Handtóku óvelkominn mann

Íbúi í austurhluta Reykjavíkur óskaði aðstoðar lögreglunnar á höfuðborgarsvæðinu seint í gærkvöldi vegna manna sem væru óvelkomnir í húsinu hans.

Einn maður var handtekinn vegna málsins og vistaður í fangaklefa.  Hann er grunaður um líkamsárás og eignaspjöll.

Í gærkvöldi barst lögreglunni einnig tilkynning vegna slagsmála í Kópavogi. Tveir menn voru handteknir vegna málsins og eru þeir vistaðir í fangaklefa. Lögreglan hafði í morgun ekki upplýsingar um meiðsl mannsins sem ráðist var á.

Um klukkan hálftíu í gærkvöldi var bifreið stöðvuð í Árbæ en lögreglumenn veittu því athygli að ökumaður bifreiðarinnar var að notast við farsíma án handfrjáls búnaðar. Í viðræðum við ökumanninn vaknaði grunur um að hann væri undir áhrifum fíkniefna og var hann því handtekinn vegna gruns um akstur undir áhrifum fíkniefna. Hann var laus að lokinni sýnatöku.

• Blogga um frétt