Ferjuð til byggða með þyrlu

Tveir þýskir ferðamenn, sem óskuðu eftir aðstoð björgunasveitar, eftir að hafa lent í sjálfheldu á Fimmvörðuhálsi, eru næstum komnir að sleðum sem bíða þeirra nyrst á hálsinum. Sleðarnir munu ferja þá að þyrlu Landhelgisgæslunnar sem tekur þá niður af fjallinu.

Björgunarsveitinni barst um klukkan fjögur í nótt boð um ferðamenn í sjálfheldu á Fimmvörðuhálsi en þeir voru blautir og hraktir og treystu sér ekki til að ganga lengra.

Frétt af mbl.is

Mjög hrakin og köld

„Við nutum aðstoðar þyrluveitar Landhelgisgæslunnar,“ segir Jón Hermannsson hjá Landsbjörg en þyrlan komst þó ekki á vettvang vegna veðurskilyrða og varð því að lenda í Básum. Björgunarfólk var sent úr tveimur áttum, sunnan frá og úr Þórsmörk og kom til fólksins á sjöunda tímanum. Eftir að hafa fengið þurr föt og næringu treystu ferðamennirnir sér til áframhaldandi göngu.

Jón á von á að aðgerðinni ljúki um hádegi.

• Blogga um frétt