Joff Summerfield, Bretinn sem hjólar í kringum landið á veltipétri, er kominn til Djúpavogs. Hann var þar um klukkan eitt í dag og er á leiðinni suður.
Andrés Skúlason, fréttaritari mbl.is á Djúpavogi, náði myndum af Joff þegar hann fór í gegnum bæinn en hann stoppaði þar í klukkustund og fékk sér að borða. Andrés segir áhuga fólks á hjólinu hafa verið mikinn og túristarnir hafi streymt að honum.
Jeff hefur frá árinu 1999 hjólað umhverfis jörðina tvisvar sinnum á veltipétrinum en þetta er í fyrsta sinn sem hann kemur til Íslands. Hringferðin í kringum Ísland er hluti af stærra ferðalagi Joff, en hann hefur nú þegar hjólað 45.000 kílómetra leið líkt og kom fram í ítarlegu viðtali við hann á mbl.is í lok síðasta mánaðar.