Stuðningsfulltrúinn sýknaður
Setja bókamerki
Héraðsdómur Reykjaness hefur sýknað mann sem var sakaður um að hafa beitt börn grófu kynferðisofbeldi er hann starfaði sem stuðningsfulltrúi hjá Reykjavíkurborg.
Þetta staðfestir Sævar Þór Jónsson, lögmaður og réttargæslumaður eins þeirra sem kærðu manninn. Rúv greindi fyrst frá.
Hann segir að niðurstaða héraðsdóms hafi komið sér á óvart en bætir við að hann eigi eftir að lesa dóminn. Hann sé langur og þurft hafi að takast á við mörg álitaefni í málinu.
Spurður hvort málinu verði áfrýjað segir hann það í höndum ákæruvaldsins.
Maðurinn, sem var ákærður fyrir brot gegn fjórum börnum, neitaði sök við þingfestingu málsins. Það var dómtekið að lokinni aðalmeðferð 29. júní.
Maðurinn, sem er á fimmtugsaldri, hefur setið í gæsluvarðahaldi síðan 19. janúar.
Stóraukið fé til samgöngusáttmála
Benda á Samgöngustofu sem bendir út í heim
„Það er skiljanlegt að þolinmæði þeirra sé lítil“
Starfsfólk gæti fengið reikning frá Skattinum
„Menn eru bara búnir að forgangsraða“
„Tíminn er runninn út fyrir Kristján Loftsson“