Telur hvalinn vera steypireyði

Adam A. Peck telur að hvalurinn sem veiddist aðfaranótt sunnudags ...
Adam A. Peck telur að hvalurinn sem veiddist aðfaranótt sunnudags sé steypireyður frekar en blendingshvalur. Ljósmynd/Hard To Port

Adam A. Peck, líffræðiprófessor við Háskólann á Hawaii, segist í samtali við CNN telja að hvalurinn sem veiðimenn Hvals hf. veiddu aðfaranótt sunnudags sé steypireyður en ekki blendingshvalur, það er afkvæmi langreyðar og steypireyðar.

Á vef CNN kemur fram að tilgátur um að hvalurinn sé blendingur hafi verið á kreiki en að Peck taki ekki undir þær þar sem flest útlitseinkenni hvalsins að hans mati svipi til steypireyðar. Tekið er fram í fréttinni að Peck byggi mat sitt á myndum sem hann hafi séð af hræi dýrsins.

Gísli Arnór Víkingsson, sjávarlíffræðingur hjá Hafrannsóknarstofnun, telur þó enn að um blendingshval sé að ræða þó að ekki verði úr því skorið fyrr en DNA-sýni úr hvalnum hefur verið rannsakað. Þá bendir Gísli á að þó að hvalurinn hafi mörg einkenni steypireyðar sé hann frekar líkur þeim blendingshvölum sem landað hefur verið hérlendis áður. Einnig beri hvalurinn ákveðin einkenni langreyðar.

Uppgötvað á níunda áratugnum

Afkvæmi steypireyðar og langreyðar var fyrst uppgötvað við Íslandsstrendur á níunda áratug síðustu aldar. Gísli segir það því mögulegt að Peck hafi ekki séð slíkan blending áður og haldi þar af leiðandi að um steypireyði sé að ræða.

Veiðar á steypireyðum eru ólöglegar við Íslandsstrendur sem og annars staðar. Einungis veiðar á hrefnum og langreyðum eru leyfilegar við Ísland. Gísli segir veiðar á blendingshvölum þó ekki vera ólöglegar þar sem ekki sé um raunverulega hvalstegund að ræða. „Blendingar eru ekki tegund og eru hvergi í lögum. Þetta eru bara frávik í náttúrunni.“

Gísli segir það vera möguleika að DNA-sýni hvalsins komist fyrr til rannsóknar en með sýnum annarra veiddra hvala í haust. Hann segir það þó eiga eftir að koma í ljós og þá einnig hvenær hægt verði að koma rannsókninni af stað. Þá vonar Gísli að þetta skýrist betur í næstu viku.

mbl.is

Innlent »

Fólk sem þráir frið og framtíð

18:38 „Þótt við mannfólkið séum ólík að mörgu leyti svipar grunngildunum okkar alltaf saman. Öll viljum við geta búið í friðsömu landi þar sem mannréttindi eru virt og þar séu allar nauðsynjar sem við þurfum til að lifa. Með sögunni minni langar mig að við, Íslendingar, finnum samkennd með flóttafólki og berum virðingu fyrir því hvað þau hafa lagt á sig til að reyna að öðlast betra líf og gefum þeim séns, tökum vel á móti þeim.“ Meira »

Verklagi fylgt í máli sykursjúks drengs

18:16 Lögreglan á höfuðborgarsvæðinu segir að embætti héraðssaksóknara hafi í maí síðastliðnum ákveðið að hætta að rannsaka mál sem varðar meint ófagleg vinnubrögð lögreglu eftir að 17 ára piltur var færður á lögreglustöð eftir skóladansleik. Meira »

Skaðabætur eftir að skápur féll á hana

17:47 Héraðsdómur Reykjavíkur hefur dæmt Tryggingamiðstöðina til að greiða konu á fertugsaldri rúmar 18 milljónir króna eftir að hún slasaðist í vinnuslysi árið 2014. Meira »

Reynir Íslandsmeistari í skrafli

17:08 Reynir Hjálmarsson bar sigur úr býtum á Íslandsmótinu í skrafli sem fór fram í sjötta sinn um helgina. Gísli Ásgeirsson varð í öðru sæti og Hildur Lilliendahl Viggósdóttir í því þriðja. Meira »

Farið talsvert nærri stjórnarskránni

16:49 „Sífellt fleirum líður eins og að Evrópusambandið beri ekki þá virðingu fyrir tveggja stoða kerfinu og okkur finnst það eiga að gera. Það eru fleiri mál þar sem gengið hefur verið ansi langt gangvart framsalsheimildum okkar miðað við stjórnarskrá okkar.“ Meira »

Hjón fengu 4 milljóna skaðabætur

16:44 Héraðsdómur Reykjavíkur hefur dæmt íslenska ríkið til að greiða hjónum samtals fjórar milljónir króna í skaðabætur. Þau voru úrskurðuð fyrir tveimur árum í gæsluvarðahald grunuð um aðild að íkveikju á húðflúrsstofunni Immortal Art í Hafnarfirði. Meira »

Kampi fjárfestir í búnaði Skagans 3X

16:30 Rækjuverksmiðjan Kampi ehf. á Ísafirði hefur skrifað undir samning um kaup á karakerfi frá Skaganum 3X. „Reksturinn hjá Kampa ehf. hefur gengið vel undanfarna mánuði og góður stígandi hefur verið í vinnslunni.“ Meira »

Ekki búið að tilkynna fundinn

16:13 Hvorki utanríkisráðuneytinu né embætti ríkislögreglustjóra hefur borist formlegt erindi varðandi fund á líkum íslensku fjallgöngugarpanna, þeirra Kristins Rúnarssonar og Þorsteins Guðjónssonar, sem fundust nýlega á fjallinu Pumori í Nepal. Meira »

Katrín fundar með Merkel í Berlín

15:40 Katrín Jakobsdóttir forsætisráðherra tekur þátt í alþjóðlegri ráðstefnu um efnahagsmál á vegum Süddeutsche Zeitung í Berlín á morgun. Forsætisráðherra mun einnig eiga tvíhliða fund með Angelu Merkel, kanslara Þýskalands í Berlín. Meira »

Utanvegaakstur alvarlegt mál

15:29 Lögreglan á Suðurlandi tekur utanvegaakstur alvarlega og er að reyna að auka eftirlit og sýnileika í samvinnu við landverði og Umhverfisstofnun. Aðalvarðstjóri lögreglunnar á Höfn segir að mál manns sem spændi upp mosa í september sé væntanlegt á borð lögreglu. Meira »

Framlengja farbann í skútumáli

14:29 Héraðsdómur Vestfjarða féllst á kröfu lögreglunnar á Ísafirði um að framlengja farbann yfir manninum sem ákærður hefur verið fyrir að stela skútu úr höfninni á Ísafirði í síðasta mánuði og sigla henni í burtu. Meira »

Íslensk fyrirtæki á stærstu sýningu Asíu

13:01 Sex fyrirtæki frá Íslandi kynntu íslenskar sjávar- og eldisafurðir á sjávarútvegssýningunni í Qingdao í Kína, sem haldin var í lok síðustu viku. „Þetta er í 23. sinn sem sýningin er haldin. Fjöldi sýnenda og gesta hefur meira en tvöfaldast á undanförnum árum og er sýningin stærsta sinnar tegundar í Asíu með yfir 29.000 gesti og um 1.500 sýnendur,“ segir Berglind Steindórsdóttir, sýningarstjóri hjá Íslandsstofu. Meira »

Sæbraut opin fyrir umferð á ný

12:59 Búið er að opna á ný umferð um Sæ­braut í vesturátt frá Kringlu­mýr­ar­braut, að sögn lögreglunnar á höfuðborgarsvæðinu. Götunni var lokað um tíma nú í hádeginu í kjölfar al­var­legs um­ferðarslyss. Meira »

Vinnudagurinn styttri en talið var?

12:51 Miðað við nýbirt gögn frá Efnahags- og framfarastofnuninni (OECD) má draga þá ályktun að Ísland sé í hópi þeirra ríkja heimsins þar sem unninn er hvað stystur vinnudagur en ekki lengstur eins og gjarnan hefur verið gengið út frá hér á landi. Meira »

Förin sjáanleg í marga áratugi

12:49 „Þetta er viðvarandi vandamál,“ segir Andrés Arnalds, verkefnastjóri hjá Landgræðslu ríkisins. Úkraínskur ferðamaður spólaði um og spændi upp mosa á smájeppa sem hann leigði þegar hann var hér á landi í september. Meira »

Alvarlegt slys á Sæbraut

11:59 Búið er að loka Sæbraut í vesturátt frá Kringlumýrarbraut vegna alvarlegs umferðarslyss sem varð um kl. 11:30. Ekið var á gangandi vegfaranda. Meira »

Kvöddumst í íbúðinni okkar í London

11:56 „Þeir voru alveg óskaplega skemmtilegir félagar. Það var gaman að vera með þeim. Það var enginn heragi í kringum þessa menn, en þeir voru líka feikilega góðir fjallamenn,“ segir Magnús Tumi Guðmundsson, jarðeðlisfræðingur í samtali við mbl.is um þá Kristin Rúnarsson og Þorstein Guðjónsson. Meira »

Vill að lögregla breyti verklagsreglum

11:08 „Ég er ekki að eltast við peninga, ég er að eltast við réttlæti,“ segir Bergljót Davíðsdóttir blaðamaður. Hún telur mikilvægt að lögregla breyti verklagsreglum sínum. Fyrir ári síðan var 17 ára dóttursonur hennar handtekinn þegar hann sprautaði sig með insúlíni á skólaballi. Meira »

Banaslys á Borgarfjarðarbraut

11:05 Ökumaður bifreiðar sem valt á Borgarfjarðarbraut í gærkvöldi rétt norðan við Flókadalsá var úrskurðaður látinn skömmu eftir komu á slysadeild. Meira »