Katrín heiðursgestur vestra

Hjónin Shannon og Grant Stefanson með Katrínu Jakobsdóttur forsætisráðherra í …
Hjónin Shannon og Grant Stefanson með Katrínu Jakobsdóttur forsætisráðherra í Reykjavík.

Katrín Jakobsdóttir forsætisráðherra og Heather Alda Ireland, fyrrverandi ræðismaður Íslands í Vancouver, verða heiðursgestir á Íslendingadagshátíðinni á Gimli í Kanada í ár. Katrín verður einnig heiðursgestur á hátíð í Mountain í Norður-Dakóta í Bandaríkjunum um sömu helgi.

Viðburðurinn á Gimli er fjölmennasta hátíð Manitoba ár hvert, en undanfarin ár hafa um 50.000 manns heimsótt „höfuðstað“ Nýja-Íslands við Winnipegvatn um verslunarmannahelgina, þegar skemmtunin er.

Grant Stefanson, forseti Íslendingadagsnefndar, hélt aftur til Kanada síðastliðinn sunnudag eftir að hafa tekið þátt í opinberri dagskrá hátíðarhaldanna í Reykjavík 17. júní í boði stjórnvalda, kynnt hátíðina vestra fyrir ráðamönnum og spilað í golfmótinu Arctic Open á Akureyri. Hann segist meðal annars hafa átt ánægjulega fundi með Katrínu Jakobsdóttur forsætisráðherra og Guðna Th. Jóhannessyni forseta.

„Á fundinum með forsætisráðherra ræddum við meðal annars sögu landnáms Íslendinga í Norður-Ameríku og sérstaklega merkilega sögu Nýja-Íslands,“ segir Grant og bætir við að þau hafi m.a. farið yfir stöðuna í kanadískum stjórnmálum.

Sjá samtal við Grant Stefanson í heild á baksíðu Morgunblaðsins í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »