Bilun kom upp í Breiðafjarðarferjunni Baldri í gær. Unnið var að viðgerð í nótt en nú hefur komið í ljós að ekki verður hægt að sigla í dag.
Þetta kemur fram í tilkynningu frá Sæferðum.
Þar segir enn fremur, að það sé til skoðunar að sigla á farþegabátnum Særúnu út í Flatey eftir að áætlun hennar lýkur.
Nánari upplýsingar síðar í dag, vinsamlegast fylgist með Facebook-síðu Sæferða eða á heimasíðu félagsins.