Leikurinn gegn Nígeríu á Volgograd Arena fór ekki á þann veg sem Íslendingar hefðu kosið. Margir á Twitter eru daprir vegna úrslitanna, en þó vitum við flest að enn er von og Íslandi gæti enn farið áfram úr D-riðlinum með sigri gegn Króatíu í Rostov á þriðjudaginn.
Þónokkrir minnast þó á að þessi leikur hafi verið eins og eitthvað nígeríusvindl og einhverjir vilja að Íslendingar hætti að selja skreið á Nígeríumarkað.
Dómarinn hefur trúað póstinum sem hann fékk frá nígerskum prinsi
— Eydís Blöndal (@eydisblondal) June 22, 2018
Skora á Magga Gylfa að selja ekki neina skreið til Nígeríu fram að næsta leik! #fyrirÍsland #hmruv #NigIsl #fotbolti
— Ómar Stefánsson (@OmarStef) June 22, 2018
Einar Ágúst söngvari tekur undir þetta.
Sendum aldrei skreið til Nígeríu aftur...
— Einar Ágúst (@einaragust) June 22, 2018
Nígeríska sambandið er það gott að ef þeir vinna ætla þeir að endurgreiða íslenskum stuðningsmönnum miðana á völlinn. Eina sem þú þarft að gera er að senda allar kortaupplýsingar og þá færðu allt endurgreitt.
— Rikki G (@RikkiGje) June 22, 2018
Úff, jæja. Orðagrín dagsins er fundið.
Nígería skreið yfir Íslendinga
— Katrín Guðmundsd (@zwambaa) June 22, 2018
Máni Pétursson útvarpsmaður vill að við minnum Króata á það fyrir leikinn að Ísland var með fyrstu ríkjunum til að viðurkenna Króatíu sem sjálfstætt ríki árið 1991.
Króatar búnir að vinna riðilinn. Spurning um að minna þá á að við gáfum þeim sjálfstæði. #fyririsland
— Máni Pétursson (@Manipeturs) June 22, 2018
Liverpool-maðurinn Einar Matthías kennir Everton um að Gylfi Sigurðsson hafi brennt af vítinu sem Alfreð Finnbogason sótti og VAR-mennin færðu okkur á 81. mínútu leiksins.
Aldrei aldrei aftur leyfa Íslendingum að ganga til liðs við Everton, kenni þeim réttilega 100% um. #hmruv
— Einar Matthías (@einarmatt) June 22, 2018
Berglind Festival Pétursdóttir segir að gæðum heimsins sé misskipt í dag.
ógeðslega ósanngjarnt að fólkið í nígeríu fái bæði gott veður OG vinni leikinn :(
— Berglind Festival (@ergblind) June 22, 2018
Brynjólfur spilaði með KFR og er vanur því að tapa en tap Íslands stingur samt fast.
Nú hef ég tapað hringinn í kringum landið, sem fyrrverandi leikmaður KFR, en það bjó mig samt ekki undir þetta. Þetta var mjög vont. #hmruv #fyririsland
— Brynjólfur (@bvitaminid) June 22, 2018
Til hvers að láta tapið koma í veg fyrir góða flugeldasýningu?
Nágranni minn var tilbúinn með flugelda til að sprengja eftir leikinn og ákvað að skjóta þeim upp þrátt fyrir allt. Hann fær verðlaun fyrir besta hugarfarið.
— Dagbjartur Gunnar (@dagbjartur) June 22, 2018
Steinþór Helgi virtist sáttur eftir leik í Volgograd, enda kominn í hinn ótrúlega smekklega búning nígerísku ofurarnanna.
Ég fékk allavega búning eftir leik... pic.twitter.com/vGn3BlDCnJ
— Steinþór Helgi (@StationHelgi) June 22, 2018