„Það er ómögulegt að átta sig á þessu,“ segir Ólafur Sigvaldason, formaður Veiðifélags Hítarár, um áhrif grjótskriðunnar sem féll úr Fagraskógarfjalli í nótt. Um miklar hamfarir er að ræða þar sem nokkur hundruð metra breið skriðan dreifir úr sér yfir dalinn og Hítará.

Frétt af mbl.is

Skriðan stíflar Hítará

Ólafur var á leið sinni að ánni þegar blaðamaður náði af honum tali. Hann segir ekki hægt að meta það tjón sem á ánni verður af skriðunni sem stendur þar til kemur í ljós hvaða leið áin brýtur sér þaðan sem hún stíflast af skriðunni.

Hann segir það ljóst að skriðan muni hafa einhver áhrif á veiði við Hítará en hve mikil sé enn órætt. Ljóst er að nokkrir kílómetrar af ánni komi til með að þorna upp en ekki er víst að miklar breytingar verði á ánni neðarlega þar sem helstu veiðistaðir árinnar eru. „Ég veit ekki hvað ég á að halda. Þetta verður bara að koma í ljós.“

Þá segir Ólafur að berghlaup séu það umfangsmiklar náttúruhamfarir að ekkert sé hægt að gera nema bíða og vona að málin þróist á besta veg.

Hítará er ein af vinsælli og betri veiðiám á Vesturlandi og veiðin í henni góð, en veitt er á sex stangir í henni.

Tengdar fréttir

Grjótskriða í Hítardal

Náttúruöflin áþreifanleg í Hítardal

• Gætu verið ár í að klöppin hrynji
• Stór sprunga í skriðusárinu
• Enn ekki tímabært að meta skaðann
• Svæðið á hreyfingu fyrir skriðu

» Fleiri tengdar fréttir

• Blogga um frétt