Uppbætur á lífeyri verði skattfrjálsar

Fjármálaráðherra ber að leggja fram frumvarp fyrir 1. nóvember
Fjármálaráðherra ber að leggja fram frumvarp fyrir 1. nóvember Haraldur Jónasson/Hari

Alþingi ályktar að fela fjármálaráðherra að leggja fram frumvarp þess efnis að uppbætur á lífeyri, samkvæmt lögum um félagslega aðstoð, verði ekki skattskyldar.

Þingsályktunartillaga þess efnis var samþykkt á Alþingi í dag, en hún var lögð fram að frumkvæði þingmanna Flokks fólksins. Auk þingmanna Flokks fólksins var einn þingmaður hvers þingflokks meðal flutningsmanna og var hún samþykkt með 56 atkvæðum mótatkvæðalaust, en 7 voru fjarstaddir.

Ólafur Ísleifsson
Ólafur Ísleifsson mbl.is/Haraldur Jónasson

Samkvæmt lögum um félagslega aðstoð frá árinu 2007 er heimilt að greiða lífeyrisþega uppbót vegna kostnaðar sem ekki fæst greiddur með öðrum hætti, ef sýnt þykir að hann geti ekki framfylgt sér án þess. Sú uppbót telst til tekna og er af henni greiddur skattur, auk þess sem hún kann að skerða aðrar bætur, svo sem vaxta- eða húsnæðisbætur.

Við þinglok nú fól samkomulag meiri- og minnihluta í sér að hver flokkur í minnihlutanum fékk að tryggja einu máli framgöngu og var þetta mál Flokks fólksins.

Núverandi löggjöf mistök

Ólafur Ísleifsson, þingmaður Flokks fólksins, segir að þingflokkurinn hafi í upphafi vetrar lagt fram frumvarp í þessum anda. Eftir að hafa tekið við umsögnum frá, meðal annars, Ríkisskattstjóra hafi þótt ljóst að frumvarpið þyrfti meiri undirbúning. Úr varð að fela fjármálaráðherra að leggja fram frumvarp á næsta þingi.

Ólafur segist hafa fundið fyrir þverpólitískri samstöðu í málinu og sýni hún sig í því að allir flokkar hafi átt fulltrúa meðal flutningsmanna. „Í hvert sinn sem málið ber á góma eru viðbrögðin eins. Það er engu líkara en mistök hafi verið gerð við lagasetninguna [árið 2007],“ segir Ólafur og vísar til þess að uppbótin, sem ætluð er að bæta lífeyrisþegum upp tilfallandi kostnað, svo sem við gleraugnakaup, skuli vera skattlögð sem tekjur.

mbl.is

Innlent »

Yngsti kærði einstaklingur 4 ára

15:10 Fjöldi grunaðra fyrir hegningarlagabrot árið 2017 voru 4.124 einstaklingar, eða 9% fleiri en meðalfjöldi grunaðra árin 2014 til 2016. Bæði árin 2016 og 2017 voru karlar rétt tæp 80 prósent grunaðra og er það sambærilegt við fyrri ár, þó að árið 2015 hafi hlutfallið verið aðeins lægra eða 77 prósent. Meira »

Fleiri vilja stöðugt verðlag

15:08 Fleiri eru hlynntir en andvígir kjarasamningum þar sem lögð er meiri áhersla á stöðugt verðlag en launahækkanir, að því er fram kemur í könnun sem Gallup gerði fyrir Samtök atvinnulífsins. Þar segir að helmingur svarenda sé hlynntur kjarasamningum þar sem meiri áhersla sé lögð á stöðugt verðlag og minni áhersla á launahækkanir. Meira »

Áfram í haldi fyrir meint brot gegn börnum

14:39 Gæsluvarðhald yfir manni sem er grunaður um gróft kynferðisbrot sem getur varðað allt að 16 ára fangelsi hefur verið framlengt til 3. október. Meira »

Rýrt innlegg í kjaraviðræður

14:13 Miðstjórn ASÍ segir að fjárlagafrumvarp ríkisstjórnarinnar gefi ekki tilefni til mikillar bjartsýni í þeim kjaraviðræðum sem í hönd fara, þrátt fyrir yfirlýsingar stjórnvalda í samskiptum við verkalýðshreyfinguna um aukna áherslu á félagslegan stöðugleika. Meira »

„Getum ekki valið að mæta stundum“

13:43 „Þarna er um reglubundna þátttöku okkar að ræða í þessu norræna samstarfi. Við erum með litlar sendinefndir og fámennan hóp, 7 manns af 87, þannig að Ísland er ekki mjög stórt í þessu. Við bara mönnum að lágmarki það sem við tökum þátt í,“ segir Steingrímur J. Sigfússon, forseti Alþingis. Meira »

Kirkjufellið varasamt

13:17 Mikill viðbúnaður var við Kirkjufellið í gær vegna björgunar þar sem ferðamaður féll í fjallinu og lést. Í ferðaþættinum Úti var farið með Baltasar Kormák upp á Kirkjufell og mátti þar sjá óhugnalegar og erfiðar aðstæður. Róbert Marshall ritstjóri Úti fór fyrir leiðangrinum í vetur. Meira »

Bendir á tengsl Fréttablaðsins og VSV

13:09 Stjórnarformaður Fréttablaðsins er einnig lögmaður meirihlutaeigenda Vinnslustöðvarinnar í Vestmannaeyjum hf. og sömuleiðis varaformaður stjórnar fyrirtækisins. Þetta segir Guðmundur Kristjánsson, forstjóri HB Granda og eigandi Brims. Meira »

Deilt um bótakröfu hjúkrunarfræðings

12:00 Deilt var um það við aðalmeðferð á skaðabótamáli Ástu Kristínar Andrésdóttur hjúkrunarfræðings gegn íslenska ríkinu fyrir Landsrétti í morgun hvort hún hafi sjálf stuðlað að því að ákæra var gefin út á hendur henni um manndráp af gáleysi. Meira »

„Röð af klaufaskap og mistökum“

11:57 Kári Stefánsson, forstjóri Íslenskrar erfðargreiningar, segir ferlið frá því að skóflu­stunga að bygg­ing­unni sem hýs­ir já­eindaskann­ann var tek­in í janú­ar árið 2016 og þar til hann var tekinn í notkun í síðustu viku vera röð af klaufaskap og mistökum. Meira »

Veltu björgum með risavöxnu kúbeini

11:56 Vel gekk að rúlla niður björgum við Esjuna nærri toppi Þverfellshorns í morgun. Þrír verkfræðingar á vegum Eflu fóru fyrir aðgerðunum ásamt starfsfólki Skógræktarfélags Reykjavíkur sem sá um að vakta göngustíga við fjallið. Meira »

Níu þúsund börn þreyta samræmd próf

11:25 Á morgun hefjast samræmd próf fyrir nemendur í 4. og 7. bekk, en frá 20.-28. september verða lögð próf í íslensku og stærðfræði fyrir nemendurna. Þetta eru fyrstu almennu samræmdu könnunarprófin sem lögð eru fyrir frá því að tæknileg vandamál urðu í tveimur prófum nemenda í 9. bekk í mars fyrr á þessu ári. Meira »

200 þúsund laxar drápust

11:01 200 þúsund laxar drápust í eldi Arnarlax í Tálknafirði í febrúar. Í svari Matvælastofnunar við fyrirspurn í lok þess mánaðar sagði að 53 þúsund laxar hefðu drepist, og hafa hærri tölur ekki birst fyrr en nú. Til sam­an­b­urðar má geta að á ár­inu 2016 voru 53.600 lax­ar veidd­ir á stöng á Íslandi. Meira »

Æfa viðbrögð við árás á Landhelgisgæsluna

10:27 Hluti heræf­ing­ar NATO, Tri­dent Junct­ure, verður hald­inn hér á landi um miðjan október sem und­an­fari aðalæf­ing­ar­inn­ar sem hefst 25. októ­ber nk. í Nor­egi. Mun hún standa í tvær vik­ur og verður hún stærsta varnaræfing bandalagsins frá 2015. Meira »

Kannabismál á Austurlandi telst upplýst

10:12 Lögreglan hefur sleppt öllum fjórum úr haldi sem voru handteknir í gær vegna kannabisræktunar á Breiðdalsvík og í Fellabæ. Rannsókn málsins heldur áfram í dag, en lögreglan segir málið að mestu leyti upplýst. Meira »

Árrisulum göngumönnum vísað frá Esjunni

08:43 Nokkrir frískir göngumenn ætluðu aldeilis að byrja þennan vindasama miðvikudag af krafti og ganga upp Esjuna. Er þeir voru að leggja í hann klukkan sjö í morgun tók á móti þeim hópur verkfræðinga sem var í þann mund að fara að rúlla niður nokkrum björgum við fjallið nærri toppi Þverfellshorns. Meira »

Piparkökur komnar í verslanir

07:57 Sala er hafin á jólavarningi í verslunum Bónuss. Verslunarkeðjan er byrjuð að selja piparkökur og kerti.  Meira »

Endurnýjun við Miklubraut

07:57 Götumynd Miklubrautar og umhverfis hennar vestan Lönguhlíðar hefur tekið miklum breytingum eftir að hlaðinn var grjótkörfuveggur meðfram götunni í því skyni að bæta hljóðvist og auka umhverfisgæði íbúa og þeirra sem nota útivistarsvæðið á Klambratúni. Meira »

Vaxandi rigning með snjókomu til fjalla

07:31 Gul viðvörun er í gildi á öllu landinu í dag, en vaxandi norðanátt verður í dag með rigningu fyrir norðan og austan, en slyddu eða snjókomu til fjalla. Færð getur því orðið varasöm á fjallvegum þegar líður að kvöldi. Meira »

Grunaður um alvarlegt brot á samkeppnislögum

07:10 Samkeppniseftirlitið gerir alvarlegar athugasemdir við viðskiptahætti Guðmundar Kristjánssonar, aðaleiganda Brims og HB Granda, að því er fram kemur í Fréttablaðinu í dag. Meira »