Mikilvægt að æsa sig ekki um of

Anna Sigfúsdóttir fagnaði í gær 100 ára afmæli sínu í faðmi vina og vandamanna. Hún hefur haft góða heilsu í öll þessi ár og segir að til þess að ná svo háum aldri þurfi að ýmsu að huga.

„Ef ég á að gefa einhver ráð þá er það að lifa skynsamlegu lífi í rólegheitum, það er mikilvægt að æsa sig aldrei mikið. Ég held líka að það sé ljómandi gott að sleppa því að reykja og drekka.“

Anna ólst upp á Hvalsá í Hrútafirði en flutti þaðan í Borgarfjörðinn, á Kleppjárnsreykjahverfið. Þar stundaði hún grænmetisrækt með manninum sínum og hafði unun af því að vinna. „Ég hafði alltaf mikinn áhuga á því að vinna og var þrældugleg vinnukona. Ég ólst upp í fátækt og það er svo yndislegt að geta komið fjölskyldunni sinni upp sómasamlega.“ Þegar Anna flutti til Reykjavíkur, fyrir fjörutíu árum, fór hún að vinna á barnaheimili og vann þar til sjötugs. „Það er alltaf gott að hafa einhverja vinnu,“ segir Anna.

Sjá viðtal við Önnu í heild ábaksíðu Morgunblaðsins í dag.