Katrín Jakobsdóttir, forsætisráðherra, mætti í morgun á leiðtogafund NATO ásamt Guðlaugi Þór Þórðarsyni, utanríkisráðherra. Fundurinn er haldinn í nýjum höfuðstöðvum bandalagsins í Brussel í Belgíu og lýkur honum síðdegis á morgun.
Gert er ráð fyrir meðal helstu umræðuefna fundarins verði framlög aðildarríkjanna til varnar- og öryggismála, en fá ríki uppfylla kröfu NATO um að fjármunum sem tilsvarar 2% af þjóðarframleiðslu sé varið til málaflokksins.
Donald Trump, forseti Bandaríkjanna, var fyrstur á staðinn og tók Jens Stoltenberg, framkvæmdastjóri NATO, við honum. Trump hefur ítrekað sagt að hann telji önnur NATO-ríki þurfi að auka útgjöld sín til málaflokksins til þess að tryggja réttlátari dreifingu fjárhagslegra byrða.