Ráðgjafanefnd Landspítala skipuð

Kristín Ingólfsdóttir, fyrrverandi rektor Háskóla Íslands, gegnir formennsku í ráðgjafarnefnd Landspítalans sem Svandís Svavarsdóttir heilbrigðisráðherra hefur skipað til næstu fjögurra ára. Frá þessu er greint á vef velferðarráðuneytisins. 

Í nefndinni, sem er skipuð í samræmi við lög um heilbrigðisþjónustu, eru níu aðalmenn og jafnmargir til vara. Nefndin skal vera forstjóra og framkvæmdastjórn „til ráðgjafar og álits um þjónustu, starfsemi og rekstur spítalans . Skal nefndin m.a. fjalla um árlegar starfs- og fjárhagsáætlanir spítalans og langtímastefnu hans. Nefndin skal m.a. skipuð fulltrúum notenda þjónustu spítalans. Formaður skal í samráði við forstjóra boða til upplýsinga- og samráðsfunda eftir því sem þurfa þykir og eigi sjaldnar en tvisvar á ári,“ líkt og segir í 20. gr. laga um heilbrigðisþjónustu þar sem kveðið er á um hlutverk ráðgjafarnefndarinnar.

Tengsl spítalans við þjóðfélagið efld 

Heilbrigðisráðherra hefur sett nefndarmönnum í ráðgjafarnefnd Landspítala erindisbréf þar sem segir meðal annars að tilgangur með starfsemi nefndarinnar skuli vera að efla tengsl Landspítala við þjóðfélagið og möguleika notenda þjónustunnar til að hafa áhrif á starfsemi og þjónustu Landspítala. 

Nefndina skipa: 

Aðalmenn:

• Kristín Ingólfsdóttir, fyrrverandi rektor Háskóla Íslands, formaður
• Óskar Reykdalsson, lækningaforstjóri Heilsugæslu höfuðborgarsvæðisins, varaformaður
• Jón Kristjánsson, fyrrverandi heilbrigðisráðherra
• Álfheiður Ingadóttir, fyrrverandi heilbrigðisráðherra
• Þórunn Sveinbjörnsdóttir, formaður Landssambands eldri borgara
• Þuríður Harpa Sigurðardóttir, formaður Öryrkjabandalags Íslands
• Helga Jónsdóttir, framkvæmdastjóri BSRB
• Pétur Magnússon, forstjóri Hrafnistu
• Vilmundur Guðnason, prófessor og forstöðumaður Hjartaverndar

Varamenn:

• Hjalti Þór Vignisson, fyrrverandi sveitastjóri
• Sveinn Guðmundsson, formaður Hjartaheilla
• Vilhjálmur Hjálmarsson, formaður ADHD samtakanna
• Bryndís Snæbjörnsdóttir, formaður Þroskahjálpar
• Anna Stefánsdóttir, formaður Spítalans okkar
• Brynhildur Pétursdóttir, framkvæmdastjóri Neytendasamtakanna
• Reynir Tómas Geirsson, fyrrum prófessor og fæðingarlæknir
• Henny Hinz, hagfræðingur ASÍ
• Andri Snær Magnason, rithöfundur.

• Blogga um frétt