Bæjarráð Árborgar hefur samþykkt samhljóða umsókn frá tónlistarmanninum Valgeiri Guðjónssyni fyrir hönd Bakkastofu þar sem óskað er eftir styrk vegna upptöku Árborgarlagins „Borgin við ána“.
Fram kemur í fundargerð að í tilefni af 20 ára afmæli sveitarfélagsins Árborgar telji bæjarráð vel við hæfi og fulla ástæða til að samþykkja styrkumsóknina.
„Bæjarráð fagnar því þegar einstaklingar búsettir í sveitarfélaginu hafa frumkvæði, áhuga og metnað til þess að kynna sína heimabyggð með listsköpun sinni á jafnjákvæðan hátt og hér um ræðir,“ segir í fundargerðinni.