Eldurinn breiddi úr sér á örfáum mínútum

Sæborg NS, báturinn sem sökk á Héraðsflóa í gær.
Sæborg NS, báturinn sem sökk á Héraðsflóa í gær. Ljósmynd/Aðsend

Jón Svansson, eigandi bátsins Sæborgar NS sem sökk í gær á Héraðsflóa, segist telja að hann hafi gert allt rétt í þeim aðstæðum sem upp komu. Eldur kviknaði í vélarrúminu sem myndaði eitraðan reykjarmökk og breiddi hann úr sér um allan bátinn á nokkrum mínútum. Því var tíminn skammur fyrir Jón, en hann náði að forða sér frá borði og yfir í björgunarbát þaðan sem Landhelgisgæslan sótti hann á þyrlu og varð honum því ekki meint af.

Jón, sem verður sextugur á árinu og er með áratuga reynslu af sjómennsku, sagðist í samtali við mbl.is eiga tvo báta sem hann gerir út, með þeim sem sökk. Sæborgu NS hafði Jón aðallega notað í hákarlaveiði og var einmitt í þeim erindagjörðum þegar atvikið átti sér stað í gær. Þegar blaðamaður náði tali af Jóni var hann á leið í slökunarferð út í sveit. 

Jón Svansson. Myndin er tekin árið 2008 í Taílandi.
Jón Svansson. Myndin er tekin árið 2008 í Taílandi. Ljósmynd/Aðsend

Fann lykt sem gaf honum vísbendingu

„Ég var á leiðinni að taka upp hákarlalínur. Ég var búinn að sigla þarna í tvo og hálfan tíma og var kominn einhverjar tíu mílur norð-austur af Bjarnarey. Þá fór ég að finna lykt sem mér þótti vera vísbending um að olíuúði væri kominn í vélarrúmið. Vélin fer þá að drekka það í gegn um sig. Þegar ég kem út úr stýrishúsi þá er byrjað að rjúka út úr loftinntæki stjórnborðsmegin á bátnum,“ segir Jón, en hann segist ekki hafa orðið var við bilun í bátnum áður en atvikið átti sér stað.

Jón reyndi að skrúfa frá kolsýruslökkvibúnaði bátsins þegar hann sá reykinn en honum þótti það duga skammt. Á örfáum mínútum fylltist stýrishús bátsins af eitruðum reyk svo tíminn var naumur fyrir Jón. „Það var ekkert annað að gera, með eld frammi í bátnum, en að koma björgunarbátnum í sjóinn strax. Hlutirnir breyttust þegar ég sá hann blásast upp. Þá sá ég útgöngu út úr þessum aðstæðum. Það var ekki eftir neinu að bíða.“

Jón segir að hræðsla hafi ekki gert vart við sig ...
Jón segir að hræðsla hafi ekki gert vart við sig hjá honum þegar atvikið átti sér stað. Ljósmynd/Aðsend

Logaði nánast endanna á milli

Jón komst sjálfur út í björgunarbátinn og var því kominn frá brennandi bátnum þegar hann sendi út neyðarboð til landhelgisgæslunnar, en happ var að þyrla Landhelgisgæslunnar var skammt frá við ísbjarnarleit á Melrakkasléttu og send til hans þegar í stað. Hann segir ekki nema tíu mínútur hafa liðið frá því hann komst úr bátnum þar til hann var farinn að loga nánast endanna á milli. „Þetta gerðist alveg ofboðslega hratt.“

Aðspurður hvað hafi flogið gegn um huga hans á meðan á atvikinu stóð segir Jón að engin hræðsla hafi gert vart við sig hjá honum á þessari stundu. „Ég er svo lausnamiðaður að við svona aðstæður þá verð ég ekki hræddur. Það er fyrsta atriðið, þú mátt ekki verða hræddur, því þá gerir þú vitleysur. Ég er búinn að lenda í ýmsu í gegn um ævina og þetta hefur virkað vel. [...] Það sem flaug í gegn um hugann hjá mér var að koma björgunarbátnum strax í sjóinn og taka hann fram fyrir allar aðgerðir,“ segir Jón, en vegna þess skamma tíma sem hann hafði tók hann þá ákvörðun að sækja ekki flotgalla eða annan búnað þar sem stýrishúsið hafði þá þegar fyllst af reyk.  

„Ég hefði getað tekið upp á því að stökkva inn í reykinn til þess að ná mér í flotgalla í einhverjum vitleysisgangi. Þá hefði ég kannski verið búinn að anda reyknum að mér, reykurinn í þessu er eins eitraður og hann getur verið,“ segir Jón, en hann hefur farið á skyldubundin öryggisnámskeið hjá Slysavarnaskóla sjómanna sem hann telur hafa komið að góðum notum.

Jón gerir hér að hákarli sem hann veiddi á bát ...
Jón gerir hér að hákarli sem hann veiddi á bát sínum sem sökk í gær. Ljósmynd/Aðsend

Aðstandendur fegnir

Sæborg NS maraði í hálfu kafi þegar Landhelgisgæslan sótti Jón með þyrlu, um hálftíma eftir að hann náði að senda út neyðarboðið, en báturinn sökk endanlega snemma í gærkvöldi. Jón er hins vegar vel tryggður og býst ekki við öðru en að fá tjónið bætt.

Jón segir allt hafa gengið vel fyrir sig eftir að þyrla Landhelgisgæslunnar kom. Hann taldi sig ekki þurfa á læknisaðstoð að halda, enda hafi hann ekki andað reyknum að sér. Jón segir þó að hans nánustu séu fegnir því að ekki hafi farið verr. „Jú, þetta var svolítið krítískt ástand á tímabili.“

mbl.is

Innlent »

Athugull gaffall og snjall diskur

Í gær, 22:49 Eldhúsið eins og við þekkjum það í dag verður hugsanlega safngripur eftir einhver ár. Það verður ekki lengur fyrst og fremst herbergið þar sem við eldum matinn, heldur stjórnstöð þar sem við gefum tækjum og áhöldum skipanir. Meira »

Forsætisráðherra heimsótti Hæstarétt

Í gær, 21:35 Katrín Jak­obs­dótt­ir for­sæt­is­ráðherra heimsótti Hæstarétt í dag og kynnti sér starfsemi réttarins. Er þetta í fyrsta skipti sem forsætisráðherra heimsækir réttinn í þessum tilgangi. Meira »

Fjölskyldur frændanna tengjast á ný

Í gær, 21:19 Ráðning Vilhelms Más Þorsteinssonar í starf forstjóra Eimskips, sem tilkynnt var um í gær, þýðir að fjölskyldur náfrændanna Þorsteins Más Baldvinssonar hjá Samherja og Þorsteins Vilhelmssonar, athafnamanns og föður nýs forstjóra, tengjast á ný á viðskiptasviðinu. Meira »

Þreyttir á bið eftir áhættumati

Í gær, 20:56 Hundaræktarfélag Íslands krefur Kristján Þór Júlíusson, sjávar- og landbúnaðarráðherra, um svör vegna frestun á birtingu nýs áhættumats á innflutningi gæludýra til Íslands. Upphaflega var gert ráð fyrir að áhættumatið yrði tilbúið í apríl 2018, en matið hefur enn ekki litið dagsins ljós. Meira »

Vilja lækka hámarkshraða við Hringbraut

Í gær, 20:44 Skoðað verður að lækka hámarkshraða við Hringbraut úr 50 km/klst. niður í 40 km/klst., bæta lýsingu við gangbrautir og bæta stýringu umferðarljósa. Þetta voru tillögur sem fulltrúar Vegagerðarinnar komu með á fund umhverfis- og samgöngunefndar Alþingis. Meira »

„Hefði getað farið illa“

Í gær, 20:19 Björgunarsveitin Skagfirðingasveit fékk á þriðjudaginn útkall um að vélsleðamaður hefði fallið í gegnum vök. Nokkrum mínútum síðar var útkallið afturkallað eftir að maðurinn komst upp að sjálfsdáðum. Síðar um daginn tóku tíu meðlimir sveitarinnar þátt í að draga vélsleðann upp. Meira »

Draumurinn að fylgja strákunum alla leið

Í gær, 20:19 „Þetta er æðislegt móment,“ sagði Benja­mín Hall­björns­son, betur þekktur sem Benni Bongó, syngjandi sæll og glaður þegar blaðamaður mbl.is náði tali af honum símleiðis eftir sigurinn gegn Makedóníu. „Þetta var geggjuð upplifun og frábær stemning og gaman að sjá liðið svona vel peppað.“ Meira »

Tveggja herbergja íbúðir á 14-16 milljónir

Í gær, 19:29 Fyrirtækið Pró hús ehf. ætlar að byggja 15 íbúða fjölbýlishús í Þorlákshöfn að Sambyggð 14a. Framkvæmdir hefjast í apríl og stefnt er á að afhenda íbúðirnar í júlí/ágúst 2019. Í fréttatilkynningu kemur fram að íbúðirnar verði ódýrar. Meira »

Þrjóskur með sterkan lífsvilja

Í gær, 19:20 Það hlýtur að vera sterkur lífsvilji, þrjóska eða þá að það er seigt í mér, ég veit það ekki,“ segir Tryggvi Ingólfsson, 69 ára gamall Rangæingur. Meira »

100 milljóna uppgröftur á eigin kostnað

Í gær, 18:52 Eigandi lóðar í Leirvogstungu í Mosfellsbæ hefur krafist þess að bæjaryfirvöld og Minjastofnun Íslands hefji uppgröft eftir fornleifum á lóðinni hið fyrsta á þeirra kostnað. Einnig krefst hann þess að Mosfellsbær og Minjastofnun viðurkenni bótaskyldu vegna tjóns. Meira »

Álagningin lækkar á kjörtímabilinu

Í gær, 18:34 Ákvæði laga kveða skýrt á um heimild og fyrirkomulag álagningar fasteignaskatta og hvernig reikna skuli stofn álagningar fasteignagjalda, samkvæmt umsögn fjármálastjóra og borgarlögmanns Reykjavíkurborgar um erindi Félags atvinnurekenda (FA) til borgarinnar. Meira »

Veikburða og óskilvirkt eftirlit

Í gær, 18:25 „Á grundvelli þeirra gagna og upplýsinga sem Ríkisendurskoðun aflaði er ljóst að eftirlit Fiskistofu með vigtun sjávarafla […] er takmarkað og efast má um að það skili tilætluðum árangri,“ er meðal þess sem kemur fram í stjórnsýsluúttekt Ríkisendurskoðunar á Fiskistofu. Meira »

Fá sömu móttöku við komuna til landsins

Í gær, 17:58 Ríkisstjórnin hefur samþykkt tillögur Ásmundar Einars Daðasonar, félags- og barnamálaráðherra, þess efnis að ekki skipti lengur máli hvort flóttafólk komi hingað til lands sem umsækjendur um alþjóðlega vernd eða í boði stjórnvalda. Móttökur yfirvalda verða þær sömu. Meira »

Sindri skipulagði innbrotin frá A-Ö

Í gær, 17:35 Niðurstaða Héraðsdóms Reykjaness í gagnaversmálinu er sú að Sindri Þór Stefánsson hafi verið höfuðpaurinn og skipulagt öll innbrotin. Hann hafi fengið aðra ákærða til liðs við sig vegna málsins en ákæruvaldið telur að skýringar Sindra, þess efnis að einhver erlendur fjárfestir sem hann óttist hafi lagt á ráðin með honum um „að ræna þetta lið“, sé fjarstæða og uppspuni. Meira »

Tölvupóstum vegna braggamálsins var eytt

Í gær, 17:13 Innri endurskoðandi Reykjavíkurborgar staðfestir að tölvupóstum í tengslum við braggamálið hafi verið eytt en að það beri að varast að túlka það svo að tölvupóstum hafi verið eytt í annarlegum tilgangi. Þetta er meðal þess sem kemur fram í minnisblaði Halls Símonarsonar, innri endurskoðanda Reykjavíkurborgar, sem dagsett er í dag. Meira »

Tæpri 61 milljón úthlutað í styrki

Í gær, 16:51 Úthlutun styrkja menningar, íþrótta- og tómstundaráðs og útnefning Listhóps Reykjavíkur 2019 fór fram í Iðnó í dag. Menningar-, íþrótta- og tómstundaráð hafði 60.888.000 kr. til úthlutunar til styrkja á sviði menningarmála árið 2019 og veitti vilyrði fyrir 75 styrkjum og samstarfssamningum fyrir þá upphæð. En fyrir eru 23 hópar með eldri samninga í gildi. Meira »

Ekki vitað hve margir fá endurgreitt

Í gær, 16:39 Enn er ekki ljóst hversu margir gætu átt rétt á leiðréttingu greiðslna frá Tryggingastofnun vegna ágalla í útreikningi örorkulífeyris þeirra sem hafa búið hluta ævinnar erlendis. Halldóra Mogensen, formaður nefndarinnar, segir í samtali við mbl.is þetta meðal þess sem kom fram á fundi nefndarinnar. Meira »

Málskotsbeiðni lögreglumanns hafnað

Í gær, 16:19 Hæstiréttur hefur hafnað áfrýjunarbeiðni lögreglumannsins Jens Gunnarssonar, sem var dæmdur í 15 mánaða fangelsi í Landsrétti í lok nóvember. Landsréttur staðfesti þar með dóm Héraðsdóms Reykjavíkur frá því í apríl 2017. Meira »

Lögreglan lýsir eftir Toyota Corolla

Í gær, 15:53 Lögreglan á höfuðborgarsvæðinu lýsir eftir rauðri Toyota Corolla með skráningarnúmerið NN568, árgerð 2003, sem var stolið á Rauðarárstíg í Reykjavík síðdegis í gær. Meira »
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...
Baðtæki til sölu
Til sölu nýleg baðtæki, lítið notuð. Baðskápur með handlaug og blöndunartæki 10....
Bækur til sölu..
Tl sölu bækur..Vestur íslenskar æviskrár 1-5 bindi..Hraunkotsætt.. Lygn sreymir...
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...