Sérfræðingar Veðurstofu Íslands eru á leið að Fagraskógarfjalli við Hítardal þar sem stór grjótskriða féll í morgun. Sérfæðingur ofanflóðadeildar sagði í samtali við mbl.is að orsakir skriðunnar væru óþekktar og að Veðurstofa hefði enn afar takmarkaðar upplýsingar um málið.
Áætla má að sérfræðingar Veðurstofu verði að störfum á svæðinu í dag og næstu daga.
Finnbogi Leifsson, bóndi í Hítardal, greindi frá skriðunni á Facebook-síðu sinni í morgun. Í umfjöllun Skessuhorns segir að skriðan hafi stíflað ána. Lón hefur myndast einn kílómetra inn með ánni.