Smájaki er landfastur á Gjögri

Lítill ísjaki er nú landfastur við Hákarlavog nærri Gjögri í Árneshreppi á Ströndum. Að sögn Hilmars F. Thorarensen á Gjögri rak stærri ísjaka yfir fjörðinn og út að Byrgisvík.

Hilmar fór svo norður í Ófeigsfjörð þar sem fjóra stóra ísjaka rak yfir flóann. Hilmar er uppalinn á Gjögri en hefur þar nú sumardvöl og stundar strandveiðar.

Hilmar segir ekki óalgengt að ísjakar rati á svæðið, en að oft líði mörg ár á milli. „Og ég tala nú ekki um að það komi svona margir jakar eins og eru að koma þarna, en það hafa komið stórir borgarísjakar.“

Frétt af mbl.is

Ekki ólíklegt að hafísjaka reki að landi

• Blogga um frétt