánssyni, annars stærsta eiganda Vinnslustöðvarinnar. Meira »

Reykur í skipi við Sundahöfn

12:59 Slökkviliðið á höfuðborgarsvæðinu var kallað út að Sundahöfn vegna tilkynningar um reyk í flutningaskipinu Blikur. Tveir slökkviliðsbílar voru sendir á vettvang ásamt sjúkrabílum. Enginn er slasaður samkvæmt upplýsingum frá slökkviliðinu. Dráttarbáturinn Magni dregur vélarvana flutningaskipið að landi. Meira »

Íslendingar ofmenntaðir í fiskveiðum

12:35 Meiri menntunar er þörf í eðlisfræði, verkfræði og stærðfræði, en helst eru Íslendingar ofmenntaðir í fiskveiðum. Þetta er meðal þess sem fram kemur í greiningunni á íslenskum vinnumarkaði, að sögn Sigurðar Björnssonar hjá Hagfræðistofnun. Meira »

Dæmdur fyrir líkamsárás gegn syni sínum

12:31 Maður var á föstudag dæmdur í sjö mánaða skilorðsbundið fangelsi fyrir sérstaklega hættulega líkamsárás gegn fjögurra ára syni sínum. Tók maðurinn son sinn kverkataki þannig að punktblæðingar mynduðust í andliti drengsins. Meira »

Segir hagsmunum lögreglumanna illa gætt

12:10 Fyrrverandi lögreglumaður upplifði sig einan í kjölfar þess að hann var ákærður og síðar dæmdur fyrir brot í starfi. Hann gagnrýnir Landssamband lögreglumanna fyrir afskiptaleysi og segir sambandið ekki gæta nægilega vel að hagsmunum lögreglumanna. Meira »

Kostar á ný að nota salerni í Hörpu

11:54 Byrjað er að rukka fyrir aðgang að salerni í Hörpu. Um er að ræða tímabundna ráðstöfun yfir sumarið líkt og gert var í fyrra. Aðgangur að salerni á neðstu hæð í Hörpu kostar 250 krónur en salerni á öðrum hæðum eru alla jafna læst nema viðburður sé í gangi segir forstjóri Hörpu. Meira »

Dæmdur fyrir hefndarklám

11:45 Maður var á föstudag dæmdur í 15 mánaða fangelsi í Landsrétti fyrir blygðunarsemisbrot og dreifingu kláms með því að hafa tekið upp myndband af sér og öðrum manni sem sýndi þá í kynmökum, án vitundar brotaþola, og sent myndband og myndir til tveggja aðila, þ.m.t. þáverandi kærustu brotaþola. Meira »

Ræddi um Hauk við ráðherra Tyrkja

11:39 Mannréttindi og mál Hauks Hilmarssonar voru rædd á fundi Guðlaugs Þórs Þórðarsonar, utanríkisráðherra, og Nihat Zeybekci, efnahagsmálaráðherra Tyrklands, í Skagafirði í morgun. Þá kom Guðlaugur á framfæri gagnrýni íslenskra stjórnvalda vegna hernaðaraðgerða Tyrkja í Sýrlandi og stöðu mannréttindamála í Tyrklandi. Meira »

Frá Norway til Íslands

11:23 Eitt þeirra 72 liða sem skráð er til leiks í B-flokki WOW Cyclothon kemur frá bænum Norway í Maine í Bandaríkjunum. Hópurinn samanstendur af fimm konum og fimm körlum sem æfa saman í líkamsræktarstöðinni TruStenght Athletics í bænum. Meira »

Nýr fríverslunarsamningur við Ekvador

10:40 Nýr fríverslunarsamningur hefur verið undirritaður milli EFTA-ríkjanna og Ekvador á Hólum í Skagafirði í dag. Einnig var undirritaður uppfærður fríverslunarsamningur við Tyrkland. Þetta staðfestir Þorfinnur Ómarsson, samskiptastjóri EFTA, í samtali við mbl.is. Meira »

Sumahúsainnbrot upplýst

10:15 Lögreglan á Austurlandi hefur handtekið fjóra einstaklinga vegna innbrota í nokkur sumarhús á héraði í síðustu viku þar sem talsverðu magni af munum var stolið. Náði lögreglan þýfinu til baka og teljast málin upplýst. Meira »

Bíða af sér veðrið í skálum

09:42 Þeir skálar Ferðafélags Íslands sem búið er að opna á hálendinu eru vel flestir fullir og þar bíða nú ferðalangar af sér hvassviðrið sem gengur yfir. „Það er rok og rigning og mjög leiðinlegt veður,“ segir umsjónarmaður skála hjá FÍ. Meira »

Ferjuð til byggða með þyrlu

09:20 Tveir þýskir ferðamenn, sem óskuðu eftir aðstoð björgunasveitar, eftir að hafa lent í sjálfheldu á Fimmvörðuhálsi, eru næstum komnir að sleðum sem bíða þeirra nyrst á hálsinum. Sleðarnir munu ferja þá að þyrlu Landhelgisgæslunnar sem tekur þá niður af fjallinu. Meira »

Sofnaði væntanlega undir stýri

08:54 Sennilegt er að ökumaður bifreiðar sem var ekið yfir á rangan vegarhelming hafi sofnað eða misst athygli við aksturinn af óþekktum ástæðum en bifreiðinni var ekið í veg fyrir aðra bifreið í Hvalfjarðargöngunum fyrir tveimur árum. Einn lést og nokkrir slösuðust alvarlega í slysinu. Meira »

„Fullhaustlegt“ veður á landinu

08:11 „Spár okkar hafa gengið nokkuð vel eftir,“ segir Birta Líf Kristinsdóttir, veðurfræðingur á Veðurstofu Íslands, um hvassviðrið og storminn sem gengur nú yfir austurhelming landsins. „Það hefur í raun ekkert komið okkur á óvart.“ Meira »

Reynslumiklir komast ekki að

07:57 „Þetta er enn eitt dæmi þess hversu iðnnám á Íslandi er lítils metið,“ segir Snorri Magnússon, formaður Landssambands lögreglumanna, í samtali við Morgunblaðið. Meira »

Mjög hrakin og köld

07:36 Björgunarsveitarmenn voru að koma til göngufólksins sem óskaði eftir aðstoð á Fimmvörðuhálsi og er fólkið mjög kalt og hrakið. Fólkið er uppi á Morinsheiði og það örmagna að það treystir sér ekki til þess að ganga sjálft. Beðið er eftir þyrlu Landhelgisgæslunnar. Meira »
Stórkostlegt úrval af Nuddbekkjum frá 46.000 ....
Stórkostlegt úrval af Nuddbekkjum frá 46.000 .... www.egat.is sími 8626194...
Bílalyftur frá EAE á lager, pósta og skæralyftur.
Eigum 4 tonna gólffríar bílalyftur á lager. 15 ára reynsla á íslandi Vökvaknún...
Klettar - Heilsárshús - 65fm + 35fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...