Á von á því að ljósmæður samþykki miðlunartillöguna

Katrín Sif Sigurgeirsdóttir, formaður samninganefndar ljósmæðra.
Katrín Sif Sigurgeirsdóttir, formaður samninganefndar ljósmæðra. mbl.is/Hari

„Ég á frekar von á því að ljósmæður samþykki miðlunartillöguna,“ segir Katrín Sif Sigurgeirsdóttir, formaður samninganefndar ljósmæðra í kjaradeilunni við ríkið. Hún er nú stödd ásamt öðrum úr nefndinni á fundi á Akureyri þar sem tillagan er kynnt. Í kvöld verður haldinn sambærilegur fundur í Reykjavík. Hún segir samninganefndina kynna tillögunina hlutlaust en treysta á það að „konur taki upplýsta ákvörðun“.

Samninganefndir ljósmæðra og ríkisins samþykktu miðlunartillögu ríkissáttasemjara á fundi í gærkvöldi. Í kjölfarið var yfirvinnuverkfalli ljósmæðra aflýst.

Tillagan felur í sér að sérstökum gerðardómi verði falið að kveða upp úr um það hvort að launasetning stéttarinnar sé í samræmi við álag, menntun og inntak starfs ljósmæðra og að hvaða leyti þessir þættir eigi að hafa áhrif á launin. Þá felur hún í sér í grundvallaratriðum sambærilegar hækkanir og samningur aðila frá 29. maí, sem ljósmæður felldu í júní, kvað á um.

Sambærilegt fyrir utan innlegg Landspítala

Þetta er að þessu leyti sambærilegt við þá miðlunartillögu sem ljósmæður féllust ekki á í síðustu viku. Úrslita áhrif hafði hins vegar yfirlýsing frá stjórn Landspítalans um að hún muni endurskoða og endurmeta starfslýsingar og ábyrgð ljósmæðra og taka inn í þá vinnu jafnlaunavottun sem átti eftir að meta til tekna.

Það sem uppá vantaði

Fundur Katrínar með ljósmæðrum á Akureyri var nýbyrjaður er mbl.is náði tali af henni í morgun. Hún sagðist því ekki geta lagt mat á hvernig hljóðið væri í þeirra hópi eftir að sátt náðist um miðlunartillöguna hjá samninganefndunum í gær. 

„[Innleggið frá Landspítalanum] var í raun það sem uppá vantaði,“ segir Katrín um miðlunartillöguna. „Við erum búnar að funda víða og með mörgum síðustu daga. Þar á meðal landlækni og forstjóra spítalans. Við óskuðum svo eftir [samninga]fundi. Við vorum búnar að tala um það að við gætum ekki tekið þessari miðlunartillögu nema að fleira kæmi til. Og þar sem að ljóst var að það ætluðu fleiri að koma að við að leysa deiluna þá gátum við boðað til fundar á ný og sæst á þessa tillögu,“ segir hún.

Þið gagnrýnduð það í síðustu viku að með gerðardómi væri umboðið farið úr ykkar höndum. Finnst ykkur sum sé þetta vera það mikil breyting, þetta innlegg spítalans, að þið hafið ekki áhyggjur af því lengur?

„Vði höfðum ekki beint áhyggjur af því, okkur fannst miðlunartillagan í síðustu viku einfaldlega ekki nóg ein og sér. Það var ekki nóg að það kæmi ekki inn í raun nein hækkun á grunnlaunum, að það færi bara allt í gerðardóm upp á von og óvon. Það yrði að koma meira til og svo treystum við á það að gerðardómur fari yfir þetta mjög faglega. Og við vitum að við eigum helling inni [umfram samninginn frá í maí] og við treystum á að það komi með gerðardómi.“

Munu bíða þar til niðurstaða fæst

Katrín segir ljóst að það muni taka einhvern tíma fyrir starfsemi á sjúkrahúsum að fara í samt horf og áður, þrátt fyrir að yfirvinnubanni hafi nú verið aflétt. Fjöldi ljósmæðra hefur sagt upp störfum síðustu vikur og mánuði. „Það vantar mikið af starfsfólki svo þetta mun taka tíma. En það er léttir vissulega að einhverju leyti að yfirvinnubanni hefur verið aflétt. En það er skarð, það vantar ansi margar ljósmæður svo þetta geti orðið með eðlilegum hætti.“

Hún segist ekki hafa heyrt af ljósmæðrum sem hafi dregið uppsagnir sínar til baka. „Enda hugsa ég að það taki enginn ákvörðun um það fyrr en að heyra fyrst hvað er í boði.“

Hún segir að kosning félagsmanna um miðlunartillöguna muni taka stuttan tíma. Hún verður rafræn og hefst á morgun og skal vera lokið upp úr hádegi á miðvikudag. „Ég held að það dragi enginn [uppsagnir] til baka fyrr en að niðurstaðan er í höfn.“

Á von á spennufalli

Katrín sagði sjálf upp starfi sínu sem ljósmóðir á Heilbrigðisstofnun Suðurnesja og tekur sú uppsögn gildi 1. september. „Ég er á báðum áttum hvort að ég snúi til baka. Ég hef sótt um annars staðar og ætla að sjá hvað setur.“

„Ég er nú bara rúmlega hálfnuð með sumarfríið mitt,“ segir Katrín hlæjandi, spurð hvað taki við hjá henni á miðvikudag, eftir mikla keyrslu síðustu vikur og mánuði. „Ég var einmitt að hugsa þetta áður en ég fór að sofa í gær, ætli það komi ekki rosalegt spennufall. Þetta hefur átt hug manns allan nótt sem nýtan dag í svo langan tíma. Ætli ég fari ekki að sinna börnunum mínum betur.“

mbl.is

Innlent »

Bjarni Benediktsson mætir á Þingvelli

08:30 Störfum Alþingis var frestað nú á föstudaginn eftir að hafa lokið afgreiðslu fjölmargra mála nú í desember, meðal annars fjárlaga. Bjarni Benediktsson fjármálaráðherra mætir í þjóðmálaþáttinn Þingvelli í dag. Meira »

Enn ein lægðin gengur yfir á morgun

08:22 Á morgun kemur enn ein lægðin upp að landinu með vaxandi vindi þar sem búast má við 15-23 m/s víða um land og allt að 28 m/s um tíma syðst á landinu auk hvassari hviða. Þetta kemur fram í hugleiðingum veðurfræðings á Veðurstofunni. Meira »

Greiðfært en hálka víða

07:43 Víðast er vel greiðfært á landinu, en hálku og hálkubletti má finna víða. Hellisheiði er til að mynda orðin auð, en hálka er á Mosfellsheiði, Kjósarskarði og hálkublettir í Þrengslum. Þá er hálka á Holtavörðuheiði og hálkublettir á Snæfellsnesi og Bröttubrekku. Meira »

Eldur í jólaskreytingu í Borgartúni

07:12 Eldur kom upp í jólaskreytingu í skrifstofuhúsnæði í Borgartúni í Reykjavík rétt fyrir miðnætti. Slökkvilið höfuðborgarsvæðisins var kallað á vettvang, en eldurinn var minniháttar og hafði verið slökktur þegar slökkviliðið kom á staðinn. Meira »

Róa áfram inn í nóttina

Í gær, 22:15 Slökkviliðs- og sjúkraflutningamennirnir sjö sem hófu síðdegis í gær vikulangan róður í verslun Under Armour í Kringlunni til styrktar Frú Ragnheiði láta engan bilbug á sér finna og voru á fleygiferð þegar ljósmyndara mbl.is bar að garði fyrr í kvöld. Söfnunin gengur vonum framar miðað við fyrstu væntingar. Meira »

Stekkjastaur laumufarþegi í flugvélinni

Í gær, 22:02 Grunnskólabörn í Kulusuk létu sig ekki vanta á flugvöllinn í dag, þegar liðsmenn Hróksins og Kalak mættu með jólagjafir handa öllum börnum í bænum. Stekkjarstaur var laumufarþegi og sá um að útdeila gjöfunum með aðstoð starfsmanna Air Iceland Connect. Meira »

Galdurinn að komast á trúnó

Í gær, 20:05 „Það tók langan tíma að fá Ragga til að samþykkja að koma í viðtal. Hann sagðist vera búinn að vera í svo mörgum viðtölum um ævina og að hann væri hættur að fara í fjölmiðla,“ segir Anna Hildur Hildibrandsdóttir sem á hugmyndina að sjónvarpsþáttunum Trúnó, en myndavélin hefur fylgt henni frá æsku. Meira »

Situr einn að 40 milljónunum

Í gær, 19:42 Einn spil­ari var með all­ar töl­urn­ar rétt­ar í Lottó í kvöld og fær hann rúma 41 milljón króna, en vinningsmiðinn var keyptur í Fjarðarkaupum í Hafnarfirði. Meira »

Á sama vegheflinum í nær 26 ár

Í gær, 19:20 Vegagerðin heldur úti víðtæku eftirlitskerfi og þar gegna hefilstjórar á 22 vegheflum mikilvægu hlutverki. Einn þeirra er Gunnlaugur Einarsson, flokkstjóri og vélamaður á Vopnafirði. Hann hefur staðið vaktina og heflað vegi í tæplega þrjá áratugi og man tímana tvenna. Meira »

Gluggi inn í störf lögreglu

Í gær, 18:45 „Við höfum náð á síðustu árum og áratugum að einfalda þau verkefni sem við sinnum, en þó eru þau verkefni sem við sinnum gríðarlega fjölþætt og ég held að það sé áhugavert fyrir fólk að sjá hvað starf lögreglunnar er fjölþætt,“ segir Þórir Ingvarsson, lögreglufulltrúi hjá lögreglunni á höfuðborgarsvæðinu. Meira »

Vandamálið skortur á viðurlögum

Í gær, 18:43 Lyfjastofnun hafa borist 15 tilkynningar vegna lækningatækja frá árinu 2011 vegna atvika þar sem grunur leikur á um að tækin uppfylli ekki öryggiskröfur. Ekkert atvik hefur þó leitt til heilsutjóns eða dauða að sögn forstjóra Lyfjastofnunar. Meira »

Snýst allt um þessa hvítu húfu

Í gær, 18:30 Breyta þarf viðhorfi samfélagsins gagnvart annarri menntun en þeirri sem felst í bóknámi, segir Rósa Guðmundsdóttir, framleiðslustjóri G.RUN í Grundarfirði. „Við erum ekki öll gerð til að fara í sama farveginn í lífinu og þannig á það ekki að vera,“ útskýrir hún. Meira »

Kitluðu bragðlaukana í Hörpu

Í gær, 18:01 Fjöldi manns tók sér hlé frá jólastressinu í dag og kom við á matarhátíð Búrsins sem haldin er í Hörpu þessa helgina.  Meira »

Var bundinn niður af áhöfn vélarinnar

Í gær, 15:28 Óskað var eftir aðstoð flugstöðvardeildar lögreglunnar á Suðurnesjum nú í vikunni er flugvél var að koma inn til lendingar á Keflavíkurflugvelli með flugfarþega sem hafði látið öllum illum látum um borð í vélinni. Sá áhöfnin sér ekki annað fært en að binda manninn niður í sætið. Meira »

Samfylkingin hefur tekið fyrir fimm mál

Í gær, 14:45 Fimm mál hafa verið tekin fyrir hjá trúnaðarnefnd Samfylkingarinnar frá því að trúnaðarnefndin var sett á fót í febrúar fyrr á þessu ári. Frá því greinir Heiða Björg Hilmisdóttir, varaformaður Samfylkingarinnar og borgarfulltrúi, í samtali við mbl.is. Meira »

Reykofn í ljósum logum

Í gær, 14:12 Brunavarnir Árnessýslu voru kallaðar út á tólfta tímanum í dag eftir að tilkynning hafði borist um að eldur væri laus í einbýlishúsi í Hveragerði. Slökkviliðsmenn frá Hveragerði og Selfossi fóru á staðinn og þá kom í ljós að um minni háttar atvik var að ræða. Meira »

Valt og endaði á vegriði

Í gær, 14:06 Engan sakaði þegar malarflutningabíll endaði á hliðinni í Gatnabrún, rétt vestan við Vík í Mýrdal, um kl. 12:30 í dag. Nokkrar tafir urðu á umferð á meðan viðbragðsaðilar voru að athafna sig og rétta bílinn af. Meira »

Sýndarveruleikasýning til 30 ára

Í gær, 13:42 Sveitarfélag Skagafjarðar hefur samþykkt samstarfssamning um uppbyggingu sýndarveruleikasýningar við Aðalgötu 21 á Sauðárkróki. Um er að ræða stærstu sögutengdu sýndarveruleikasýningu á Norðurlöndum, að því er kemur fram í fundargerð, en viðfangsefnið verður Sturlungaöld. Meira »

Ljóslaust í rúma fimm tíma á dag

Í gær, 12:57 Götuljósin á höfuðborgarsvæðinu loga í kringum átján klukkustundir á hverjum sólarhring nú í svartasta skammdeginu þegar enginn er snjórinn og þungskýjað. Styst loga þau í Reykjavík því þar sem og í Hafnarfirði er stuðst við annað birtustig við stýringuna. Meira »
Faglærður húsasmiður .
B.Bollason ehf. Byggingaverktaki. Tek að mér smíðavinnu fyrir einstaklinga og f...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Skápur til sölu.
Furuskápur hæð,2.m breidd 0,71meter. 6000.kr. uppl.8691204....
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...