Borgarstjóri ber fyrir sig Gústaf

Engir sætabrauðsdagar í borgarstjórn á fyrsta fundi eftir kosningar.
Engir sætabrauðsdagar í borgarstjórn á fyrsta fundi eftir kosningar. mbl.is/Kristinn Magnússon

„Þennan trúnaðarbrest þarf að rannsaka,“ sagði Vigdís Hauksdóttir, borgarfulltrúi Miðflokksins, í ræðustól borgarstjórnar í dag. Þetta voru viðbrögð við að Líf Magneudóttir, borgarfulltrúi Vinstri grænna, upplýsti í ræðustól í umræðum um breytingu á skipulagi nefnda hver fulltrúi minnihlutans yrði í nýju umhverfis- og heilbrigðisráði.

Marta Guðjónsdóttir, borgarfulltrúi Sjálfstæðisflokksins, stóð í rökræðum við Líf um breytingartillögur meirihlutans er varða verksvið nefnda. Líf lauk síðan andsvari með því að þakka fyrir að fá að starfa áfram með Mörtu að umhverfismálum í nýrri umhverfis- og heilbrigðisnefnd. Marta gerði því athugasemd vegna þess að minnihlutinn hafði aldrei upplýst meirihlutann um hverja hann hygðist kjósa í nefndir borgarinnar og spurði Líf hvernig hún hefði vitneskju um áform Mörtu.

Eyþór Laxdal Arnalds, oddviti Sjálfstæðisflokksins, gerði verulegar athugasemdir vegna meints leka. Hann upplýsti að starfsmaður borgarstjórnarflokks Sjálfstæðisflokksins hefði sent tillögur minnihlutans til starfsmanns borgarinnar í kjölfar þess að minnihlutinn hafði verið ítrekað beðinn um að senda frá sér sínar tillögur. Eyþór bætti síðan við að þetta hefði verið sent í trúnaði og ef svo væri ekki, er það furðulegt að minnihlutinn hafi ekki verið upplýstur um hverjar tillögur meirihlutans voru.

Gústafi Níelssyni að kenna

Dagur B. Eggertsson, borgarstjóri, sagði að hefð hefði myndast fyrir þessu verkferli að senda frá sér tillögur sínar vegna þeirra deilna sem tilnefning Gústafs Níelssonar í mannréttindaráð hefði skapað á sínum tíma.

„Hér talar borgarstjóri um það að hér þurfi að vega og meta fólk og þess vegna þurfa upplýsingar að liggja fyrir löngu fyrir fundi. Þurfti að vega og meta mig sem er með kjörbréf sem kjörinn borgarfulltrúi? Er það kannski bara geðþóttaákvörðun borgarstjórans hverju sinni hverjir eru vegnir og metnir? Ríkir hér jafnræði? Nei það ríkir ekki jafnræði hér í þessum sal. Hér hafa gögn legið fyrir, hér hafa sumir haft aðgengi að þessum gögnum og aðrir ekki,“ sagði Marta og fór fram á rannsókn á málinu þar sem þetta snérist að hennar nafni.

Mat Eyþórs var að engin hefð hafi myndast þar sem þetta hefur aldrei áður verið gert með þessum hætti. Örn Þórðarson, borgarfulltrúi Sjálfstæðisflokksins, ítrekaði síðan spurningar minnihlutans um hver það var sem lak umræddum upplýsingum. Þeirri spurningu var þó ekki svarað.

Kolbrún Baldursdóttir, oddviti og borgarfulltrúi Flokks fólksins, gagnrýndi meirihlutann fyrir að flissa á meðan minnihlutinn hélt ræður. „Er það þetta sem bíður [næstu fjögur ár] fliss, háð, spott, gjamm og inngrip?“

Lif bar fyrir sig að henni hefði borist nöfn til eyrna í einkasamtali og frammi á göngum, en vildi ekki upplýsa hver hefði sagt henni frá tilnefningu minnihlutans. Marta hafði uppi spurningu hvort Líf hefði vitað hvernig fulltrúar minnihlutans hafi ætlað að kjósa í leynilegri kosningu. Líf sagði þá að lítil ástæða væri fyrir því að halda að atkvæðagreiðslur væru leynilegar þar sem niðurstöðurnar hefðu verið 11 gegn 12 fyrr á fundinum.

Fundurinn hófst klukkan 14 og stendur enn.

mbl.is

Innlent »

Verklagi fylgt í máli sykursjúks drengs

18:16 Lögreglan á höfuðborgarsvæðinu segir að embætti héraðssaksóknara hafi í maí síðastliðnum ákveðið að hætta að rannsaka mál sem varðar meint ófagleg vinnubrögð lögreglu eftir að 17 ára piltur var færður á lögreglustöð eftir skóladansleik. Meira »

Skaðabætur eftir að skápur féll á hana

17:47 Héraðsdómur Reykjavíkur hefur dæmt Tryggingamiðstöðina til að greiða konu á fertugsaldri rúmar 18 milljónir króna eftir að hún slasaðist í vinnuslysi árið 2014. Meira »

Reynir Íslandsmeistari í skrafli

17:08 Reynir Hjálmarsson bar sigur úr býtum á Íslandsmótinu í skrafli sem fór fram í sjötta sinn um helgina. Gísli Ásgeirsson varð í öðru sæti og Hildur Lilliendahl Viggósdóttir í því þriðja. Meira »

Farið talsvert nærri stjórnarskránni

16:49 „Sífellt fleirum líður eins og að Evrópusambandið beri ekki þá virðingu fyrir tveggja stoða kerfinu og okkur finnst það eiga að gera. Það eru fleiri mál þar sem gengið hefur verið ansi langt gangvart framsalsheimildum okkar miðað við stjórnarskrá okkar.“ Meira »

Hjón fengu 4 milljóna skaðabætur

16:44 Héraðsdómur Reykjavíkur hefur dæmt íslenska ríkið til að greiða hjónum samtals fjórar milljónir króna í skaðabætur. Þau voru úrskurðuð fyrir tveimur árum í gæsluvarðahald grunuð um aðild að íkveikju á húðflúrsstofunni Immortal Art í Hafnarfirði. Meira »

Kampi fjárfestir í búnaði Skagans 3X

16:30 Rækjuverksmiðjan Kampi ehf. á Ísafirði hefur skrifað undir samning um kaup á karakerfi frá Skaganum 3X. „Reksturinn hjá Kampa ehf. hefur gengið vel undanfarna mánuði og góður stígandi hefur verið í vinnslunni.“ Meira »

Ekki búið að tilkynna fundinn

16:13 Hvorki utanríkisráðuneytinu né embætti ríkislögreglustjóra hefur borist formlegt erindi varðandi fund á líkum íslensku fjallgöngugarpanna, þeirra Kristins Rúnarssonar og Þorsteins Guðjónssonar, sem fundust nýlega á fjallinu Pumori í Nepal. Meira »

Katrín fundar með Merkel í Berlín

15:40 Katrín Jakobsdóttir forsætisráðherra tekur þátt í alþjóðlegri ráðstefnu um efnahagsmál á vegum Süddeutsche Zeitung í Berlín á morgun. Forsætisráðherra mun einnig eiga tvíhliða fund með Angelu Merkel, kanslara Þýskalands í Berlín. Meira »

Utanvegaakstur alvarlegt mál

15:29 Lögreglan á Suðurlandi tekur utanvegaakstur alvarlega og er að reyna að auka eftirlit og sýnileika í samvinnu við landverði og Umhverfisstofnun. Aðalvarðstjóri lögreglunnar á Höfn segir að mál manns sem spændi upp mosa í september sé væntanlegt á borð lögreglu. Meira »

Framlengja farbann í skútumáli

14:29 Héraðsdómur Vestfjarða féllst á kröfu lögreglunnar á Ísafirði um að framlengja farbann yfir manninum sem ákærður hefur verið fyrir að stela skútu úr höfninni á Ísafirði í síðasta mánuði og sigla henni í burtu. Meira »

Íslensk fyrirtæki á stærstu sýningu Asíu

13:01 Sex fyrirtæki frá Íslandi kynntu íslenskar sjávar- og eldisafurðir á sjávarútvegssýningunni í Qingdao í Kína, sem haldin var í lok síðustu viku. „Þetta er í 23. sinn sem sýningin er haldin. Fjöldi sýnenda og gesta hefur meira en tvöfaldast á undanförnum árum og er sýningin stærsta sinnar tegundar í Asíu með yfir 29.000 gesti og um 1.500 sýnendur,“ segir Berglind Steindórsdóttir, sýningarstjóri hjá Íslandsstofu. Meira »

Sæbraut opin fyrir umferð á ný

12:59 Búið er að opna á ný umferð um Sæ­braut í vesturátt frá Kringlu­mýr­ar­braut, að sögn lögreglunnar á höfuðborgarsvæðinu. Götunni var lokað um tíma nú í hádeginu í kjölfar al­var­legs um­ferðarslyss. Meira »

Vinnudagurinn styttri en talið var?

12:51 Miðað við nýbirt gögn frá Efnahags- og framfarastofnuninni (OECD) má draga þá ályktun að Ísland sé í hópi þeirra ríkja heimsins þar sem unninn er hvað stystur vinnudagur en ekki lengstur eins og gjarnan hefur verið gengið út frá hér á landi. Meira »

Förin sjáanleg í marga áratugi

12:49 „Þetta er viðvarandi vandamál,“ segir Andrés Arnalds, verkefnastjóri hjá Landgræðslu ríkisins. Úkraínskur ferðamaður spólaði um og spændi upp mosa á smájeppa sem hann leigði þegar hann var hér á landi í september. Meira »

Alvarlegt slys á Sæbraut

11:59 Búið er að loka Sæbraut í vesturátt frá Kringlumýrarbraut vegna alvarlegs umferðarslyss sem varð um kl. 11:30. Ekið var á gangandi vegfaranda. Meira »

Kvöddumst í íbúðinni okkar í London

11:56 „Þeir voru alveg óskaplega skemmtilegir félagar. Það var gaman að vera með þeim. Það var enginn heragi í kringum þessa menn, en þeir voru líka feikilega góðir fjallamenn,“ segir Magnús Tumi Guðmundsson, jarðeðlisfræðingur í samtali við mbl.is um þá Kristin Rúnarsson og Þorstein Guðjónsson. Meira »

Vill að lögregla breyti verklagsreglum

11:08 „Ég er ekki að eltast við peninga, ég er að eltast við réttlæti,“ segir Bergljót Davíðsdóttir blaðamaður. Hún telur mikilvægt að lögregla breyti verklagsreglum sínum. Fyrir ári síðan var 17 ára dóttursonur hennar handtekinn þegar hann sprautaði sig með insúlíni á skólaballi. Meira »

Banaslys á Borgarfjarðarbraut

11:05 Ökumaður bifreiðar sem valt á Borgarfjarðarbraut í gærkvöldi rétt norðan við Flókadalsá var úrskurðaður látinn skömmu eftir komu á slysadeild. Meira »

Spillivagninn ekur um borgina

11:04 Í síðustu viku byrjaði Spillivagninn að aka um götur borgarinnar og safna raftækjum og spilliefnum. Talið er að um 150 tonnum af spilliefnum og raftækjum hafi verið hent í ruslið með blönduðum úrgangi í fyrra og er verið að bregðast við því. Meira »